Roma 2:8 - Bible Ni Thothup

⁸ Ma boch e girdi’ e kemus ni yad e yad be fineyrad, ma kar n’iged e tin nib mat’aw yad be rin’ e tin nib kireb: yad e bayi pu’og Got e gechig nge damumuw rok nga dakenrad.

Roma 2:8 Referans Kwoze

Revelation 16:19

Ma fare binaw nib gilbuguwan e pil nge dalip yang, ma urngin e pi binaw ni bay u daken urngin e nam e yigo’o kireb. Me yib e binaw nu Babylon nib gilbuguwan ngan’ Got, me pi’ Got e wayin nu kap rok ngak nge unum ni wayin ko damumuw rok nib gel.

1 Peter 4:17

Ya ke taw nga nap’an ni nge tabab e pufthin, ma pi’in girdi’en Got e yad e som’on ni ngan pufthin nagrad. Ere fa’anra gadad e nge tabab rodad, ma uw rogon nra yan i mus ngak e pi’in nder pagan’rad ko fare Thin Ni Bfel’?

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

Proverbs 13:10

Tolngan’ e go’ oloboch e ma fek i yib. Kab gonop e en ma fith e fnow.

Revelation 14:10

e ir e ra unum e wayin rok Got, ni wayin ko damumuw rok, nike pu’og ngalan e kap ko damumuw rok ke yan i mus nga gelngin! Urngin e girdi’ ni ra rin’ e ren’ey e yira gafgow nagrad u fithik’ e nifiy nge sulfur u p’eowchen fapi engel nib thothup nge fare Fak e Saf.

Hebrews 11:8

Michan’ rok Abraham ngak Got e ir e pow’iy Abraham nge fol ko thin ni yog Got ngak fa ngiyal’nem, nge yan ni be lek ba nam ni keyog Got ni bayi pi’ ngak. I pag e nam rok nge yan nde nang e gin’en ni be sor ngay.

Hebrews 10:27

Ra errogon me ere n’en ke magey ni ngan rin’ e ngan tamdag ko n’en ni bayi m’ug: ni aram e pufthin nge nifiy nib gel ni bayi kirebnag e pi’in yad be togopluw ngak Got!

Hebrews 5:9

Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,

Titus 3:9

Ma ngam tem u orel ko malu’ag thin ndariyfan, nge ngachal ni pire’ ni kan yoloy nga babyor ni ngachalen pi chitamangiy ni kakrom, nge tugthin, nge malu’ag thin ni murung’agen e Motochiyel. Ya dariyfan ma dariy gam’ingin.

1 Korinth 11:16

Machane fa’anra der fel’ u wan’ be’ ni ba’adag ni ngan lu’ag murung’agen, ma tin ni nggog e gamow nge pi galesiya rok Got i yan e dakuriy yugu reb e yalen ngabang nma rin’ ulungen girdi’en Kristus ko ngiyal’ ni yibe meybil ngak Got.

Roma 15:18

Bay dab kug tamdag nggu par ni kemus ni tin ke rin’ Kristus u pa’ag e nggu weliy, ni aram e ke pow’iy e pi’in gathi yad piyu Israel ni ngar folgad rok Got, nike rin’ u daken e thin nge ngongol,

Roma 10:16

Machane gathi gubin e girdi’ ni mich u wun’rad e re Thin nem Ni Bfel’ ni yib rok Got. I Isaiah e ga’ar, “Somol, mini’ e ke mich u wan’ e thin rom ni kug weliyed?”

Roma 9:22

Ere ta’reb rogon e ren’ey ko n’en nike rin’ Got. Be finey ni nge dag e damumuw rok ya nge dag gelngin ngan guy. Ere rib gumaen’ ni be k’adan’ rok e pi’in yad be k’ar damumuw ngak ni bay tapgin ni nge kirebnagrad.

Roma 6:17

Machane ke magaer Got! Ya immoy ba ngiyal’ ni um pired ni gimed e sib rok e denen, machane chiney e ri gimed be fol ko tin nib riyul’ ni ir e kan machibnag ngomed.

Roma 1:18

Damumuw rok Got e ke m’ug ni be yib u tharmiy i yib nga daken urngin e denen nge kireb ni be ngongliy e girdi’, ni pi’in ni ngongol rorad nib kireb e be ning e kanawo’ ko tin riyul’ ni nge dab nnang.

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Isaiah 50:10

Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.

Psalms 90:11

I mini’ e ke thamiy mirin e damumuw rom nike mus nga gelngin? Mini’ e manang gelngin e marus ni yira tay ni fa’an ga ra damumuw?

BABYOR NI JOB 24:13

Bay e girdi’ ni kar pi’ed keru’rad ko tamilang; darir nanged fan ma darir leked e gin be sor ngay.

1 Peter 3:1

Ma ku er rogomed pi leengiy nthingar um folgad rok pi figirngimed, ni fan e fa’anra bay boch i yad ndawori mich e thin rok Got u wun’rad mrayag ni nge mich u wun’rad ni bochan pangimed. Ma aram e dakuriy fan bbugithin ni ngmogned ngorad,

2 Kronicles 6:23

ma SOMOL, ngam mmotoyil ngorad u tharmiy ngam turguy e kireb rok e pi tapigpig rom. Mu gechignag e en nib buch e rok nrogon e gechig nib mat’aw ni nge aw ngak ma ga pithig u pulwon e en ni bfel’ e rok.

Proverbs 11:23

N’en ni ba’adag e girdi’ ni bfel’ e gubin ngiyal’ ma fel’ e ra yib riy; ma nap’an nrayag ngak e pi’in kireb e n’en ni yad be finey, ma gubin e girdi’ nra damumuw.

Jeremiah 34:18

Pi tolang ko salthaw nu Judah ngu Jerusalem, nge pi’in ba ga’ lungrad u tafen e pilung, nge pi prist, nge gubin e tayugang’, ni nra ngongliyed ba m’ag u thilmad ni rseyed ba garbaw nge ruw raba’ ngranod u thilin. Miyad cheal ngar th’abed fare m’ag ni dar folgad ko tin bay riy. Ere bay gu rin’ ko pi girdi’ ney e n’en rin’ed ko fare garbaw.

Ezekiel 22:31

Ma aram e bay gu cheleg e damunuw rog nga dakenrad, bay gu thang owcharad ni bod nra yik’gad ko nifiy ni bochan e pin’en ni kar rin’ed.” I SOMOL ni Th’abi Tolang e be non.

2 Korinth 12:20

Gu be rusnag nra gub e nger mu gu pir’egmed ni gimed ba thil ko n’en ni gu be leamnag ni yugum boded, mi gimed pir’eg ni gub thil ko n’en ni gimed be finey ni yug gu bod. Gu be rusnag nra gub mu gu pir’egmed ni gimed be tugthin ma be awan’med ngomed, ma ba papey e dumumuw ngomed mra be’ ma kemus ni ir e be leamnag ir, ma gimed be yog e thin nib kireb ma gimed be gun’gun’nagmed, ma ba tolangan’med ma de ta’reban’med.

Galatia 5:20

nge tayfan nge meybil ngak e liyos nma meybil boch e girdi’ ngay, nge pig; nge tathil ni be tay e girdi’, nge cham ni yad be tay, nge awan’, nge damumuw, nge athamgiliy ban’en ni fan e gur fa’anem e nganog e sorok ngom. Ma yad be wear ngar yuraba’gad ara ra yu’ulunggad;

Filippi 1:17

Ma boch e girdi’ e darir machib niged murung’agen Kristus ni bochan e rib m’agan’rad ngay, machane bochan e yad be finey ni manganog e sorok ngorad; ma yad be finey ni yad ra gelnag e kireban’ ngog ko ngiyal’ ni gu bay riy u kalbus.

Filippi 2:3

Dabi suk’ ngan’med ni ngam muruwliyed ban’en ni gimed e ngam m’onod riy ni fan e nganogmed riy ni gimed e soromed, ara bochan e nge yib ufan ngomed; machane nge bigimed me sobut’nag ir, ma dabi finey bigimed ni ir e ba sorok ngak e tin ni kabay e girdi’.

James 3:14

Machane fa’anra be awan’med ngak be’, fa gimed be fanenikay be’, fa reb e go’ gimed e gimed be leam nagmed, ma thingari dab mu ufanthingad ngam lifithed l’ugunmed nib togopluw ko tin nib riyul’ e thin.

James 3:16

Ya gin ni bay e awan’ riy, ma ra be’ ma kemus ni ir e be leamnag ir, e ku de ta’reban’ e girdi’ riy, ma urngin mit e kireb ni bay riy.