Roma 3:13 - Bible Ni Thothup

¹³ K’angrad e bod ba low ko yam’ nike mab. Be lobeb e sasalap l’ugun nib kireb u bolowthrad nga but’, nge thin nib kireb ni be yib u dap’i l’ugunrad nga but’ ni bod rogon e yub rok e porchoyog;

Roma 3:13 Referans Kwoze

Psalms 5:9

N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

Psalms 140:3

Bolowtherad e bod e porchoyog ni tak’ad; ma pi thin rorad e bod e yub rok e porchoyog ni kobra.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Ezekiel 13:7

Gu ga’ar ngorad: Pi changar romed ni be pig e de riyul’, nge tin gimed be yog ni bayi yodrom e go’ ban. Gimed be yog ni pi thin nem e thin rog, machane gag e dawor gu non ngomed!”

Isaiah 59:3

Bbuch e rom ko mululfith l’ugun, nge mod yargael, nge mathang pogofan.

Psalms 52:2

Ga be t’ar liben ni nge math owchen boch e girdi’; balowthem e bod bangi resa nib m’uth. Gubin ngiyal’ ni ga ma tunguy e thin.

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

Jeremiah 5:16

Girdi’en e mun gat’ing rorad e bogi salthaw nib gel gelingrad ni yad ma cham ni dariy be’ ni yad ma runguy.

Psalms 36:3

Ba kireb e thin rok ma ba sug ko mululufith; dar gonpiy ni nge rin’ e n’en nib gonop ma ba manigil.

Deuteronomy 32:33

ma yad bod e wayin nni ngongliy ko yub ni yima fek u l’ugun e porchoyog.

Roma 3:12

Urngin e girdi’ ni kar pi’ed keru’rad ngak Got, yad gubin ni kar kirebgad. Dariy be’ ni be rin’ e tin ni bfel’, mus nga ta’abe’ ma dariy.