Roma 16:3 - Bible Ni Thothup

³ Nge felan’ Got ngak Priska nge Aquila, ni yow e ur unew ngog ngu’ug pigpiggad ngak Kristus Jesus,

Roma 16:3 Referans Kwoze

2 Timothy 4:19

Nge felan’ Got ngak Priska nge Aquila, nge girdi’en e tabinaw rok Onesiforus.

1 Korinth 16:19

Girdi’en e pi galesiya ni bay u lan e nug nu Asia e be lungurad e nge felan’ Got ngomed; Aquila nge Priscilla nge girdi’en e galesiya ni yad ma mu’ulung ngalan e naun rorow e be lungurad e nge felan’ Somol ngomed.

Acts 18:26

Me tabab ko machib u lan tafen e mu’ulung nde tamdag. Ma fa’ani rung’ag Priscilla nge Aquila e thin rok, miyow fek nga tabinaw rorow ngar weliyew ngak murung’agen Kanawo’en Got nib puluw.

1 Korinth 16:16

ni ngam folgad rok e pi’in yad bod e pi cha’ney, nge rok urngin e pi’in be un ngorad ko maruwel nge pigpig.

Roma 16:9

Nge felan’ Got ngak Urbanus, ni ir reb e girdi’en e maruwel rodad ko maruwel rok Kristus, nge ngak Stakis, nreb e fager rog nib t’uf rog.

Roma 8:1

Chiney e dab kun turguy e gechig rok e pi’in kar ta’ab girdi’gad Kristus Jesus.

Roma 8:2

Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.

Roma 8:11

Fa’anra be par fare Kan ni Thothup rok Got u fithik’med, ni ir e faseg Jesus ko yam’, me ere en ni ir e faseg Kristus ko yam’ e ku ra pi’ e yafos ko dowef romed nra yim’, nra pi’ u daken fare Kan ni Thothup rok ni bay u fithik’med.

Roma 16:4

nra pagew fan e pogofan rorow ni bochag. Kar magaergow — ni gathi kemus ni gag e gu be pining e magaer ngorow, ya ku errogon urngin e galesiya rok e pi’in gathi yad piyu Israel.

Roma 16:7

Nge felan’ Got ngak Andronikus nge Junias, ni yigo’o gamad piyu Israel ni ur moyew rog u kalbus; ni yigo’o manangrow e pi apostel, mra mangew girdi’en Kristus ni yow mm’on rog.

Roma 16:10

Nge felan’ Got ngak Apelles, ni gelngin e yul’yul’ rok ngak Kristus e go’ kan nang. Nge felan’ Got ngak girdi’en e tabinaw ku Aristobulus.

2 Korinth 5:17

Ngiyal’ nra ta’ab girdi’ be’ nge Kristus e aram e ngiyal’ nike mang fa’anem reb e girdi’ nib be’ech ni ka fin nsunumeg: bin kakrom i ir e ke chuw, ma bin nib be’ech i ir e ke yib i m’ug.

2 Korinth 12:2

Gu manang be’ nib mo’on ni reb i girdi’en Kristus ni ragag nge aningeg e duw nap’an ko bin daba’ e rran ngal’an nni fek nib tomgin ko thal nth’abi tolang e tharmiy (da gu nang nri yodorom ara ni piliyeg e changar rok nge guy — kemus ni Got e manang).

Galatia 1:22

Ka aram n’umngin nap’an i yib nge mada’ ko ngiyal’ney ma dawori guy girdi’en e pi galesiya rok Kristus ni bay u lan yu Judea owcheg.

Filippi 2:25

Gu be finey ndabisiy ni nggu l’oeg walagdad ni girdi’en Kristus i Epafroditus nge sul, ni ir e i un ngog ko maruwel nge athamgil, mi ir e be ayuwegneg nrogon ni mol’oged ni nge rin’.

Kolose 4:11

I Joshua, ni yima pining Justus ngak, e ku errogon ni be ga’ar nge felan’ Got ngomed. Kemus e dalip i girdi’ nu Israel nra manged girdi’en Kristus ni yad be un ngog ko maruwel ni fan ko gagiyeg rok Got, ma rib ga’ e ayuw ni kar pi’ed ngog.