Roma 8:27 - Bible Ni Thothup

²⁷ Mi Got, nma guy e tafinay rok e girdi’, e manang e tin ni be leamnag fare Kan Nthothup; ya fare Kan Nthothup e ma wenignag e tirok’ Got e girdi’ ngak Got nrogon nib m’agan’ Got ngay.

Roma 8:27 Referans Kwoze

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Efesus 2:18

Gadad urngin, ni piyu Israel nge pi’in gathi yad piyu Israel, e rayag nu daken Kristus e nge ayuwegdad fare Kan Nthothup riy ngdarod nga p’eowchen e en ni Chitamangiy.

Roma 8:34

Gur rayag rok be’ ni nge turguy e gechig rorad? Kristus Jesus e gathi kemus ni yim’ ni fan ngodad, ya ku ni faseg ko yam’ ke yan i par nga ba’ ni mat’aw rok Got. Be wenig nagdad ngak Got!

Acts 1:24

Miyad meybil ni lungurad, “Somol, ga manang laniyan’ urngin e girdi’. Ere mu dag ngomad, Somol, ko mini’ rok e gali cha’ney e kam duwgiliy

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

Proverbs 17:3

Gol nge silber e yima sikengnag ko nifiy ma gumircha’en e girdi’ e SOMOL e ma sikengnag.

Acts 15:8

Mi Got, ni ir e manang laniyan’ urngin e girdi’ e dag ni bfel’ e pi’in gathi yad piyu Israel u wan’, ni fan e pi’ e Kan Nthothup rok ngorad, ni bod rogon nike pi’ ngodad.

Psalms 44:21

ma rib mich ni gamnang, Ya gamnang e tin bay u lanin’mad nib mith.

1 Thessalonika 2:4

Machane gubin ngiyal’ ni ug welthingad nrogon ni ba’adag Got ni nggu welthingad, ya ke pagan’ ngomad ma ke pag fan e thin rok ngomad. Gathi gamad be guy rogon ni nggu fel’gad u laniyan’ e girdi’, ya gamad be yan nga laniyan’ Got, ni ir e ma sikengnag rogon e tin gamad be finey.

Matthew 6:8

Dab mboded yad; ya Got ni Chitamangimed e manang e n’en nthingari yag ngomed u m’on ndawor mu ninged ngak.

Jeremiah 20:12

Machane gur fare SOMOL ni Gubin ma Rayag Rok e mmat’aw e sikeng ni ga ma pi’ ngak e girdi’; ya ga manang e tin bay u lanin’rad. Ere mu gagiyeg ngug guy ni ka mu falbiy ko pi to’ogor rog, ya tin yibe rin’ ngog e kug pag fan nga pa’am.

Jeremiah 11:20

Ma aram mu gu meybil ni lungug, “SOMOL ni Gubin ma Rayag Rok, I gur ba tapufthin nib mat’aw; ga ma sikengnag gumircha’en nge lanyan’ e girdi’. Kug tay e oloboch rog ngalan pa’am; ere mu pageg nggu yaliyem ni ngam felbayen e pi girdi’ ney.”

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

Psalms 7:9

Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.

Roma 8:6

Ra par lanin’med ni tin ni ba’adag e dowef romed e ir e be gagiyegnag, ma wenegan nra yib e yam’; mra par lanin’med ni tin ba’adag e Kan ni Thothup e ir e be gagiyegnag, mra yib wenegan ni yafos nge gapas.

Psalms 38:9

A Somol, ga manang e n’en ni kugum’ ni bochan; ga be rung’ag gubin e gel’gel’ rog.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

Psalms 139:1

SOMOL, ga be guy lanin’ug, ma ga manangeg.