Roma 15:27 - Bible Ni Thothup

²⁷ Yad e ra turguyed rorad ni ngar rin’ed ni aram rogon. Ma riyul’ ni bay rogorad ni ngar ayuweged e pi cha’nem ni kar gafgowgad; ya piyu Israel e kar pi’ed ngak e pi’in gathi yad piyu Israel e tin ni yag ngorad rok Got, ni aram e thin rok Got, ere aram fan ni susun e nge pi’ e pi’in gathi yad piyu Israel ngak yu Israel boch e tin bay rorad ban’en ni yag ngorad rok Got.

Roma 15:27 Referans Kwoze

1 Korinth 9:11

Kug weregew e awoch nga fithik’med ni aram fare thin rok Got. Gur yugu ra gel e gafgow ngomed ni fa’an gamow ra fek romed e tin bay fan ngomow ban’en?

Galatia 6:6

Cha’ ni kan fil murung’agen Kristus ngak e susun e nge pi’ boch urngin e tin ni bfel’ ni bay rok ngak e cha’ ni ir e machibnag e re thin nem ngak.

Filemon 1:19

Re bugithin ni ba’aray e ri gag e kug yoloy nga pa’ag: I gag Paul e bay gu thang ngom (Susun e dab gu puguran ngom ni ku errogon gag ni gu magaer rom, ya gu ayuwegnem ngam nang Kristus.)

Roma 11:17

Boch i papa’ngin fare ke gek’iy ni olive nni yung e kan t’ar kan n’ag, ma kan fek pa’ngin ba kaen e gek’iy ni olive nda ni yung kan puthuy ngay. Ere gimed e pi’in gathi gimed piyu Israel e gimed bod e re ke gek’iy nem ni olive nda ni yung, chiney e kam gelngiyed gelngin piyu Israel nge tin ni bfel’ nike pi’ Got ngorad.

Matthew 6:12

Ma ga n’ag fan u wun’um e kireb romad, ni bod ni kug n’iged fan u wun’mad e kireb nike rin’ boch e girdi’ ngomad.

Roma 7:14

Gadad manang ni fare Motochiyel e yib rok Got; machane gag e gub girdi’ ni gu ra yim’, ni kan pi’eg ni chuway’ ngak e denen ni bod rogon ba sib.