Roma 6:22 - Bible Ni Thothup

²² Machane chiney e kan chuwegmed u tan pa’ e denen kam manged sib rok Got; ma wenegan nike yib ngomed e kari mpi’ed gimed nga pa’, ma tomuren e biney, e yafos ndariy n’umngin nap’an e bay yag ngomed.

Roma 6:22 Referans Kwoze

1 Peter 2:16

Um pired ni gimed bogni’ ni kam gilafgad ko kireb, machane gilaf ko kireb ni kam ted e dab mmaruwelgad ngay ni ngam upunguyed ban’en nib kireb, machane ngu’um ngongolgad nrogon e sib rok Got.

Roma 6:18

Kam chuwgad u pa’ e denen kam manged sib rok e tin nib mat’aw.

Roma 8:2

Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.

John 8:32

ma bay mu nanged e tin riyul’, ma tin riyul’ e ir e bayi ayuwegmed nge dab kum pired ni gimed e sib.”

Galatia 5:13

Machane gimed, pi walageg ni girdi’en Kristus gimed, e ke piningmed Kristus ni ngam chuwgad u tan fare Motochiyel. Machane ren’em ni kam chuwgad u tan fare Motochiyel e ngam guyed rogon ni dabi mang ba tawey ngomed ngam paged e ar’ar u fithik’ i dowmed nge mang ir e i gagiyeg nagmed. Machane rogon nib t’uf romed Kristus nge girdi’ e ir e nge gagiyeg nagmed nge bigimed mi i pigpig ngak bigimed.

1 Korinth 7:22

Ya en nib sib nike taw e thin rok Somol ngak e Somol e ke pithig fa’anem ko denen kemang reb e girdi’ rok; ere ku aram rogon ni be’ ni ir e mmil fan ir ngak me taw e thin rok Kristus ngak e kemang sib rok Kristus.

1 Peter 1:9

ya gam’ingin e michan’ romed ngak Got e keyag ngomed, ni aram e kam thapgad ngak Got.

Galatia 1:10

Re bugithin ney ni kugog e gimed be finey ma gu be guy rogon ni nggu wan nga laniyan’ e girdi’? Danga’! I Got e gu be finey ni nggu wan nga laniyan’! Ara gimed be finey ni gu be guy rogon ni nggu fel’ u wan’ e girdi’? Fa’an mang e gu be guy rogon ni nggu fel’ u wan’ e girdi’, ma dab gu mang reb e tapigpig rok Kristus.

Roma 6:14

Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.

Isaiah 54:17

Machane dariy ba talin e cham nrayag ni nge maad’ad ngom; bay u fulweg rom ngak urngin e pi’in yad ra yog ni gab kireb. Bay gu ayuweg e pi tapigpig rog, mu gu gagiyeg nagrad ngar gelgad.” I SOMOL e keyog e pi thin ney.

Galatia 5:22

Machane fare Kan Nthothup e ma sunumeg u lanin’dad e t’ufeg, nge felfelan’, nge gapas laniyan’, nge gumaen’, nge gol, nge fel’ ngak e girdi’, nge yul’yul’,

Roma 7:4

Pi walageg, ere ku er rogomed ni kam m’ad rok e Motochiyel, ni bochan e kam manged bangi downgin Kristus, ni ir e chiney e ke mil famed ngak, ni ir e ni faseg ko yam’ ni fan e nge yib fadad ngak Got.

Roma 6:21

Ere be mang e ren’en ni bfel’ ni yib ngomed ko pin’en ni um ngongliyed ni gimed be tamra’ ngay e chiney? Wenegan e pin’em nma yib e yam’!

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Daniel 3:26

Me yan Nebukadnezzar ko mab ko fare tafen e nifiy ni be daramram me pong ni ga’ar, “Shadrak! Meshak! Abednego! Gimed e pi tapigpig rok Got ni Ir e Th’abi Tolang! Mired nga wean!” Miyad yib nga wean ni ka chingiyal’ nem.

Psalms 143:12

Mu thang e pogofan rok e pi to’ogor rog ni bochan e gub t’uf rom, mag thang owchen urngin e pi’in yad ma gafgow nigeg, ya gag e tapigpig rom.

Titus 1:1

Re babyor ney e yib rok Paul, ni tapigpig rok Got, me ir reb e apostel rok Jesus Kristus. Ni turguyeg nga nol’igeg ni nggu ayuweg e pi’in ke mel’egrad Got ni ngar manged girdi’en nge mich Kristus u wun’rad, mu gu pow’iyrad ko tin nib riyul’ ni be fil e ba’ rodad e taliw,

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

Filippi 4:17

Gathi bochan e kemus ni gub adag ni ngi i yag e tow’ath ngog; machane gub adag ni nge puthuy Got e win ko ngongol ni bfel’ ni kam ngongliyed.

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.

Efesus 5:9

ya fare tamilang e bo’or wom’ngin urngin mit e fel’, nge mat’aw, nge tin riyul’ nma pi’.

2 Korinth 3:17

Re bugithin nem ni “Somol” ko re thaliyol nem e ireram fare Kan Nthothup rok Somol; ma pi’in bay fare Kan Nthothup rok Somol rorad e kar chuwgad u tan e bin kakrom e m’ag.

Roma 7:25

Ke magaer Got u daken e Somol rodad i Jesus Kristus! Ere ba’aray salpeg: kemus ni lanin’ug e rayag ni gu ayuweg e motochiyel rok Got ngay, ma rarogog nrogon e girdi’ e be fol ko fare motochiyel rok e denen.

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.

John 4:36

Re mo’on ni ir e nge t’ar e woldug e yima pi’ puluwon ni nge kunukunuy e woldug nike el ni fan ko yafos ndariy n’umngin nap’an; ni aram e re mo’on ni yung e woldug nge re mo’on ni t’ar e woldug e bay ra felfelan’gow u ta’bang.

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

Matthew 13:43

Ma tirok’ Got e girdi’ e bayi gal rama’erad ni bod e yal’ ko gin ni Chitamangirad e be gagiyegnag. Ere mmotoyilgad ni fa’anra bay telmed!

Matthew 13:40

Ma rogon ni yima kunuy e pan ngan urfiy u mit e nifiy, e aram rogon e n’en ni yira rin’ u tomuren e fayleng:

Psalms 92:14

nike pilbithir ma ku ma k’uf ni ku be par ni kab galunglung ma ku ba gel.

BABYOR NI JOB 1:8

Me ga’ar SOMOL, “Mog, kam guy fare tapigpig rog i Job? Dariy be’ u fayleng nib yul’yul’ ma bfel’ ni bod ir. Bay madgug u wan’ mma ayuw ni nge dabi ngongliy e kireb.”

Numbers 23:10

Pi’in owchen yu Israel e yad bod e fiyath, yad pire’ ndabiyag i the’egrad. Mu pag nggu museg e pi rran rog ni bod reb e girdi’ rok Got; Mu pag nggum’ u fithik’ e gapas ni bod rogon e pi’in yad mmat’aw.”

Genesis 50:17

Mogned ngak Josef ni be lungug, ‘Gu be wenig ngom ni ngam n’ag fan u wun’um e tin nib kireb ni ngongliy pi walagem ngom.’ Ere wenig ngom, mu n’ag fan u wun’um e kireb ni gamad e pi tapigpig ko Got rok e chitamam e kug rin’ed.” Fa’an nog e re bugithin ney ngak Josef, me tabab Josef ko meyor.

Revelation 7:13

Me fitheg bagayad fa pi’in pi’ilal ni ga’ar, “Mini’ e pi girdi’ nem ni karon’ed e mad nib wechwech, mu uw e karbad riy?”

James 1:1

Re babyor ney e yib rok James, ni ir reb e tapigpig rok Got nge Somol i Jesus Kristus: Nge felan’ Got ngak urngin e girdi’ rok ni yad ba wear u daken e re fayleng ney ni polo’.

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Psalms 86:2

Mu ayuwegneg u pa’ e yam’, ya gub yul’yul’ ngom; mu ayuwegneg, ya gag e tapigpig rom mma pagan’ug ngom.

Kolose 4:12

I Epafras, ni gimed nga baraba’ me ir reb e tapigpig rok Kristus Jesus e be ga’ar e nge felan’ Got ngomed. Gubin ngiyal’ nri ma pi’ e meybil romed, nma wenig nagmed ngak Got ni nge ayuwegmed ngam pired ni gimed bmuduwgil me ilal e leam romed nrogon girdi’en Kristus, ma kari muduwgilan’med, ma gimed be rin’ e tin nib m’agan’ Got ngay.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.