Roma 8:20 - Bible Ni Thothup

²⁰ Ya tin ni sunumeg Got e turguy Got ni nge m’ayfan, ni gathi yad e ra leam niged, machane bochan e Got e leamnag ni nge yodorom. Machane yad be son u fithik’ e pagan’,

Roma 8:20 Referans Kwoze

Genesis 5:29

me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.

Roma 8:22

Gadad manang ni urngin e tin ke sunumiy Got e be gel’gel’ ko amith ni bod rogon e amith ko gargel, ni kab kakrom i yib ke mada’ ko chiney.

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Eklesiastes 1:2

Rib m’ayfan, bm’ayfan, thin ni yog fare Filosofer. Yafos e ba m’ayfan, gubin nib m’ayfan.

Genesis 6:13

Me ga’ar Got ngak Noah, “Kug turguy u wun’ug ni nggu thang owchen urngin e girdi’. Bay gu thang owcherad, ya re fayleng ney e ke sug ko ngongol rorad nib kireb.

Joel 1:18

Be moen e garbaw ni kar gafgowgad ya dakriy e yungin ngar ked e pan riy; fa yu ran’ i saf e ku arrogon ni kar gafgowgad.

Jeremiah 12:11

Ka ra ted ni dakriy e wulgo’ riy; ke par u p’eowcheg ni dakriy ban’en riy. Ga’ngin fare but’ nike daken e ted ni desert, ni dakriy be’ ni be magfan’ ngay.

Psalms 39:5

Karim ngochnag nap’an e yafos rog! Dariy n’umngin nap’an e yafos rog u pulwom. Rriyul’ ni gubin e girdi’ nib fos e gowa ba wuchuth i nifeng,

Roma 8:24

Yu daken e pagan’ rodad e ir e thapegdad Got riy ngak; machane fa’an mang e gadad be guy e n’en ni ir e be l’agan’dad ngay, me ere dabki yan i aw ni ba pagan’. Mini’ e ma pagan’ nga ban’en ni ban’en ni be guy?