Roma 16:19 - Bible Ni Thothup

¹⁹ Yigoo kan rung’ag fanmed yul’yul’ ko thin rok Got, ni era’ fan ni kug felfelan’ ngomed. Gub adag ni nge tamilangan’med u murung’agen e tin ni bfel’, machane ngam pired ndab mu uned ko kireb.

Roma 16:19 Referans Kwoze

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

1 Korinth 14:20

Pi walageg ni girdi’en Kristus, dab ku um leamgad ni bod e bitir; ngam boded e pi’in bitir ndar nanged rogon i ngongliy e kireb, machane ngam leamgad nrogon e pi’ilal.

Filippi 2:15

nge yag ni mpired ndariy thibngimed ma gimed bmachalbog, ma pifak Got gimed ni gimed ba yal’uw ni gimed be par u fayleng u fithik’ e girdi’ ndar yal’uwgad ma yad ba kireb. Thangri gal rama’emed u fithik’rad ni bod e t’uf ni be gal’ lanelang,

Roma 1:8

Som’on e nggu pining e magaer ngak e Got rog u daken Jesus Kristus ni bochmed ni gimed gubin; ya re fayleng ney ni polo’ e yad be rung’ag e michan’ romed.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

Efesus 5:17

Ere dab mpired ni gimed e balyang, ya ngam guyed rogon ngam nanged e n’en nib m’agan’ Somol ngay ni ngam rin’ed.

Psalms 101:2

Bayi fel’ pangig. Are wi’in e ga ra yib ngog? Bay gu par ni gu ba machalbog u nu’an rog

Luke 10:3

Mmarod! Ya kug gol’oegmed ni ngam marod ni bod rogon pifak e saf ni yan nga fithik’ e wolf.