Roma 4:10 - Bible Ni Thothup

¹⁰ Mingiyal’ e yodoro’? I yodoro’ u m’on ara tomuren ni kan maad’adnag Abraham? U m’on riy, ma gathi nga tomuren.

Roma 4:10 Referans Kwoze

Galatia 6:15

Dariy ban’en nrogon ni fa’anra dawor ni maad’ad ngak be’ ara kan maad’ad ngak. Ya n’en ni ir e ba ga’ fan e nge thil be’ nge par ni be’ ni Got e ka fini sunumeg.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

Genesis 17:10

Ba’aray e n’en ni gur nge pi’in bay rabad ni owchem e thingar mu turguyed u wun’med ni ngam rin’ed ni aram e gubin e pumo’on u fithik’med nthingar ni maad’ad nagrad.

Genesis 17:1

Nap’an ni mereb i ragay nge merab e duw yangren Abram, me yib i m’ug SOMOL ngak me ga’ar ngak, “I gag Got ni Gubin ma Rayag Rog. Mu par ni ga be fol rog u n’umngin nap’an e yafos rom ngam par ni dariy thibngim.

Genesis 15:16

Aningeg e mfen nra yan mfini sul e pi’in owchem ngaray, bay gu tuluf e pi girdi’ ni ba’aray ni kanog e Amorite ngorad ngar chuwgad ko ngiyal’ ni kar pired ni kari gel e kireb rorad ni dabisiy ni ngan gechig nagrad.”

Roma 4:9

Gur re felfelan’ nem ni weliy David murung’agen e kemus ni pi’in kan maad’ad nagrad e farad? Danga’! Ku errogon ni fen e pi’in ndawor ni maad’ad nagrad. Ya kadogned e tin be yog e babyor nib thothup ni be ga’ar, “I Abraham e mich Got u wan’, ma bochan e re michan’ rok nem ngak Got me matha’eg Got ngak Abraham ni Abraham e be’ nike mat’aw.”

Roma 4:11

Fin nni maad’adnag nga tomur riy, ma maad’ad ntay ngak e ba pow ni nge micheg ni bochan e michan’ rok Abraham ngak Got ma aram e ke matha’eg Got ngak ni ir be’ nike mat’aw u m’on ndawor ni maad’adnag. Ere Abraham e kemang chitamngin urngin e pi’in ke mich Got u wun’rad ke matha’eg Got ngorad ni yad e pi’in kar mat’awgad, ni yugu aram rogon ni dawor ni maad’ad nagrad.