Roma 6:9 - Bible Ni Thothup

⁹ Ya gadad manang ni kan faseg Kristus ko yam’ ni gathi bay ki yim’ bayay — ya yam’ e dakuriy rogon gelngin ngak.

Roma 6:9 Referans Kwoze

Roma 6:14

Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Roma 5:14

Machane nap’an Adam nge yib i mada’ ngak Moses e i gagiyegnag e yam’ urngin e girdi’, ni mus ngak e pi’in gathi ta’reb rogon e denen rorad ko denen ni rin’ Adam ni fa’an daki fol ko tin ni tay Got chiylen. Adam e par ni ir e be yip’ fan e cha’ ni bay fini yib.

Hebrews 7:16

Ni gathi ni turguy nge mang reb e prist ni bod rogon yalen ko motochiyel ko girdi’; ye yib i mang prist u gelngin reb e yafos ni dabi mus bi’id.

Roma 6:4

Ere tawfe ntay ngodad e kan unegdad ngak kan k’eyagdad kad uned ngak ko yam’, ni fan e rogon ni faseg e en ni Chitamangiy Jesus nga gelngin nrib gel, e ku aram rogodad ni nge yag ni ud pired ko bin nib be’ech e pangin.

Roma 6:10

Yam’ ni tay e aram e ke yim’ rok e denen, ni gathi bay ki yim’ bi’id; ma re yafos ni be par riy e chiney e be par riy ni bay rok Got.