Roma 16:13 - Bible Ni Thothup

¹³ Nge felan’ Got ngak Rufus, ni ir e rib fel’ e maruwel rok u fithik’ e maruwel rok Somol, nge ngak e chitiningin, ni gubin ngiyal’ ma i ayuwegneg ni gowa be’ ni fak.

Roma 16:13 Referans Kwoze

2 John 1:1

Re babyor ney e yib rok e en nib ilal — Ni yan ngak fare pin nge pifak ni bogni’ nri yad ba t’uf rog. Gathi kemus ni go’ gag, ya urngin e girdi’ ni karnanged e tin riyul’ ni gimed ba t’uf rorad,

1 Timothy 5:2

ma ku er rogom ngak e pi’in ni puwelwol ni gowa yad pi chitinam, ma ku errogon e ngongol rom, ngak e pi’in nrugod ni ngar pired ni gowa yad pi walagem ni ppin nib machalbog lanin’um ngorad.

Mark 15:21

Ma nap’an ni yad be yan miyad mada’nag be’ nib mo’on u kanawo’ ni Simon fithingan, ni be yib ngalan binaw ni yib u milay’, miyad gelnag e thin ngak nge fek e kuruth rok Jesus. (Cha’nem e Simon nu Cyrene, ni chitamngin Alexander nge Rufus.)

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

2 Thessalonika 2:13

Pi walagmad ni girdi’en Kristus, thingar gu pininged e magaer ngak Got ni gubin ngiyal’ ni bochmed, ni gimed e pi cha’nir ni gimed ba t’uf rok Somol. Ya Got e mel’egmed ni gimed e som’on ni ngam thapgad ngak Got u gelngin fare Kan ni Thothup ngu daken e michan’ romed ko tin nib riyul’, me ngongliymed ngam manged girdi’en nib thothup.

Efesus 1:4

Dawor ni sunumiy e fayleng, ma ke mu’ Got i mel’egdad rok ni ngad manged girdi’en u fithik’ Kristus, ni fan e nge yag nda thothupgad ma dariy thibngidad u p’eowchen. Bochan e gadad ba t’uf rok

John 19:27

Me ga’ar ngak fa en ni gachalpen, “Be’er e chitinam.” Ma aram e re ngiyal’ i n’en ni fek fa en ni gachalpen Jesus fare pin nga tafen nge un ko par u tabinaw rok.

Mark 3:35

Ya en nra rin’ e tin nib m’agan’ Got ngay e ir e walageg ni pumo’on, ma walageg ni ppin, ma chitinag.”

Matthew 20:16

Me ul ul Jesus ngay nge ga’ar, “Ere pi’in yad ba tomur e bay ra m’onod, ma pi’in yad mm’on, e bay ra tomurgad.”

Roma 16:12

Nge felan’ Got ngak Tryfena nge Tryfosa, ni yow be muruwliy e maruwel rok Somol, nge ngak e fager rog nrib t’uf rog i Persis, ni bo’or e maruwel nike ngongliy ni fan ngak Somol.

Roma 16:14

Nge felan’ Got ngak Asynkritus, nge Flegon, nge Hermes, nge Patrobas, nge Hermas, nge urngin pi walagdad ni girdi’en Kristus ni bay rorad.