Roma 5:12 - Bible Ni Thothup

¹² Denen e yib nga fayleng u daken ta’abe’, ma denen ni ngongliy e fek e yam’ i yib. Wenegan ni yib e af e yam’ ngak urngin e girdi’ nu fayleng, ni bochan e urngin e girdi’ ni ngongliy e denen.

Roma 5:12 Referans Kwoze

Roma 5:19

Ma rogon ni bo’or e girdi’ ni yan i par ni yad e tadenen ni bochan e ta’reb e girdi’ nde fol, e ku aram rogon ni bo’or e girdi’ ni bayi mat’aw nagrad Got ngak ni bochan ta’abe’ nike fol.

Roma 6:23

Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.

Roma 3:23

ya ke denen urngin e girdi’, kar pired ni yad bmal’af rok Got ke mul e fla’ab rok u pa’rad.

James 1:15

ma aram me diyen e tin nib kireb ni be ar’arnag nge gargeleg e denen; ma fa’ani ilal e denen nge mus ngarogon me gargeleg e yam’.

Genesis 2:17

ma kemus ni fare ke gek’iy nma tamilangnag an’uy ko tin ni bfel’ nge tin kireb e dab mu koy. Thangri dab mu koy wom’ngin. Ya rofen ni ga ra kay e ga ra yim’.”

Psalms 51:5

Gub kireb ko ngiyal’ nni gargel nigeg riy ke mada’ ko chiney; chirofen nni par nigeg riy e gu bay u fithik’ e denen ke mada’ ko chiney.

Genesis 3:19

Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

Genesis 3:6

Me guy fare pin feni fel’ ya’an fare ke gek’iy, nge feni manigil wom’ngin ni ngan kay, me finey feni manigil ni nge tamilangan’uy. Ma aram me t’ar boch i wom’ngin nge kay. Me pi’ boch ngak figirngin miki kay.

Roma 5:21

Ere rogon ni i gagiyeg e denen u daken e yam’, e ku eram rogon e runguy rok Got ni be gagiyeg u daken e mat’aw ni be tay ngodad, be fekdad i yan ko yafos ni dariy n’umngin nap’an u daken Jesus Kristus ni ir e Somol rodad.

James 3:2

Gadad gubin ni ba ga’ ni gadad ma oloboch. Cha’ nder ma oloboch ko tin ma yog e be’ nrib yal’uw, ni ku rayag rok ni nge gagiyegnag ir.

Ezekiel 18:4

Pogofan rok gubin e girdi’ e bay u pa’ag, ni gallibthir nge bitir. En nra denen e aram e cha’ nra yim’.

Roma 5:18

Rogon ni ta’reb e denen e ke turguy e gechig nga daken urngin e girdi’, e aram rogon ni ta’reb e ngongol nib mat’aw e ke pithig urngin e girdi’ ko kireb ke pi’ e yafos ngorad.

Roma 6:21

Ere be mang e ren’en ni bfel’ ni yib ngomed ko pin’en ni um ngongliyed ni gimed be tamra’ ngay e chiney? Wenegan e pin’em nma yib e yam’!

1 Korinth 15:56

Gelngin e yam’ ni nge amith nigey e yib rok e denen, ma denen e yib gelngin rok e Motochiyel.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.