Roma 13:8 - Bible Ni Thothup

⁸ Dab mu tay e malfith ngak be’ kemus nre malfith ni nge aw nga puluwmed e nge bigimed me t’uf bigimed rok. En nra t’uf e girdi’ rok e ke fol ko fare Motochiyel.

Roma 13:8 Referans Kwoze

Roma 13:10

En nib t’uf rok e en nib migid ngak e ri dabiyag ni nge rin’ ban’en nib kireb ngak. Ra t’uf e girdi’ rodad, ma aram e kad folgad ko fare Motochiyel ni polo’.

Galatia 5:14

Ya re Motochiyel nem ni polo’ e kan puthuy nga ta’bang ke yan i par nta’reb e motochiyel ni ba’aray ni ga’ar: “Demturug e gin’en ni ga bay riy ma ngam t’ufeg e cha’ ni ir e mmigid ngom ni gowe gur.”

Matthew 7:12

“Ere mu rin’ed ngak e girdi’ e tin ni gimed ba’adag ni ngar rin’ed ngomed; ireray fan fapi Motochiyel rok Moses nge tin i fil e pi profet ngak e girdi’.

Roma 13:7

Ere mpi’ed e salpiy ni ngam pi’ed ngorad, ni urngin e tax ni yima pi’, mi gimed liyor ngorad mi gimed tay farad ni yad gubin.

James 2:8

Ra um rin’ed e tin nib mat’aw ni fa’anra um folgad ko fare motochiyel ko gagiyeg nu tharmiy ni fa’ani bay u lan e babyor nib thothup ni be ga’ar, “Gin’en ni ga bay riy e nge t’uf rom e en nib migid ngom ni gowe gur.”

Kolose 3:14

Nge rogon nib t’uf Got nge girdi’ romed e ngam puthuyed nga urngin e pin’ey, ni ir e ma chugumiy urngin ban’en nga ta’bang nge par nike fel’ rogon.

John 13:34

Nggu pi’ reb e motochiyel nib be’ech ngomed, nge bigimed me t’uf bigimed rok. Rogon ni um pired ni gimed ba t’uf rog, e aram rogon nthingar um pired nra bigimed ma ba t’uf rok bigimed.

1 Timothy 1:5

Fan e re bugithin ney ni kugog ngom e bochan e nge yagnag e t’ufeg nma yib ko gum’ircha’ nib machalbog, ma ma yib u lanin’uy ni der yog ngom gur be’ ni kam rin’ ban’en nib kireb, ma ma yib ko bin nib riyul’ i rogon nib mich Kristus u wun’uy.

1 John 3:10

Ba’aray e ren’en nib gagiyel nib thil u thilin e pi’in ni pifak Got nge pi’in ni pifak mo’onyan’: en nde rin’ e tin nib mat’aw ara de t’uf rok e en ni walagen ni girdi’en Kristus e gathi ir be’ ni fak Got.