Roma 15:12 - Bible Ni Thothup

¹² Miki ga’ar Isaiah, “Be’ ni owchen Jesse e bay yib; ma bayi sak’iy nge mang ir e i gagiyegnag e pi’in gathi yad piyu Israel, ma bayi mang ir e l’agan’rad ngak.”

Roma 15:12 Referans Kwoze

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Matthew 12:21

ma aram e urngin e girdi’ ni bay ra pired ni ir e ke pagan’rad ngak.”

Revelation 22:16

“I gag Jesus e kug l’oeg e engel rog ke yib ni nge weliy e pin’ey ngomed e pi’in ni gimed girdi’en e pi galesiya. I gag fa’anem ni owchen e tabinaw rok David; mi gag fare fasuran ni ba ga’ ram’en.”

Revelation 5:5

Me ga’ar bagayad fa pi’in pi’ilal ngog, “Dakumur yor. A mu changar! Fare Layon ni yib ko ganong rok Judah, ni fa’anem ni ba sorok ni ir owchen David e ke gel ngak e kireb nrayag ni nge guchthuy fa medlip i hang nge pithig fare gi babyor ni kan bachiy.”

1 Korinth 15:19

Ma fa’anra pagan’ rodad ngak Kristus e kemus ni fan ko biney e tamilang, me ere susun e gadad e pi’in ngari kireban’uy ngodad u roy u fayleng.

Daniel 7:14

Min pi’ mat’wun ko gagiyeg ni nge tay ma ngan tay fan, ma nge par ni ir e pilung, ya girdi’ u urngin e pi nam, nge pi racha’, nge pi thin e ngu’ur folgad rok. Ma mat’wun ko gagiyeg ni nge tay e bayi par ndariy n’umngin nap’an, ma gagiyeg rok e dabimus.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

Mikah 5:4

Nap’an nra yib, ma bayi gagiyegnag e girdi’ u ba gelngin ni SOMOL e ra yib rok nge rargon lungun SOMOL ni Got. Ma girdi’ rok e bay ur pired ndabki buch ban’en rorad, ya girdi’ u gubin yang u fayleng e bayi puluw u wan’rad feni sorok,

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Isaiah 49:6

I SOMOL e ga’ar ngog, “Bay reb e maruwel ni ba ga’ ni ngam ngongliy i gur e tapigpig rog. Gathi kemus ni bay mfulweg e tin ke magey e girdi’ nu Israel nga rogorad, ya bay kug gagiyeg nigem ngam mang ba magal ngak e pi nam, ya ngan nang u fayleng ni ga’ngin kanawo’en mi ni thap ngog.”

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

1 John 3:3

Gubin e girdi’ nike l’agan’rad ngak Kristus ni aray rogon e ra bagayad ma be tay ir nib machalbog, ni bod rogon feni machalbog Kristus.

1 Kronicles 2:12

Obed, nge Jesse.