Roma 15:29 - Bible Ni Thothup

²⁹ Ra gub ngomed ma gu manang nra gub nib sug e tow’ath rok Jesus Kristus rog.

Roma 15:29 Referans Kwoze

Efesus 4:13

Ere gadad gubin ni bay dabad nga ta’bang ngad ta’ab girdi’gad u daken e michan’ rodad ngak Fak Got nge murung’agen ni kadnanged; ma aram ma gadad ilal i yan nge mus rogodad ngad boded mam’ungun Kristus.

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Psalms 16:11

Bay mu dag ngog fare pa’ i wo’ ko yafos; i gur e kam suguyeg ko felfelan’, ya ga bay rog, ma ayuw ni ga be tay ngog e bay i pi’ e felfelan’ ngog ndariy n’umngin nap’an.

Efesus 3:19

Manga mu nanged rogon nib t’uf e girdi’ rok, ni yugu aram rogon ndabiyag ni ngan nang ga’ngin, me par Got u fithik’med nge suguymed nga rarogon ni polo’.

Efesus 3:8

I gag e th’abi sobut’ u fithik’ urngin e girdi’ rok Got; machane ke pi’ Got ngog e re gaf i maruwel ney ndariy rogog ni ngan pi’ ngog, ni nggu fek fare Thin Ni Bfel’ i yan ngak e pi’in gathi yad piyu Israel, ni murung’agen e fla’ab rok Kristus ndariy ko fol,

Ezekiel 34:26

“Bay gu tow’ath nagrad mu gu tayrad ngu’ur pired ni kar liyeged fare burey rog nib thothup. Nu rom e bay gu tow’ath nagrad riy ko n’uw u nap’an nike t’uf rorad.

Acts 19:21

Ma tomuren nike m’ug e tiney, me turguy Paul u wan’ ni nge yan u lan yu Macedonia nge yu Greece me yan u rom nga Jerusalem. Me ga’ar, “Ra gu taw ngaram ma ku errogon ni thingar ku gguy yu Roma.”

Roma 15:23

Machane chiney ni kug mu’ ko maruwel u lan e yungi nug ney, ma ke yo’or e duw ni ugum’ ni bochan ni nggub gguymed

Roma 15:32

Ere fa’anra mm’ag u wan’ Got ma bay gub ngomed ni kar gu felfelan’, mu gu felfelan’ ni kad mada’gad bayay.

2 Korinth 1:15

Rib mich u wun’ug e re bugithin ney, aram fan ni gu leamnag ko som’on ni ngug guymed ni fan e nge gaman l’agruw yay ni gu ayuwegmed.