Roma 14:8 - Bible Ni Thothup

⁸ fa’anra ud pired ni gadad ba fos ma fan ngak Somol, ma gadad ra yim’ ma ngad m’ad ni fan ngak Somol. Demturug ko gadad ba fos ara gadad ba yam’ machane mmil fadad ngak Somol.

Roma 14:8 Referans Kwoze

Filippi 1:20

Ya tin ni ku gum’ ni bochan nge n’en ni be l’agan’ug ngay e thangri dab gu pag e maruwel rog nge kireb, machane gubin ngiyal’ nri lan e re ngiyal’ i n’ey e thangri athamgil lanin’ug, ya nge yag ntay fan Kristus minog e sorok ngak ni bochag, ndemturug ko gu ra fos fa gu ra yim’.

1 Thessalonika 5:10

ni ir e yim’ ni bochdad ni bochan e nge yag ndarod ngak ngu’ud pired, ndemturug ko ka gadad ba fos ara kadm’ad ko ngiyal’ nra yib riy.

1 Korinth 15:23

nib yaram nike tay Got: ni Kristus e som’on ni ngan faseg ko yam’; me migid e pi’in girdi’en Kristus ko ngiyal’ ni bayi sul Kristus riy.

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”

Revelation 14:13

Mu gu rung’ag ba lam nike yib u tharmiy ni be ga’ar, “Mu yoloy e bin ba’aray: Ra felfelan’ e pi yam’ ni bay ur m’ad e chiney i yan ngaram nib mich Kristus u wun’rad!” Me fulweg fare Kan Nthothup ni ga’ar, “Ri errogon. Ya yad ra felfelan’ ko matal nra yib ngorad ko maruwel nib gel nra ted; ya bay ra feked wenegan e pigpig ni ur ted ngak Somol nge un ngorad.”

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Filippi 2:30

yi pag fan e pogofan rok nge chugur ni ngem’ ni fan ko maruwel rok Kristus, ni bochan e nge ayuwegneg ko n’en ndabiyag ni ngam ayuweged gag riy.

Acts 13:36

Ya David e i ngongliy e tin ni leamnag Got ko birok’ e tayim, nge mu’ me yim’, mi ni k’eyag nga to’oben pi chitamngin, me mel u lane low.

John 21:19

Re bugithin ney ni yog Jesus e aram e be yog rogon e yam’ ni bay ta’ Peter nge tayfan Got.) Ma aram me ga’ar Jesus ngak, “Um lekeg!”

Luke 20:38

Fan e ren’ey e ir e Got rok e girdi’ nib fos, ma gathi Got rok e girdi’ nib yam’, ya rogon ni be guy Got e girdi’ e yad urngin ni yad ba fos.”