Roma 14:1 - Bible Ni Thothup

¹ Dab mu ted u orel e en nib me’waer e michan’ rok ngak Kristus, ma dab mu tugthingad ngak u murung’agen e tin ni be leamnag.

Roma 14:1 Referans Kwoze

Roma 15:1

Gadad e pi’in nib gel e michan’ rodad ngak Somol e susun e ngad ayuweged e pi’in yad mme’waer ngad uned i fek gilbarad. Ma gathi gadad e ngdarod nga lanin’dad.

1 Korinth 9:22

Ma fa’anra gu be par u fithik’ e pi’in nib me’waer mu gu me’waer nigeg, ni fan e nggu yag nagrad ngak Kristus. Ere kug mang urngin mit e girdi’ ngak urngin mit e girdi’, ni fan e nggu yagnag boch i yad ngak Kristus u rogon e re mit i kanawo’ nrayag riy.

Roma 15:7

Um pired nra bigimed ma ba t’uf rok bigimed, ni bod ni be par Kristus ni gimed ba t’uf rok, ni fan e nganog e sorok ngak Got.

Roma 14:21

Ere n’en nib mat’aw ni ngan rin’ e nge dab ni kay e ufin, ma dab ni unum e wayin, fa nrin’ yugu ban’en nra waliy be’ ni walagem ni girdi’en Got nge mul nga fithik’ e denen.

2 John 1:10

Fa’anra yib be’ ngomed ni gathi tin ni fil Jesus ngodad e ke fek i yib, ma dab mu pininged nga tabinaw romed; ni mus ni nge lungumed ngak, “Nge yib e gapas gom,” ma dab mogned ngak.

Roma 4:19

Ke chugur ni nge gaman ra’ay e duw yangren; machane de me’waer e michan’ rok ngak Got ko ngiyal’ ni ba’aram ni leamnag ir me nang rok ni dabkiyag ni nge fakay e bitir, ma ku errogon Sarah ndabkiyag ni nge sum e bitir nga yin.

Luke 17:2

Kabfel’ ni yira the’ gafan ba manang ni ba ga’ nga belel’ugun nganin’ nga maday, ko bin ni nge waliy bagayad e pi bitir ney nge denen.

Matthew 14:31

Ka chingiyal’ nem me k’iyag Jesus pa’ nge kol me ga’ar ngak, “Rib achig e michan’ rom ngak Got. Mangfan ni be maruwar Got u wun’um?”

Matthew 12:20

ma dabi t’ar ba ley i ro’uy nike m’ing, ma dabi thang ba magal ni be n’en ni nge math. Bay i maruwel i yan nge yan i mada’ ko ngiyal’ nike muruwliy e tin nib mat’aw ke gel;

Isaiah 42:3

Dabi thal’uy ba ley i ro’uy nike m’ing, ma dabi thang ba magal ni be n’en ni nge math. Tin ra i par nib yal’uw e bayi fek i yib ngak urngin e girdi’.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

BABYOR NI JOB 4:3

Ka mu fonownag bo’or e girdi’ ma kam pi’ gelngin pa’ e pi’in ndariy gelngin pa’rad.

Ezekiel 34:16

“Bay gu changarnag e pi arorad nike malboch, mu gu fulweg e tin be sor ngabang, mu gu taflaynag e tin ke maad’ad, mug golnag e tin ke m’ar; machane tin sugsug ma yad ba gel e bay gu thangrad, ni bochan e gag ba tagafal saf ni n’en ni ba yal’uw e gu ma rin’.

Ezekiel 34:4

Damur ayuweged e tin nib me’waer, ma damur gol niged e tin ke m’ar, ma damur m’aged e mad ko yungin u downgin e tin ke maad’ad, ara mfulweged e tin ke sor ngabang, ara mu changar niged e tin ke malboch. Machane ri gafgow e gimed be tay ngorad.

Filippi 2:29

Ere mfeked nga tabinaw romed u fithik’ e felfelan’, ni bochan e ir reb i walagmed u daken Somol. Mu ted fan urngin mit e girdi’ ni bod ir,

John 13:20

Gu be yog e tin nib riyul’ ngomed: ra yan be’ ni mol’og rog ngak be’ me felfelan’ fa’anem ngak nike yib, ma ku aram e n’en ke rin’ ngog; ma en nra rin’ ngog ni aray rogon e ke rin’ ngak e en ni ir e ke l’oegeg ku gub.”

Matthew 18:10

“Mu guyed rogon nge dab mu darifan niged u wun’med bagayad e pi bitir ney. Ya nggog ngomed ni pi engel rorad nu tharmiy e gubin ngiyal’ ni yad bay rok e Chitamag nu tharmiy.

Zekariah 11:16

Kug tay ba tagafal saf ni nge matanagiy fare ran’ i saf rog, machane der ma ayuweg e saf nike yib e riya’ ngorad; fe gaweg e tin kar maloggad, ara golnag e tin ke maad’ad, ara durwi’iy e tin ke magach nib fos. Me cheal ngi i kay ufin e tin nib sugsug e saf mi i popof bugli’ayrad.

Mark 7:19

ya gathi ke yan nga laniyan’, ya ke yan ngalan gil’iggan ni bay yan u rom nga wuru’ i downgin.” (Re bugithin ney ni yog Jesus e aram e keyog ni gubin mit e ggan mra ni kay.)

Acts 28:2

Me ayuwegmad e girdi’ riy. Ma aram me aw e n’uw me ri garbeb, miyad ko’reg ba nifiy miyad yog ngomad ni nggu chugurgad nga charen.

Roma 11:15

Ya nap’an ni n’agrad Got me m’ag Got e fager ngak e tin kabay e girdi’ u fayleng. Ere ra yan i di’in e ngiyal’ ni bay ki fulwegrad Got riy? Ra yan i aw ni bod e yafos ngak e pi’in karm’ad!

Roma 14:2

Gelngin e michan’ rok be ngak Kristus e ke tay facha’ ndemturug e n’en nra kay, ma en nib waer e michan’ rok ngak Kristus e kemus ni yasay e ma kay.

Roma 14:3

En ndemturug e n’en nra kay e dabi darifannag e en nder yag ni nge rin’ ni bod ir; ma en ni kemus ni yasay e ma kay e dabi turguy e kireb nga daken e en ndemturug e n’en nma kay, ya cha’nem e ba yal’uw u wan’ Got.

1 Thessalonika 5:14

Gamad be wenig ngomed, pi walagmad ni girdi’en Kristus, ni ngam nonod ngak e pi’in yad bmalmal ndarir ngongliyed ban’en ngar paged e binem e pa’, mi gimed pi’ e athamgil ngak e pi’in yad be rus, mi gimed ayuweg e pi’in yad mme’waer, mu um pired nib gum’an’med rok urngin e girdi’.

Hebrews 5:14

Ma ggan nib el e pi’ilal e ngar ked, ya kar filed rogon ni ngar nanged e tin ni bfel’ ko tin nib kireb.