Roma 2:24 - Bible Ni Thothup

²⁴ Ya be ga’ar e babyor nib thothup, “Pi’in gathi yad piyu Israel e yad be yog e thin nib kireb nga fithingan Got ni bochan e ngongol romed piyu Israel.”

Roma 2:24 Referans Kwoze

Isaiah 52:5

Chiney u Babylon e ku aram e n’en kan rin’ ngomed; ka mu kalbusgad u rom ni da nchuw’iymed. Pi’in ni yad be gagiyeg nagmed e yad be moning ma yad be dariyfan nigeg.

2 Peter 2:2

Ma bo’or e girdi’ ni bay ra folgad u ngongolen e pi cha’nem, ni ngongol nib kireb nike thum’ nga wuru’; ma bayi weliy e girdi’ e thin nib kireb nib togopluw ko fare Kanawo’ nib riyul’ ni bochan e pin’en ni be rin’ e pi cha’nem.

Titus 2:8

Mu welthin ni bfel’ rogon ndabiyag ni nge tay be’ thibngim, nge mang e pi’in yad e to’ogor rom e ra tamra’gad ni fan e dariy ban’en nib kireb nrayag ni ngrogned ni murung’agdad.

2 Samuel 12:14

Machane bochan e kam darifannag SOMOL ko tin ni kam rin’, ma aram e nge yim’ fare tir ni fakam.”

Titus 2:5

ma nge yag nra t’ared lanin’rad ko tin nde mat’aw ma ngar pired ni yad bmachalbog, ma ngar ngongliyed e maruwel ni bfel’ u tabinaw rorad, ma yad be fol ko thin rok figirngirad, nge dabiyag ni yog be’ nib kireb e thin ni yib rok Got.

1 Timothy 6:1

Urngin e pi’in yad e sib e thingar rtafinay niged ni bay rogon ni ngar ted fan e pi masta rorad, ni fan e nge yan i aw ndabiyag ni nge yog be’ bbugithin nib kireb nga fithingan Got nge tin ni gadad be machibnag.

Matthew 18:7

Ke gafgow e girdi’ nu fayleng ni bo’or ban’en ni bay riy nma waliy e girdi’ ngar pi’ed keru’rad ngak Got! Pin’ey nma waliy e girdi’ ngar pi’ed keru’rad ngak Got e gubin ngiyal’ ni bay i yib — machane ri bayi gafgow e en ni ir e tabolngin e pin’em!

1 Timothy 5:14

Ere kabfel’ u wun’ug ni pi’in ke yim’ figirngirad ma dawor ra pilibthirgad e ngar uned ko mabgol, ngar fakyed e bitir, mu ur ayuweged e tabinaw rorad, ngad guyed rogon ni dabi yib tapgin ni nge yog e pi’in nto’ogor rodad ni gadad ba kireb,

Ezekiel 20:27

“Fak e girdi’, are chiney e ngam mog ngak piyu Israel e n’en ni Gag SOMOL ni Th’abi Tolang e gu be yog ngorad. Ku irera’ reb e kanawo’ ni i togopluw e pi chitamangirad ngog ni dar yul’yul’gad.