Roma 8:11 - Bible Ni Thothup

¹¹ Fa’anra be par fare Kan ni Thothup rok Got u fithik’med, ni ir e faseg Jesus ko yam’, me ere en ni ir e faseg Kristus ko yam’ e ku ra pi’ e yafos ko dowef romed nra yim’, nra pi’ u daken fare Kan ni Thothup rok ni bay u fithik’med.

Roma 8:11 Referans Kwoze

2 Korinth 4:14

Ya gamad manang ni Got ni ir e faseg Somol Jesus ko yam’, e ku ra fasegdad ko yam’ ni bod Jesus, me chagiydad nga ta’bang u p’eowchen.

2 Korinth 4:11

N’umngin nap’an e yafos romad ko biney e tamilang e gubin ngiyal’ ni be chugur e yam’ ngomad ni bochan Jesus, ni fan e nge m’ug pangin ko re dowef romad ney, nib dowef nra yim’.

Roma 8:9

Machane damur ngongolgad ni bod rogon ni be yog e dowef romed ngomed; gimed be ngongol nrogon ni be yog fare Kan ni Thothup ngomed — ni fa’anra riyul’ ni be par e Kan ni Thothup u fithik’med. En ndariy rok fare Kan ni Thothup rok Kristus e gathi reb i girdi’en.

1 Korinth 6:14

I Got e faseg Somol ko yam’, ma ku errogon ni gelngin e bayi fasegdad riy ko yam’.

Roma 8:2

Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.

Filippi 3:21

ni bayi piliyeg dowdad nib me’waer mra yim’ nge bodnag downgin nib galgal ram’en, ni aram e ke maruwel nga gelngin ni ir e nge suwey urngin ban’en u daken.

John 5:21

Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

Acts 2:24

Machane me faseg Got ko yam’ nge chuweg u fithik’ gelngin e yam’, ya dariy e n’en nra rin’ me yag rok e yam’ ni nge kalbusnag.

Efesus 2:5

ya nap’an ni kagadad bay u tan e gechig rok Got ni aram e gadad ba yam’ ni bochan e denen rodad me chagiydad ngak Kristus nge thapegdad ko yafos; yu daken e runguy rok Got e ir e ke thapegmed riy ngak.

Ezekiel 37:14

Bay gu pag athon l’ugunag ngorad nggu fasegrad, mu ur pired ko nam rorad. Ma aram e bay ra nanged ni Gag e SOMOL. Kug micheg ni bay gu rin’ e ren’ey ma ri bay gu rin’. I Gag SOMOL e gu be yog e pi thin ney.”

Revelation 11:11

Ma fa’ani chuw dalip nge baley e rran me pi’ Got athon l’ugun ngorow nma fasegey, nge yan nga fithik’ i dowrow, miyow sak’iy ngalang; ma urngin e girdi’ nra guyed yow ni kar fosgow e rib gel e tamdag ni yib ngorad.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;

John 14:17

Ir fare Kan ni Thothup, ni ir e bayi tamilangnag e tin rriyul’ u murung’agen Got. Ma girdi’ nu fayleng e dabiyag ni nge yag ngorad, ya dabiyag ni ngar guyed ara ra nanged ir. Machane gimed e gimed manang ir, ni bochan e bayi par romed ngi i par u fithik’med.

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 Korinth 15:16

Ya fa’anra dab ni faseg e pi’in karm’ad, me ere ku errogon Kristus nda ni faseg ko yam’.

Isaiah 26:19

Girdi’ rodad ni karm’ad e yad ra fos bayay! Dowef rorad e ku ra sul e yafos ngay. Urngin e pi’in yad bmol u lan e low rorad e bay ra odgad miyad tangnag e felfelan’. Bod nma gal ra’en e wa’angchol ko garbeb nge kak’lingnag e fayleng, aram rogon SOMOL ni bayi faseg e pi’in karm’ad kakrom.

Roma 6:12

Thangri dabki par ni denen e be gagiyegnag dowmed ni bogi dowef ni bay yim’, ya ir e ma waliymed ngam folgad ko tin ni be yim’ e dowef romed ni bochan.

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

2 Korinth 5:4

Ma ngiyal’ ni gadad be par u lan e re tent ney nu fayleng e gadad be gel’gel’ nike tomalan’dad; gathi fene gadad ba’adag ni ngad n’iged e dowef rodad nu fayleng, machane gadad ba’adag ni ngan tay e bin nu tharmiy nga dakendad, ni fan e bin nra yim’ e bayi mang yafos e ful’.

Roma 8:1

Chiney e dab kun turguy e gechig rok e pi’in kar ta’ab girdi’gad Kristus Jesus.

Roma 8:12

Pi walageg, dakuriy rogon ni ngu’ud pired ni gadad be rin’ e tin nib kireb ni gadad be yim’ ni bochan.

Roma 16:3

Nge felan’ Got ngak Priska nge Aquila, ni yow e ur unew ngog ngu’ug pigpiggad ngak Kristus Jesus,

Roma 16:7

Nge felan’ Got ngak Andronikus nge Junias, ni yigo’o gamad piyu Israel ni ur moyew rog u kalbus; ni yigo’o manangrow e pi apostel, mra mangew girdi’en Kristus ni yow mm’on rog.

Roma 16:9

Nge felan’ Got ngak Urbanus, ni ir reb e girdi’en e maruwel rodad ko maruwel rok Kristus, nge ngak Stakis, nreb e fager rog nib t’uf rog.

Roma 16:10

Nge felan’ Got ngak Apelles, ni gelngin e yul’yul’ rok ngak Kristus e go’ kan nang. Nge felan’ Got ngak girdi’en e tabinaw ku Aristobulus.

Galatia 6:8

Fa’anra yung be’ ban’en nga daken e milay’ ni aram e tin nib kireb ni be ar’arnag, ma wom’ngin nra yib riy ngak e yam’; ma fa’anra yung be’ ban’en ni fan ngak fare Kan Nthothup, ma wom’ngin nra yib riy ngak ni Kan Nthothup e ke yib rok e yafos ndariy n’umngin nap’an.