Roma 15:1 - Bible Ni Thothup

¹ Gadad e pi’in nib gel e michan’ rodad ngak Somol e susun e ngad ayuweged e pi’in yad mme’waer ngad uned i fek gilbarad. Ma gathi gadad e ngdarod nga lanin’dad.

Roma 15:1 Referans Kwoze

1 Thessalonika 5:14

Gamad be wenig ngomed, pi walagmad ni girdi’en Kristus, ni ngam nonod ngak e pi’in yad bmalmal ndarir ngongliyed ban’en ngar paged e binem e pa’, mi gimed pi’ e athamgil ngak e pi’in yad be rus, mi gimed ayuweg e pi’in yad mme’waer, mu um pired nib gum’an’med rok urngin e girdi’.

Roma 14:1

Dab mu ted u orel e en nib me’waer e michan’ rok ngak Kristus, ma dab mu tugthingad ngak u murung’agen e tin ni be leamnag.

1 Korinth 9:22

Ma fa’anra gu be par u fithik’ e pi’in nib me’waer mu gu me’waer nigeg, ni fan e nggu yag nagrad ngak Kristus. Ere kug mang urngin mit e girdi’ ngak urngin mit e girdi’, ni fan e nggu yagnag boch i yad ngak Kristus u rogon e re mit i kanawo’ nrayag riy.

1 John 2:14

Gu be yol ngomed e pi’in ni bitir, ya gimed manang e en ni Chitamangiy. Ma gu be yol ngomed, pi chitamangiy, ya kam nanged fa’anem ni immoy ko tabolngin. Ma gu be yol ngomed e pi’in ni pagel, ya kam gelgad; ya be par e thin rok Got u lanin’med ma kam gelgad ngak Fa’anem nib Kireb.

2 Timothy 2:1

Me gur, fakag, e ngam fek gelngim ko ayuw ni be pi’ Got ngodad u daken e ta’ab girdi’ ni kad ted Kristus.

Roma 4:20

Ma de maruwar Got u wan’ ma ku de maruwar u wan’ e tin ni yog Got ni bayi rin’ ngak; me yib gelngin u daken e michan’ rok ngak Got, me pining e magaer ngak Got.

Efesus 6:10

Kab aray ta’a ban’en: ngam ta’ab girdi’gad ngak Somol ngi i gel nagmed nga gelngin nrib gel.

2 Korinth 12:10

Bfel’ u wun’ug e me’waer, nge thin nib kireb ni nganog ngog, nge tin nib mo’maw’, nge gafgow ni yibe tay ngog, nge tin nib mo’maw’ ban’en ni gu be mada’nag ni fan ngak Kristus. Ya ngiyal’ ni gub me’waer, aram e ngiyal’ ni gub gel.

1 Korinth 4:10

Bochan Kristus ma aram fan ni kug pired ni gamad e girdi’ nda gu nanged ban’en; machane gimed e kam llowan’gad ko ta’ab girdi’ ni kam ted Kristus! Gamad mme’waer, machane gimed e gimed ba gel! Yibe darifan nagmad, machane gimed e yibe tay famed!

Roma 14:2

Gelngin e michan’ rok be ngak Kristus e ke tay facha’ ndemturug e n’en nra kay, ma en nib waer e michan’ rok ngak Kristus e kemus ni yasay e ma kay.

Filippi 2:4

Ra bigimed ma ngi i leamnag bigimed ngi i ayuweg u rogon nrayag rok, ma gathi go ir e ngi i leamnag ir.