Roma 4:5 - Bible Ni Thothup

⁵ Ma be’ nde muruwliy ban’en me mich Got u wan’, ni fare Got ni ir e ma mat’awnag e pi tadenen, e ke matha’eg Got ngak ni ir be’ nib mat’aw ni bochan e ke mich Got u wan’.

Roma 4:5 Referans Kwoze

Filippi 3:9

mu gu pirew ni kug ta’ab girdi’gow. Ma gathi ka gag e gu be athamgiliy ni nggu mat’aw, ni fa mit nem e mat’aw nma yag u daken e Motochiyel rok Moses ni yibe fol riy; ya chiney e kug mat’aw ni Got e ke mat’aw nigeg ni bochan e ke mich Kristus u wun’ug, ni mat’aw nike yib rok Got ni yib u daken e michan’ rog ngak Kristus.

Roma 3:22

Got e ma mat’awnag e girdi’ ngak u daken e michan’ rorad ngak Jesus Kristus. I Got e ma rin’ e ren’ey ngak urngin e girdi’ nike mich Kristus u wun’rad, ni ta’reb rogon piyu Israel nge pi’in gathi yad piyu Israel:

Roma 10:3

Ya dar nanged e re kanawo’ ni ir e ma mat’awnag Got e girdi’ riy ngak, ma kar guyed rogon ni ngar ngongliyed e birorad e kanawo’; ma aram e dar pi’ed yad ko birok’ Got e kanawo’ ni ir e ma mat’awnag Got e girdi’ riy ngak.

Roma 4:24

Ya kani yoloy ni ku fan ngodad e pi’in bayi matha’eg Got ngodad ni kad mat’awgad, ni pi’in ke mich u wun’rad e cha’ ni ir e faseg e Somol rodad i Jesus ko yam’.

Roma 4:3

Ya babyor nib thothup e be ga’ar, “Abraham e mich Got u wan’, me matha’eg Got ngak ni ir be’ nike mat’aw ni bochan e re michan’ rok nem ngak Got.”

John 6:29

Me fulweg Jesus ngorad ni ga’ar, “Ba’aray e ren’en ni ba’adag Got ni ngam rin’ed: nge mich u wun’med e en nike l’oeg ke yib.”

John 5:24

“Nggog e tin riyul’ ngomed: en nra rung’ag e thin rog me mich u wan’ e en ni ir e l’oegeg ku gub e ke yag e yafos ndariy n’umngin nap’an ngak, ni aram e dab kun pufthinnag, machane ke chuw ko yam’ ke thap ko yafos.

Habakkuk 2:4

Ba’aray e thin rog ngom: ‘Pi’in yad ba kireb e dab ra fosgad; ma pi’in yad bmat’aw e yad ra fos ni bochan e yad ba yul’yul’ ngak Got.’”

Joshua 24:2

Me ga’ar Joshua ngak urngin e girdi’, “Ba’aray e n’en ni nge yog SOMOL, ni Got rok piyu Israel ‘Kakrom e i par pi chitamangimed u ba’nem fare lul’ ni Eufrates, ngu’ur ted fan yugu boch e got. Bagayad e pi ga’ kakrom e Terah, ni chitamngin Abraham nge Nahor.

Mark 9:23

Me ga’ar Jesus ngak, “Ke lungum, fa’an rayag rom! Urngin ban’en mrayag rok be’ ni fa’an ra bay e michan’ rok.”

Roma 4:6

Ireray e ren’en ni i yip’ David fan ni fa’ani weliy murung’agen e felfelan’ ni tay fa’anem nde muruwliy ban’en me matha’eg Got ngak ni ir be’ nike mat’aw ni ga’ar: