Roma 3:20 - Bible Ni Thothup

²⁰ Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

Roma 3:20 Referans Kwoze

Galatia 2:16

Machane gadad manang ni kemus nu daken e michan’ rok be’ ngak Jesus Kristus e ir e rayag ni nge mat’aw riy ngak Got, ma ri gathi bochan e i rin’ e tin nike yog e Motochiyel rok Moses ngak ni ir e ngi i rin’. Ku errogon gadad nike mich Kristus Jesus u wun’dad ni fan e nge yag ni ngad mat’awgad ngak Got u daken e michan’ rodad ngak Kristus, ma gathi bochan e gadad be rin’ e tin ni be yog e Motochiyel ngodad ni ngad rin’ed. Ya dariy be’ nra mat’aw ngak Got ni bochan e be rin’ e tin nike yog e Motochiyel ngak ni nge rin’.

Roma 3:28

Ya kad pir’eged nra mat’awnag Got be’ ngak ni kemus ni fa’anra mich Jesus u wan’ fa’anem, ma gathi bochan e be rin’ fa’anem e tin ni be yog fare Motochiyel.

Galatia 2:19

Machane Motochiyel e dariy rogon ngog, ya ku gum’ kug chuw rok e Motochiyel — ni Motochiyel e ke li’eg — ni fan e nggu fos nggu pigpig ngak Got. Ya kug un ko yam’ ni tay Kristus u daken e kuruth,

Roma 4:15

Fare Motochiyel e be fek e damumuw ku Got i yib ngodad; ya fa’an mang e dariy e motochiyel, me ere ku dabiyag ni ngan th’ab e motochiyel.

Roma 9:32

Ni mangfan? Ni bochan e n’en nrin’ed e dar toer gad ko mich ni nge mich Jesus Kristus u wun’uy machane ra toer gad ko ngongol rorad. Ke tun ayrad ko fare malang ni “malangen e tun ay”

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Roma 4:13

Got e yog ngak Abraham nge pi’in owchen ni bayi mil suwon e re fayleng ney ngorad. I yog Got e re bugithin ney ni gathi bochan e i fol Abraham ko fare Motochiyel, machane bochan e mich Got u wan’ me mathe’eg Got ngak ni be’ nike mat’aw.

Psalms 143:2

I gag e tapigpig rom, dab mu pufthin nigeg; dariy be’ nib machalbog u p’eowchem.

Galatia 5:4

Ma pi aromed ni yad be guy rogorad ni ngu’ur folgad ko Motochiyel ni fan e ir e nge mat’awnagrad ngak Got e kar th’abed yad rok Kristus. Yad bay u wuru’ e t’ufeg rok Got.

Roma 5:13

Immoy e denen u fayleng u m’on ndawor ni pi’ fare Motochiyel; machane bochan e da immoy e motochiyel, ma aram e dariy be’ nrayag ni nganog nib kireb e rok nike th’ab e motochiyel.

Psalms 130:3

Fa’an mang e mu tay ngan’um e pi denen romad’, me mini’ e rayag rok ni nge thay ndab ni gechignag?

Roma 2:13

Ya gathi ma mat’aw e girdi’ ngak Got ni bochan e kar rung’aged e re Motochiyel nem, machane fa’anra ur rin’ed e tin ni be yog e re Motochiyel nem.

BABYOR NI JOB 15:15

Mangfan, ya Got e mus ko pi engel rok ma ku der pagan’ ngorad; mus ngorad ma ku dar machalboggad u p’eowchen.

Roma 7:11

Ya denen e pir’eg kanawo’en ni nge maruwel u daken e motochiyel nge ban nigeg; mu daken e motochiyel e li’eg e denen riy nggum’.

1 Korinth 15:56

Gelngin e yam’ ni nge amith nigey e yib rok e denen, ma denen e yib gelngin rok e Motochiyel.

Hebrews 7:19

Ya Motochiyel rok Moses e dabiyag ni nge fal’eg ban’en ngari fel’. Ma chiney e kan pi’ ban’en ngodad ni kab gel e fel’ riy ni ir e ke l’agan’dad ngay, ni ir e ra chugurnagdad ngak Got.