Roma 8:3 - Bible Ni Thothup

³ I Got e ke rin’ e n’en nde yag ni nge rin’ e Motochiyel ni fan ngodad ni bochan e gadad bme’ewaer nrogon e girdi’. Ke l’oeg Fak ke yib ni bay downgin ni bod rogon e dowef rodad nrayag ni nge denen, mu fithik’ e re dowef nem ni pi’ ni maligach e gechignag Got e denen riy.

Roma 8:3 Referans Kwoze

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Hebrews 10:14

Ere ta’reb e maligach nike pi’ ma ke yal’uweg ndariy n’umngin nap’an e pi’in kan chuweg e denen rorad kar be’echgad.

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.

Roma 6:6

Ya gadad manang e re bugithin ni ba’aray: bin kakrom i gadad e kan uneg ngak Kristus kan li’row u daken e kuruth rok, ni fan e ngan kirebnag gelngin e bin kakrom i gadad nib tadenen, ya nge dab ku ud pired ni gadad e sib rok e denen.

Galatia 3:21

Gur fan e re bugithin ney e aram e ke togopluw fare Motochiyel ko tin ni yog Got ni bayi rin’? Aram e danga’! Ya fa’an mang e ke pi’ Got ba motochiyel ni ir e rayag ni nge pi’ e yafos ngak e girdi’, me ere rayag ni nge mat’aw e girdi’ ngak Got u daken e re Motochiyel nem.

Roma 8:32

Mus ngak Fak me pi’ ni fan ngodad ni gadad gubin nde yag ni nge tel! Ke pi’ Fak ngodad — ere gathi ku ra pi’ urngin ban’en ngodad ndariy puluwon?

Roma 3:20

Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

Hebrews 2:14

Pi girdi’ nem ni be yog e bitir ngorad e yad e girdi’ nni ngongliyrad ni ufin nge racha’, me yib Jesus i ngal’ nib girdi’ nge bod yad, me yag rarogorad ngak nrarogon e girdi’. I rin’ ni aram rogon ni fan e yam’ ni nge tay e nge kirebnag gelngin e mo’onyan’; ya mo’onyan’ e bay e yam’ u pa’,

Filippi 2:7

Ya ir e leam rok me pag e fla’ab rok ni gubin, nge fek rarogon ba tapigpig. Mi ni gargeleg ni bod e girdi’, me m’ug ni bod rogon e girdi’;

Hebrews 10:12

Machane Kristus e ri ta’reb e maligach ni pi’ ni fan ko denen, nib maligach ni bay i par ni bfel’ ndariy n’umngin nap’an, nge mu’ me yan i par nga but’ u ba’ ni mat’aw rok Got.

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.

Hebrews 2:17

Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

Roma 9:3

Fa’an mang e ra gu pi’eg ngan gechig nigeg ma gamow dar Kristus ma aram miyad thap ngak Got ma kug rin’.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 9:24

Mu kur pininged fare mo’on nni gargeleg ma bmalmit nge yib ngorad me lungurad ngak, “Mog u mit Got ntin riyul’ e ngam weliy! Gamad manang nre mo’on nem i Jesus e reb e tadenen.”

Mark 15:27

Mu ku yad richibiy l’agruw i moro’ro’ ntacham nga l’agruw i kuruth, ni bagayow nga ba’ ni mat’aw rok Jesus, ma bagayow nga ba’ ni gilay’ rok.

Numbers 28:22

Ma ku yira pi’ reb e kaming ni pumo’on ni fen e maligach ko denen, ni irera’ rogon i bangbengnag fare machalbog ni fan ngak e girdi’.

Roma 7:18

Gu manang ni tin ni bfel’ e der par u fithik’ag ni aram rarogog nrogon e girdi’. Ya yugu ra gu be yim’ ni bochan ni nggu rin’ e tin ni bfel’, ma dabiyag rog ni gu rin’.

Numbers 21:9

Me ngongliy Moses ba porchoyog ko wasey ni bronze nge tay nga p’ebgul ba ley i gek’iy nge suweg ngalang. Mra k’ad e porchoyog be’ me yan i sap ko re porchoyog ni bronze nem ma dabki yim’.