Roma 15:32 - Bible Ni Thothup

³² Ere fa’anra mm’ag u wan’ Got ma bay gub ngomed ni kar gu felfelan’, mu gu felfelan’ ni kad mada’gad bayay.

Roma 15:32 Referans Kwoze

1 Korinth 16:18

ma kar felfelan’ niged gag ni bod rogon nra felfelan’ niged gimed. Girdi’ ni aray rogon e bay rogon ni ngan pining e magaer ngorad.

Acts 18:21

Ya nap’an ni pig ni nge yan me ga’ar ngorad, “Fa’anra mm’agan’ Got ngay ma gu ra sul ngomed.” Ma aram me af nga barkow nge chuw u Efesus.

Filemon 1:20

Ere walageg u daken Kristus, wenig ngom mu ayuwegneg ko re bugithin ney ni bochan Somol; mu felfelan’ nigeg, ya gur be’ ni walageg gur u daken Kristus!

Filemon 1:7

T’ufeg rom, i gur walageg ni gab t’uf rog, e ba gel e felfelan’ nike pi’ ngog, ma ba ga’ e athamgil nike pi’ nga lanin’ug! Ya kam pi’ e felfelan’ nga laniyan’ urngin e pi’in girdi’en Got.

2 Korinth 7:13

Ireray fan me yib e athamgil nga lanin’mad. Gathi kemus ni yib e athamgil nga lanin’mad; ya ri ba ga’ e felfelan’ ni pi’ Titus ngomad ko felfelan’ nike tay u rogon ni mu ayuweged ni gimed gubin nge felfelan’.

2 Timothy 1:16

Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

James 4:15

Ere ba’aray e n’en ni susun e ir e nga mogned: “Fa’anra mm’agan’ Somol ngay, ma bay da pired ngu’ud rin’ed e tiney nge tinem.”

1 Korinth 4:19

Machane fa’anra m’agan’ Somol ngay ma bay gub gguymed ndab ki n’uw nap’an, ma aram e gag e bay gguy e tin nrayag rok e pi’in nbe’er ni kar ufanthin gad, ma gathi kemus ntin rayag ni ngrogned!

Acts 27:1

Nap’an nturguy ni nggu warod u barkow nga Italy, miyad pi’ Paul nge boch e kalbus ngak Julius, ni ir reb e tolang u baraba’ e salthaw rok piyu Roma, ni kanog fithingrad ni “Fare Raba’ i Salthaw rok fare Emperor nu Roma.”

Proverbs 25:13

Ba tamal’og nib pagan’uy ngak e rib fel’ u wan’ e en ma l’oeg, ni bod e ran ni garbeb ko ngiyal’ nib gowel ni yibe kunuy wom’ngin e woldug.

Roma 15:29

Ra gub ngomed ma gu manang nra gub nib sug e tow’ath rok Jesus Kristus rog.