Biblia Todo Logo
Bib sou entènèt

- Piblisite -




Roma 13:4 - Bible Ni Thothup

4 Ya ir e tapigpig rok Got ni be maruwel ni fan ngom. Ma fa’anra mu rin’ e tin nib kireb, me ere mu tamdag ngak, ya ri bay gelngin nrayag ni nge gechig nigem. Ya ir e tapigpig rok Got nma gechignag e pi’in ke damumuw Got ngorad ni bochan e yad be rin’ e kireb.

Gade chapit la Kopi




Roma 13:4
23 Referans Kwoze  

Pi tafager rog, dab mu fulweged ngak be’ taban e kireb ni rin’ ngomed, machane ngam paged fan ko damumuw rok Got nge mang ir e rin’. Ya be yog e babyor nib thothup ni be ga’ar, “Be ga’ar Somol, ke milfan ngog, ni gag e bay gu fulweg taban e kireb.”


Ngam tamdag ngak ba pilung nike damumuw ni bod rogon ni ga ra tamdag ngak ba layon nike puwan’; ga ra k’aring e damumuw ngak ma bod ni ngam li’em nga mum’.


Be’ nib gonop e ma guy rogon ngi i par fare pilung nib felfelan’; ya fa’anra damumuw fare pilung ma rayag ni nge yim’ be’.


me yog ngorad ni ga’ar: “Ngu’um tiyan’med ko tin gimed be rin’, ya gimed be puf oloboch ni gathi gelngin e girdi’ e gimed be maruwel ngay, machane gelngin SOMOL, ma bay romed ko ngiyal’ i n’en ni gimed be duwgiliy e n’en ni wenegan e kireb rok be’.


Dariy be’ nib mo’on ni nge ngongliy e kireb ngak be’ ni walagen ni girdi’en Kristus ara kirebnag mat’wun fa’anem ko re bugithin ney. Ma kugogned e re bugithin ney ngomed kafram, ma ri gamad be ta’chiylen ngomed nri ra gechignag Somol e pi’in yad be rin’ e pi kireb ney.


Ku ireray fan ni gimed be pi’ e tax; ya am e yad be maruwel rok Got ko ngiyal’ ni yad be rin’ e maruwel rodad.


Gimed e pi’in gimed be gagiyegnag piyu Israel, ni ndabumed e tin nib yal’uw ma gimed be pingeg e tin nib mat’aw nge kireb.


Girdi’ rog nu Israel e bay ra fabiygad u Edom ni fan ngog, me thamiy yu Edom gelngin e damumuw rog u pa’rad. Yu Edom e bay ra nanged amithun e falbiy rog.” I SOMOL ni Th’abi Tolang e be non.


Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.


ma ka ra sugsug gad ya bfel’ e darwo’ ngorad. Ma dariy folen e kireb ni yad be rin’. Darir pi’ed mat’wun e pi’in kanim’ rorad fa rdaged ni bfel’ e rok e pi’in ni yibe gafgow nagrad.


mi gimed fil rogon i rin’ e fel’. Mu guyed ni tin mat’aw e nge lebug, mu ayuweged e pi’in yibe gafgow nagrad, mpi’ed mat’wun e bitir ni kanim’ rorad, mi gimed mang yoror rok e pi’in ke yim’ figirngirad.”


Pilung nib gonop e ra pir’eg ko mini e be rin’ e kireb, mra gechignag ndabi kireban’ ngak.


Ra par e pilung nga tagil’ ni nge pufthin, mra guy e kireb ma manang.


Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”


Irera’ e pi binaw ni tagil’ e ayuw nni mel’eg ni fan ngak gubin e girdi’ nu Israel nge demturug be’ nu bang nma par u fithik’rad. Demturug be’ ni kal nge li’ be’ nge y’im, ma rayag ni ngan ayuweg u rom u pa’ fare mo’on ni be mogow ni nge filbeyen; dabyag ni ngan li’ u rom nge yim’ nge taw nga nap’an ni kan pufthinnag.


Fa’anra lek fa en ke yib ni nge filbeyen fare mo’on ngaram, ma girdi’ ko fare binaw e thingar dab ra pi’ed fare mo’on nga pa’ fa’anem. Thingar ra ayuweged ni bochan e kal riy nge li’ facha’ ma gathi bochan e ke damumuw.


nge pi governor, ni en ni pilung e l’oegrad ni ngar gechig niged e pi’in kireb e ngongol rorad miyad yog e sorok ngak e pi’in yad be ngongliy e ngongol ni bfel’.


Swiv nou:

Piblisite


Piblisite