Roma 5:2 - Bible Ni Thothup

² U daken e michan’ rodad ngak Jesus Kristus e ke fekdad Jesus Kristus riy ko runguy rok Got, ni ir e gadad bay riy e chiney. Ere gadad be felfelan’, ya ke l’agan’dad ko fla’ab rok Got ni bay da uned ngay!

Roma 5:2 Referans Kwoze

Efesus 2:18

Gadad urngin, ni piyu Israel nge pi’in gathi yad piyu Israel, e rayag nu daken Kristus e nge ayuwegdad fare Kan Nthothup riy ngdarod nga p’eowchen e en ni Chitamangiy.

Efesus 3:12

Taab girdi’ ni kad ted Kristus Jesus ngu daken e michan’ rodad ngak e ir e ke puf rogodad riy ni gadad ra yan nga p’eowchen Got nike pagan’dad.

1 Korinth 15:1

Pi walageg ni girdi’en Kristus, gub adag ni nggu puguran ngomed fare Thin Ni Bfel’ ni ir e gu machibnag ngomed, ni ir e mu folgad riy, me ir e ke par e michan’ romed u daken nib muduwgil.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;

Roma 12:12

Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

Hebrews 3:6

Machane Kristus e ba yul’yul’ nrogon Fak Got, ni ir e bmil fan e naun rok Got ngak. Ma gadad e naun rok, ni fa’an gadad ra par nge mada’ ko tomur ni gadad be athamgil ma ba pagan’dad ko n’en ni ir e ke l’agan’dad ngay.

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

John 10:9

I gag e re mab nem. En nra yib ngog nge yan ngalan e yoror e ra thap; bay yib ngalan e yoror me sul nga wuru’, me pir’eg e pan ni nge kay.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

Psalms 17:15

Machane gag, e gu ra guy owchem, ni bochan e kug yal’uw; ma nap’an ni gu ra od, ma ga bay, ni gin gabay riy e ra sugyeg ko felfelan’.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Revelation 21:23

Ma re binaw nem e dariyfan e yal’ ara pul ni nge gal’ daken, ya ram’en Got e be gal’ daken, ma fare Fak e Saf e ir e magal riy.

Revelation 21:3

Mu gu rung’ag ba lam ni ba ga’ ni be non u tagil’ Got ni be ga’ar, “Chiney e keb i par tafen Got nga fithik’ e girdi’! Bayi par rorad, ma bay ra manged girdi’en. Mi Got e bay i par rorad, mi ir e bayi mang Got rorad.

Roma 5:5

Re pagan’ ney e dabi m’ing lanin’dad riy, ya Got e ke pu’og e t’ufeg rok nga fithik’ i lanin’dad u daken fare Kan Nthothup, ni ir e tow’ath rok Got ngodad.

Roma 3:23

ya ke denen urngin e girdi’, kar pired ni yad bmal’af rok Got ke mul e fla’ab rok u pa’rad.

Roma 2:7

Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

John 10:7

Ma aram me ga’ar Jesus bayay, “Nggog e tin riyul’ ngomed: i gag fare mab ni fan ngak e saf.

Psalms 73:24

Ga be pow’iyeg ko fonow ni ga be tay ngog, ma tomur e bay mu fekeg nga fithik’ e fla’ab ni aram e ka mu tolang nigeg.

Revelation 21:11

ni be galgal ram’en nga ram’en Got. Re binaw nem e be galgal ram’en ni gowa malang nib tolang puluwon, ni bod ba malang ni jasper, nra yan e changar u fithik’ ni bod e krystal.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

Roma 8:24

Yu daken e pagan’ rodad e ir e thapegdad Got riy ngak; machane fa’an mang e gadad be guy e n’en ni ir e be l’agan’dad ngay, me ere dabki yan i aw ni ba pagan’. Mini’ e ma pagan’ nga ban’en ni ban’en ni be guy?

Roma 8:1

Chiney e dab kun turguy e gechig rok e pi’in kar ta’ab girdi’gad Kristus Jesus.

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

Matthew 25:21

Me ga’ar e masta rok ngak, ‘Ri gab manigil, ye gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tem ni gur e nge milfan pire’ ban’en ngom. Ere moy ngam un ngog ko felfelan’!

Efesus 6:13

Ere mfeked e armor ku Got e chiney! Ya nge taw ko chirofen nike taw e kireb riy, mrayag ni ngam ayuweged gimed rok e to’ogor romed ni be cham ngomed, ya ngam chamgad nge mada’ ko tomur, ma kigimed bay u tagil’med, ndawor ni tharbegmed.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

Roma 14:4

I gur mini’ ni ngam turguy e kireb nga daken e tapigpig rok be’? Ya Masta rok e ir e bayi turguy ko yag rok fa de yag rok e tin nge rin’. Ma bmuduwgil nrayag rok, ya Somol e rayag rok ni nge ayuweg fa’anem nge yag rok e tin nge rin’.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Habakkuk 3:18

ma kug ra par ni gub felfelan’ ni bochan e SOMOL ni Got e ir e be ayuwegneg.

Roma 11:20

Er rogon; nt’arrad ni bochan e de mich Jesus u wun’rad, mi gur e mpar u luwam ko re ke gek’iy nem ni bochan e mich Jesus u wun’um. Machane dab mu uf ngay; ya ngam tamdag.