Roma 8:24 - Bible Ni Thothup

²⁴ Yu daken e pagan’ rodad e ir e thapegdad Got riy ngak; machane fa’an mang e gadad be guy e n’en ni ir e be l’agan’dad ngay, me ere dabki yan i aw ni ba pagan’. Mini’ e ma pagan’ nga ban’en ni ban’en ni be guy?

Roma 8:24 Referans Kwoze

Hebrews 11:1

Ra nge michan’dad ma aram e ke pagan’dad ko pin’en ni ir e ke l’agan’dad ngay, ma ke michan’dad ko pin’en ndarid guyed nga owchedad.

2 Korinth 5:7

N’en nike michan’dad ngay e ir e be gagiyegnag e ngongol rodad u roy u fayleng, ma gathi n’en ni gadad be guy.

2 Korinth 4:18

Ya gathi pin’en ni yibe guy nga owchey e ir e ke l’agan’dad ngay, ya pin’en ndanir guy nga owchey. N’en ni yibe guy nga owchey e bayi m’ay; ma n’en ndab ni guy nga owchey e bay i par ndariy n’umngin nap’an.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 Thessalonika 5:8

Machane gadad girdi’en e rran, ni aram fan ni ngu’ud pired ni gadad ba tamilang. Ere michan’ rodad ngak Kristus nge rogon nib t’uf Kristus rodad nge girdi’, e thingar don’ed nga dakendad ni bod breastplate nma upunguy e salthaw ngorongoren ngay, nge tin ni be l’agan’dad ngay ni bay da guyed ni bochan e kad thapgad ngak Got e ngad maruwelgad ngay ni bod e helmet nma ayweg lolugen e salthaw ko mael.

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

Roma 12:12

Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

Roma 5:2

U daken e michan’ rodad ngak Jesus Kristus e ke fekdad Jesus Kristus riy ko runguy rok Got, ni ir e gadad bay riy e chiney. Ere gadad be felfelan’, ya ke l’agan’dad ko fla’ab rok Got ni bay da uned ngay!

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Kolose 1:27

Ya ba’aray rogon ni leamnag Got: i leamnag ni nge nang e girdi’ rok e tin immoy nda nnang, ni fare n’en nrib fel’ ni bay rok ni fan ngak girdi’en urngin e nam. Ere ren’em ni immoy nda nnang e ba’aray: Kristus e bay u fithik’med, ni fan e ren’ey e aram e gimed ra un ngak Got ko fla’ab.

Roma 15:4

Ya urngin ban’en nni yoloy ngalan e babyor nib thothup e ni yoloy ni nge fonow nagdad, ni bochan e nge yag e l’agan’ ngodad u fithik’ e gumaen’ nge athamgil laniyan’ ni be pi’ e thin ko babyor nib thothup ngodad.

Galatia 5:5

Machane gadad e be l’agan’dad ngak Got ni ir e nge mat’awnagdad ngak; ni ireray e ren’en ni ir e gadad be sonnag ni nge yag ngodad u gelngin e Kan Nthothup rok Got ni be maruwel u fithik’ e michan’ rodad ngak Kristus.

Psalms 146:5

Ba falan’ e pi’in bay e Got rok Jakob rorad ni be aywegrad, ma yad ma toer ngak SOMOL ni Got rorad,

1 John 3:3

Gubin e girdi’ nike l’agan’rad ngak Kristus ni aray rogon e ra bagayad ma be tay ir nib machalbog, ni bod rogon feni machalbog Kristus.

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

Kolose 1:23

Thingar um pired ni gimed ba yul’yul’ ma gimed bmuduwgil ko n’en nike michan’med ngay, ma dab mpaged gimed nge maruwaran’med ko n’en ke lagan’med ngay, ni yag ngomed ko ngiyal’ ni mu rung’aged fare Thin Ni Bfel’. I gag Paul e gu mang reb e tapigpig ni bochan e re Thin Ni Bfel’ ney — nre Thin Ni Bfel’ ney ni kan machibnag ngak urngin e girdi’ u fayleng.

Kolose 1:5

Ngiyal’ ni som’on ni yib e thin rok Got nib riyul’ ngomed, ni ir fare Thin Ni Bfel’, ma mu rung’aged e n’en ni be yog nra pi’ ni ir e nge lagan’uy ngay. Ere rogon nib mich Kristus u wun’med nge rogon nib t’uf Got nge girdi’ romed e yib ko n’en nike lagan’med ngay, ni ir e be cha’riy Got u tharmiy ni fan ngomed.

1 Korinth 13:13

Ere dalip ban’en ni ba’aray nra par: ni aram e michan’ ngak Kristus, nge pagan’ ngak, nge rogon ni gadad ba t’uf rok Got nge rogon nib t’uf Got rodad nge girdi’; ma bin th’abi ga’ ko pin’ey e rogon ni gadad ba t’uf rok Got nge rogon nib t’uf Got rodad nge girdi’.

Zekariah 9:12

Mu sulod, e pi kalbus u wuru’ e nam ya chiney e ke yib e l’agan’ romed; mu sulod ko nam romed ndabki buch ban’en romed. Chiney e gu be yog ngomed ni bay gu fulweg ngomed e pi fel’ wa’athan ni l’agruw yay nib yo’or ko pi gafgow ni ku’um ted.

Jeremiah 17:7

“Machane gu ra towaathnag be’ ni gag e ke pagan’ ngog.

Psalms 33:18

I SOMOL e ma yaliy e pi’in bay madgun u wun’rad, ni pi’in ke pagan’rad ko t’ufeg rok ni dabimus.

Psalms 33:22

SOMOL, t’ufeg rom ni dabimus e mang e yigi par romad, bod ni ku gu ted e lagan’ romad ngom.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Roma 4:18

Ngiyal’ ni yan i m’ug nsusun e dakuriy rogon ni nge pagan’ Abraham ko tin ni yog Got ngak, e aram e par Abraham ni kab mich Got u wan’ ma be pagan’ ko tin ke yog Got ngak, ma aram me yag ni mang “chitamngin bo’or e nem.” Nri bod rogon ni be yog e babyor nib thothup ni be ga’ar, “Pi’in bay rabad ni owchem e yad ra pire’ ngar boded urngin e t’uf u lanelang.”

Roma 8:20

Ya tin ni sunumeg Got e turguy Got ni nge m’ayfan, ni gathi yad e ra leam niged, machane bochan e Got e leamnag ni nge yodorom. Machane yad be son u fithik’ e pagan’,

Titus 3:7

nu daken e runguy rok ngodad e ke yag ni mat’aw nagdad riy ngak Got, ma ke yagnag ngodad e yafos ndariy n’umngin nap’an ni ir e be l’agan’dad ngay.