Roma 6:14 - Bible Ni Thothup

¹⁴ Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.

Roma 6:14 Referans Kwoze

Galatia 5:18

Ma fa’anra fare Kan Nthothup e ir e be pow’iymed, ma aram e dakum moyed u tan fare Motochiyel.

Roma 8:2

Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.

Hebrews 8:10

Be ga’ar Somol, Ba’aray e re m’ag ni bay gu ngongliy u thilig nge girdi’ nu Israel u tomuren e pi rran nem: Bay gu tay e pi motochiyel rog nga fithik’ i lanin’rad, ma bay gu yoloy nga gum’ircha’rad. Bay gu mang Got rorad, ma bay ra manged e girdi’ rog.

Roma 6:12

Thangri dabki par ni denen e be gagiyegnag dowmed ni bogi dowef ni bay yim’, ya ir e ma waliymed ngam folgad ko tin ni be yim’ e dowef romed ni bochan.

John 8:36

Ere fa’anra ayuwegmed e en ni Fak ngam pired ni gathi kigimed e sib, ma aram e kari muduwgil ni kam pired ni gathi kigimed e sib.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

Galatia 3:23

Machane u m’on ko ngiyal’ ndawori taw nga nap’an ni aram e nge mich Kristus u wun’uy ma i ta’dad e Motochiyel nike loknag e naun ngodad ni gad bod e kalbus nge yan i mada’ ko ngiyal’ ni bayi dag Got e re mich ney riy.

Roma 8:12

Pi walageg, dakuriy rogon ni ngu’ud pired ni gadad be rin’ e tin nib kireb ni gadad be yim’ ni bochan.

Matthew 1:21

Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got.”

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Galatia 4:21

Mu son gad nggu fith e pi aromed ni ba’adag ni Motochiyel e nge suweyrad ni nge lungug: damur rung’aged e n’en ni be yog e Motochiyel?

Roma 11:6

I mel’egrad ni bochan e be runguyrad, ma gathi bochan e n’en ni kar ngongliyed. Ya fa’an mang e ma mel’eg Got e girdi’ ni bochan e n’en ni kar ngongliyed, me ere runguy rok e dabi aw nreb e runguy nib riyul’.

Roma 4:16

Ere tin ni yog Got nra pi’ e ntay ni bay rogon ko mich u wun’uy ngak Got, ni fan e tin ke yog Got ni bayi pi’ e nge yan i aw nib tow’ath rok Got ngak urngin e pi’in owchen Abraham — ni gathi kemus ni pi’in yad be fol ko fare Motochiyel, machane ku errogon e pi’in ke mich Got u wun’rad ni bod rogon Abraham. Ya Abraham e chitamangidad ni gadad urngin e pi’in ke mich Got u wun’dad.

Roma 6:15

Ere uw rogon? Gur ngu’ud denengad ni bochan e dad moyed u tan e motochiyel ya gadad bay u tan e runguy rok Got? Ri danga’!

Mikah 7:19

Bay mu runguymad bayay. Ma bay mot’mot’ nga but’ e pi denen romad, ma ga pi’ nge yan nga t’ay e rigur!

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

Roma 5:17

Riyul’ nu daken e denen ni rin’ ta’abe’ me tabab e yam’ i gagiyegnag e girdi’ ni bochan e ta’are girdi’ nem. Machane ri ka ba ga’ wenegan e n’en nike rin’ ta’abe’, ni er Jesus Kristus! Urngin e pi’in yad ra fek e re runguy ku Got nem nri ba ga’ nge fare tow’ath ni aram e ke mat’aw nagrad Got ngak e yad ra gagiyeg ko yafos u daken Kristus.

Roma 5:18

Rogon ni ta’reb e denen e ke turguy e gechig nga daken urngin e girdi’, e aram rogon ni ta’reb e ngongol nib mat’aw e ke pithig urngin e girdi’ ko kireb ke pi’ e yafos ngorad.

Levitikus 25:41

Ma aram e ngiyal’ i n’en nra pagem facha’ nge pifak ngar sulod nga taferad ko binaw rok e pi ga’ rorad kakrom.