Roma 15:19 - Bible Ni Thothup

¹⁹ ngu gelngin e pi pow nge pi maang’ang, ngu gelngin fare Kan Thothup rok Got. Ere milekag ni gu tay u Jerusalem nggu mada’ nga Illyrikum e yigo’o kugog riy e Thin Ni Bfel’ ni murung’agen Kristus.

Roma 15:19 Referans Kwoze

2 Korinth 12:12

Pin’en nike micheg ni gag reb e apostel e kug ngongliy u fithik’ e gumaen’ u fithik’med; ni pi pow nge pin’en nni gin ngay nge pi maang’ang.

Hebrews 2:4

Ma ku re ngiyal’ i n’em e micheg Got e tin ni yad be weliy murung’agen u daken gelngin ni i dag u pa’rad ni ir e pow riy. Ma be dag u pa’rad bogi n’en ni un ngat ngay, nge bo’or mit e maang’ang. Ma ki f’oth rorad e salap ni tow’ath ni yib rok fare Kan Nthothup ni rogon ni be finey.

Galatia 3:5

Mogned, i pi’ Got fare Kan Nthothup ngomed me ngongliy e maang’ang u fithik’med, ni gur fan e gimed be fol ko tin ni be yog e Motochiyel ngomed ara fan e mu rung’aged e Thin Ni Bfel’ ni yib rok Got me mich u wun’med?

2 Timothy 4:17

Machane Somol e par rog nge pi’ gelngig, nge yag ni gu weliy urngin e thin rok Got nge rung’ag urngin e pi’in gathi yad yu Israel; me Somol e ayuwegneg nda kug wan ngalan l’ugun e layon.

Acts 20:6

Ma gamow af nga barkow u Filippi u tomuren ni kem’ay fare madnom ni yima kay e flowa ndariy e is riy, ma lal e rran nga tomuren ma gamow taw ngorad nga Troas, ma gamad par u rom nreb e wik.

Acts 17:10

Ma nap’an ni yigi neap’, ma pi walag ni aram girdi’en Kristus e ra l’oeged Paul nge Silas ngranow nga Berea. Ma fa’anra tawgow, miyow yan ngalan tafen e mu’ulung rok piyu Israel.

Acts 20:20

Gimed manang ndariy ban’en ni gu tel romed ni gomanga ban’en nra ayuwegmed nnap’an ni gu be machib nagmed ma gu be sukul nagmed u fithik’ e girdi’ ni yo’or ngu lan e tabinaw romed i yan.

Acts 19:1

Nap’an ni bay Apollos u Korinth, me milekag Paul u lan e gi nug nem nge yib nga Efesus. Me pir’eg boch i gachalpen Jesus u rom,

Acts 18:19

Miyad taw nga Efesus, me pag Paul Priscilla nge Aquila. Me yan nga tafen e mu’ulung ngar lu’aged piyu Israel e thin.

Acts 18:1

Tomuren e biney, me chuw Paul u Athens nge yan nga Korinth.

Acts 17:15

Ma pi’in pumo’on nra uned ngak Paul ni yad be pow’iy e ra uned ngak ngar tawgad nga Athens. Ma aram miyad sul nga Berea ni kar feked e thin rok Paul i yib ni nge guy Silas nge Timothy rogon ngranow ngak nib gur.

Acts 16:18

Bo’or e rran ni i yodorom. Ma daki yag ni nge k’adan’ Paul, me cheal nga wuryal me ga’ar ngak fare mo’onyan’ nike ying ngak fare pin, “Gu be non ngom u fithingan Jesus Kristus ni ngam chuw rok e cha’nir!” Ma ka ngiyal’nem me chuw fare mo’onyan’ rok fare pin.

Acts 15:12

Me par girdi’en fare ulung ndaki non be’ nnap’an ni yad be motoyil ngak Barnabas nge Paul, ni aram e yow be weliy urngin e pin’en nni ngat ngay nge pi maang’ang ni ngongliy Got u pa’row u fithik’ e pi’in gathi yad piyu Israel.

Acts 14:25

Miyow machibnag e thin rok Got u lan yu Perga nge mu’ miyow yan nga Attalia,

Acts 14:20

Machane fa’ani mu’ulung e pi’in ke mich Jesus u wun’rad ngak, me sak’iy nge sul ngalan fare binaw. Me reb e rran riy miyow yan Barnabas nga Derbe.

Acts 14:10

me non ni ba ga’ laman ni ga’ar, “Mu sak’iy ngalang!” Me og fare mo’on ngalang ngi i yanyan.

Acts 14:6

Ma fa’ani nang fa gali apostel murung’agen, miyow mil nga Lystra nge nga Derbe, ni l’agruw i binaw ni bay u lan yu Lykaonia, nge yungi n’en ni ir e bmigid ngaram.

Acts 13:51

Me rurug fa gali apostel e fiyath u ayrow nib togopluw ngorad miyow yan u rom nga Ikonium.

Acts 13:14

Miyad yan u Perga nga Antiok ni bay u lan yu Pisidia; me chirofen ni Sabbath miyad yan nga lan tafen e mu’ulung ngranod ra pired nga but’.

Acts 1:8

Machane bay yib gelngimed ko ngiyal’ ni bay yib fare Kan Nthothup riy nga dakenmed, ma aram mi gimed weliy murung’ageg u lan yu Jerusalem, ngu lan yu Judea ni polo’, ngu lan yu Samaria, nge yan i mada’ ko yungi n’en ni yan i mus e fayleng ngay.”

John 4:48

Me ga’ar Jesus ngak, “Dariy bigimed nra gu mich u wan’ ni fa’anra dab mu guyed e maang’ang ni ba ga’ ma bfel’ ni kug ngongliy.”

Matthew 12:28

Kan ni Thothup rok Got e ir e ke pi’ gelngig ni nggu tuluf e mo’onyan’ rok e girdi’, ni aram e ir e be micheg ni gagiyeg rok Got e ke yib ngomed.

1 Peter 1:12

I Got e dag ngak e pi profet nem ni maruwel ni yad be tay e gathi yad e nge yib fan ngorad, ya gimed, ni aram e ur weliyed murung’agen e tin nib riyul’ ni ir e kam rung’aged e chiney. Pi mol’og ko fare Thin Ni Bfel’ ni yad e ra welthingad u fithik’ gelngin fare Kan Nthothup nni pi’ u tharmiy nge yib e rogned e pi thin ney ngomed. Ireray e tin nib riyul’ e thin ni mus ngak e pi engel ni yad ba’adag ni ngar nanged fan.

Kolose 1:25

Mi Got e ke ngongliyeg kug mang reb e tapigpig rok girdi’en e galesiya, me ir e pi’ e re maruwel ney ngog nggu rin’ ni fan ngomed, ni aram e nggu wereg urngin e thin rok ngan nang,

Roma 15:24

e kug finey ni nggu rin’ e chiney. Ra gub ni nggu wan nga Spain ma gub adag ni ngug guymed, mi gimed ayuwegneg nggu thap ngaram u tomuren ni kug felfelan’ ni kad pired boch.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Roma 15:16

ni nggu mang ba tapigpig rok Kristus Jesus, ni nggu maruwel ni fan ngak e pi’in gathi yad piyu Israel. Gu be pigpig ni bod rogon ba prist ni gu be machibnag e Thin Ni Bfel’ ni yib rok Got, ni bochan e nge yag ni mang e pi’in gathi yad piyu Israel reb e maligach nib m’agan’ Got ngay, ni fare Kan Nthothup e ke gagiyegnag nge ydorom.

1 Korinth 2:4

ma welthin ni gu tay nge machib e da gu pi’ u fithik’ e fel’ nifingin l’ugun nma yib ko gonop ko girdi’, machane gelngin fare Kan ni Thothup rok Got e immoy u fithik’ e thin rok, ni ir e i micheg ngomed nre thin nem ni gu be yog e yib rok Got.

1 Thessalonika 1:5

Ya gu feked i yib ngomed fare Thin Ni Bfel’, ni gathi kemus ni ug weliyed, ya ku errogon gelngin Got nge fare Kan Nthothup nib chagil ngay, ma ku errogon nib mich u wun’mad nib riyul’. Gimed manang rogon pangimad ko fa ngiyal’nem ni ug moyed romed; ren’em e fan ngomed ni nge fel’ rogomed riy.