Roma 7:18 - Bible Ni Thothup

¹⁸ Gu manang ni tin ni bfel’ e der par u fithik’ag ni aram rarogog nrogon e girdi’. Ya yugu ra gu be yim’ ni bochan ni nggu rin’ e tin ni bfel’, ma dabiyag rog ni gu rin’.

Roma 7:18 Referans Kwoze

John 3:6

Ya girdi’ e ma gargeleg e girdi’, ma fare Kan ni Thothup e ma gargeleg e bin nib be’ech e tafinay.

Psalms 51:5

Gub kireb ko ngiyal’ nni gargel nigeg riy ke mada’ ko chiney; chirofen nni par nigeg riy e gu bay u fithik’ e denen ke mada’ ko chiney.

Galatia 5:17

Ya n’en nib kireb ni gadad be ar’arnag e be togopluw ko n’en ni ba’adag fare Kan Nthothup, ma n’en ni ba’adag fare Kan Nthothup e be togopluw ko n’en nib kireb ni gadad be ar’arnag, ni aram e yow ba tathil, ni fan e re bugithin ney e dabiyag ni ngam rin’ed e tin ni gimed ba’adag ni ngam rin’ed.

Roma 7:25

Ke magaer Got u daken e Somol rodad i Jesus Kristus! Ere ba’aray salpeg: kemus ni lanin’ug e rayag ni gu ayuweg e motochiyel rok Got ngay, ma rarogog nrogon e girdi’ e be fol ko fare motochiyel rok e denen.

BABYOR NI JOB 14:4

Dariy ban’en nib be’ech nrayag ni yib rok ban’en ni bod feni alit e girdi’.

Galatia 5:24

Ma pi’in kar manged girdi’en Kristus Jesus e kar li’ed e tin nib kireb ni be ar’arnag lanin’rad nike un ngay urngin e tin nib kireb ni yima yim’ ni bochan.

Filippi 2:13

ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.

Genesis 6:5

Fa’ani guy SOMOL ni kari gel e kireb rok e girdi’ u gubin yang, ni gubin ngiyal’ ma ba sug lanin’rad ko tin nib kireb,

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Roma 7:19

Dagur rin’ e tin ni bfel’ ni ir e gub adag ni nggu rin’; machane gu be rin’ e tin nib kireb ni ir e dabug ni nggu rin’.

Roma 7:15

Dagur nang fan e n’en ni gu be rin’; ya dagur rin’ e tin ni gu ba’adag ni nggu rin’, ma gu be rin’ e tin ndabug ni nggu rin’.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

1 Peter 4:2

Ere chiney i yan ngam’on e thingari par pangimed u n’umngin nap’an e yafos romed u roy u fayleng ni Got e be gagiyegnag nrogon ni be finey, ma gathi tin nma yim’ e girdi’ ni bochan nde mat’aw u wan’ Got e ir e nge gagiyegnag pangimed.

Filippi 3:12

Dagur yog nike yag ngog e ren’ey, ara kug taw ko n’en ni yibe nameg. Ku gu be yan ni gu be guy rogon ni nge yag ngog ni fan e ke milfag ngak Kristus Jesus.

Luke 11:13

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere en ni Chitamangiy ni bay u tharmiy e ri ra pi’ fare Kan Nthothup ngak e pi’in yad ra ning ngak!”

Psalms 119:176

Gu be deraw ni bod ba saf nike malog; are moy ngam changar nigeg, i gag e tapigpig rom, ni bochan e dawor gu n’ag e motochiyel rom.

Psalms 119:40

Gu ba’adag ni nggu fol ko tin kamog ni ngan rin’; mu pi’ e yafos nib be’ech ngog, ni fan e gab mat’aw.

BABYOR NI JOB 25:4

Rayag ni par be’ nib mat’aw fa bmachalbog u p’eowchen Got?

Roma 13:14

Machane ngam feked talin e cham rok Somol Jesus Kristus, mi gimed tal ndab ku um rin’ed e tin nib kireb ni be ar’arnag e dowef romed.

Roma 7:5

Ya ngiyal’ ni ud ngongolgad nrogon e bin kakrom i pangidad, e tin nib tagan ni ud m’ad ni bochan, e Motochiyel e yib i ubchiya’nag ngi i maruwel u fithik’ i dowdad, nge yib wenegan ngodad ni yam’.

Psalms 119:173

Gubin ngiyal’ ma kam fal’eg rogom ni ngam ayuwegneg, ni bochan e gu be folwok ko tin kamog.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Psalms 119:5

Ri gu be athapeg ni gomang e yuggu par ni gub yul’yul’ ko pi fanow rom.

Psalms 119:32

Rug ra fol ko tin kam ta’chiylen nib pasigan’ug ngay, ni bochan e bay mu gelnag e tamilngan’ rog.