Roma 8:1 - Bible Ni Thothup

¹ Chiney e dab kun turguy e gechig rok e pi’in kar ta’ab girdi’gad Kristus Jesus.

Roma 8:1 Referans Kwoze

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

1 Korinth 1:30

Machane Got e ke fekmed ke ta’ab girdi’nagmed Kristus Jesus, ma ke tay Got Kristus ni ir e kemang e birodad e gonop; nu daken Kristus e ke mat’aw nagdad Got riy ngak, kad manged e tirok’ Got e girdi’ nib thothup, ma ke pithigdad u gelngin mo’onyan’.

Roma 8:34

Gur rayag rok be’ ni nge turguy e gechig rorad? Kristus Jesus e gathi kemus ni yim’ ni fan ngodad, ya ku ni faseg ko yam’ ke yan i par nga ba’ ni mat’aw rok Got. Be wenig nagdad ngak Got!

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

John 15:4

Mpired ni gimed ba peth ngog, mu gu par ni gub peth ngomed. Fa’anra dab mpired ni gimed ba peth ngog ma dabiyag ni nge yib wom’engimed, ni bod rogon pa’ngin e grape ndabiyag ni nge yib wom’ngin ni fa’anra dabi par nib peth nga kenggin.

Filippi 3:9

mu gu pirew ni kug ta’ab girdi’gow. Ma gathi ka gag e gu be athamgiliy ni nggu mat’aw, ni fa mit nem e mat’aw nma yag u daken e Motochiyel rok Moses ni yibe fol riy; ya chiney e kug mat’aw ni Got e ke mat’aw nigeg ni bochan e ke mich Kristus u wun’ug, ni mat’aw nike yib rok Got ni yib u daken e michan’ rog ngak Kristus.

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

Roma 8:14

Pi’in be pow’iyrad fare Kan ni Thothup rok Got e yad pifak Got.

1 Korinth 15:22

Rogon nma yim’ urngin e girdi’ ni bochan e yad ta’ab girdi’ Adam, e aram rogon ni gubin e girdi’ ni bay ni faseg ko yam’ ni bochan e kar ta’ab girdi’gad Kristus;

Galatia 5:16

Ba’aray e n’en ni nggog: mpaged fare Kan Nthothup nge mang ir e i gagiyegnag pangimed, ma aram e dab um marod nga ar’aren lanin’med.

Roma 8:4

I rin’ Got e ren’ey ni fan e tin ni be yog e Motochiyel ni ngad rin’ed e nge yan i aw ngarogon u fithik’dad e pi’in ni fare Kan ni Thothup e be gagiyegnag pangidad, ma gathi rogon nib m’agan’ e dowef rodad ngay.

Roma 8:39

ara bin nu lang e tamilang ara bin nu ar e tamilang dariy ban’en u fithik’ urngin e tin ke sunumiy Got nrayag rok ni nge daregdad u rogon ni gadad ba t’uf rok Got nike yag ngodad u daken Kristus Jesus ni ir e Somol rodad.

Galatia 5:25

Fare Kan ni Thothup e ir e ke fasegdad; ere thangri mang ir e i gagiyeg nagmad.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

John 14:20

Bayi taw ko chirofen nem, ma bay mu nanged ni gu bay u fithik’ e Chitamag, ma gimed bay u fithik’ag, ni bod rogog ni gu bay u fithik’med.

Roma 7:20

Fa’anra gu rin’ e n’en ndabug ni nggu rin’, ma aram e gathi ku gag e cha’ ni be rin’; ya denen ni be par u fithik’ag e ir e be rin’.

Roma 7:17

Ere ri gathi gag e cha’ ni be rin’ e ren’ey; ya denen ni be par u fithik’ag e ir e be rin’.

2 Korinth 12:2

Gu manang be’ nib mo’on ni reb i girdi’en Kristus ni ragag nge aningeg e duw nap’an ko bin daba’ e rran ngal’an nni fek nib tomgin ko thal nth’abi tolang e tharmiy (da gu nang nri yodorom ara ni piliyeg e changar rok nge guy — kemus ni Got e manang).

Roma 16:7

Nge felan’ Got ngak Andronikus nge Junias, ni yigo’o gamad piyu Israel ni ur moyew rog u kalbus; ni yigo’o manangrow e pi apostel, mra mangew girdi’en Kristus ni yow mm’on rog.

Roma 16:3

Nge felan’ Got ngak Priska nge Aquila, ni yow e ur unew ngog ngu’ug pigpiggad ngak Kristus Jesus,

Ezekiel 18:9

Ma fol ko tin kugog ni ngan rin’ mma fol ko pi motochiyel rog. Ir be’ nib yal’uw mab mat’aw ma ra par nib fos.” Ara’ rogon nike yog Somol ni Th’abi Tolang.

Roma 5:16

Ma bay ban’en nib thil u thilin e tow’ath rok Got nge denen ni rin’ ta’reb e girdi’. Tomuren e ta’are denen nem me yan i aw nike “Kireb e Rok” e girdi’; machane tomuren e denen ni pire’ me yib fare tow’ath ni yugu dariy rogon ni nga ni pi’ ngak e girdi’, ni aram e ke yan i aw ni “Daki Kireb e Rok” e girdi’!

Roma 8:2

Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.

Roma 8:9

Machane damur ngongolgad ni bod rogon ni be yog e dowef romed ngomed; gimed be ngongol nrogon ni be yog fare Kan ni Thothup ngomed — ni fa’anra riyul’ ni be par e Kan ni Thothup u fithik’med. En ndariy rok fare Kan ni Thothup rok Kristus e gathi reb i girdi’en.

Roma 8:11

Fa’anra be par fare Kan ni Thothup rok Got u fithik’med, ni ir e faseg Jesus ko yam’, me ere en ni ir e faseg Kristus ko yam’ e ku ra pi’ e yafos ko dowef romed nra yim’, nra pi’ u daken fare Kan ni Thothup rok ni bay u fithik’med.

Galatia 3:26

Yu daken e michan’ romed ngak Kristus e ir e ke yag ni mmanged pifak Got riy ni gimed gubin, ni aram e kam ta’ab girdi’gad Kristus Jesus.

Efesus 1:1

Re babyor ney e yib rok Paul, ni Got e leamnag nge mang reb e apostel rok Kristus Jesus — Ngak girdi’en Got ni yad ma par u Efesus, ni pi’in nib yul’yul’ e ngongol rorad u fithik’ Kristus Jesus: