Roma 12:13 - Bible Ni Thothup

¹³ Mpi’ed boch e tin bay romed ban’en ngak e pi’in pi walagmed ni girdi’en Kristus ko ngiyal’ ndabisiy ni nge yag ngorad, mi gimed bing e tabinaw romed ngak e milekag.

Roma 12:13 Referans Kwoze

Hebrews 13:16

Dab mpaged talin ni ngam rin’ed e tin ni bfel’ ni nge bigimed mi i ayuweg bigimed, ya ireray e pi maligach nib m’agan’ Got ngay.

2 Korinth 9:12

Ya re ayuw ney ni bay mu ngongliyed e gathi kemus ni nge pi’ ngak e girdi’ rok Got e tin nthingari yag ngorad, machane ku errogon ni bayi ayuweg bo’or e girdi’ ngar pininged e magaer ngak Got.

1 John 3:17

Fa’anra bo’or ban’en rok be’ ma be guy be’ ni walagen ni girdi’en Kristus nike gafgow nthingari yag ban’en ngak, me fek owchen rok, mra di’in me ga’ar e ba t’uf Got rok?

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

1 Peter 4:9

Mbinged e tabinaw romed ngomed, ndab um gun’gun’gad.

Galatia 6:10

Ere urngin ngiyal’ nra puf rogodad ma ngad ngongliyed e ngongol ni bfel’ ngak urngin e girdi’, machane nge ga’ fadad ngak e pi’in kad manged girdi’en e tabinaw rok Got u fithik’ e mich u wun’uy ngak Kristus.

Hebrews 13:2

Dab mpaged talin ni ngam ayuweged e milekag ni karbad nga tabinaw romed. Ya bay boch e girdi’ ni ur rin’ed miyad ayuweg e pi engel ndar nanged.

1 Timothy 3:2

En ni be tay murung’agen girdi’en e galesiya e thangri yan i aw ni be’ ni bfel’ thin nge pangin; thangri par ni ta’reb e bpin rok, ma ba gonop, mrayag ni nge t’ar laniyan’, ma bfel’ e ngongol rok; ma thangri m’agan’ ngay ni nge t’ufeg e milekag ni karbad nga tabinaw rok; ma thangri yag rok ni nge machib;

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

Matthew 25:35

Gum’ ko bilig mi gimed pi’ ganag, ma gum’ ko belel mi gimed pi’ e garbod ngog; gu be’ nda mu nanged owcheg mi gimed fekeg nga tabinaw romed,

Filemon 1:7

T’ufeg rom, i gur walageg ni gab t’uf rog, e ba gel e felfelan’ nike pi’ ngog, ma ba ga’ e athamgil nike pi’ nga lanin’ug! Ya kam pi’ e felfelan’ nga laniyan’ urngin e pi’in girdi’en Got.

Titus 1:8

Ma thangri m’agan’ ngay ni nge fek e milekag nga tabinaw rok nge ayuweg ma ba’adag e tin ni bfel’. Ma thangri yag rok ni nge t’ar laniyan’ ko tin nde fel’, ma nge par nib yul’yul’, ma ba thothup, mrayag ni nge tel ir ko tin nde mat’aw.

2 Korinth 9:1

Dariy fan ni nggu weliy ngomed u babyor murung’agen e ayuw ni ngan pi’ nge yan ngak e girdi’ rok Got ni yad bay u Judea.

Acts 10:4

Me lik’ath ngak fare engel nike tamdag me ga’ar, “Be mang?” Me fulweg fare engel ni ga’ar, “Got e bfel’ u wan’ e meybil rom nge maruwel ni kam tay ni ga be ayuweg e pi’in gafgow, ma be leam nigem.

Acts 4:35

ngar pi’ed ngak fapi apostel; ma aram min f’oth e re salpiy nem ko girdi’ nra be’ ma be yan u rogon e tin ndabisiy ni nge yag ngak.

1 Korinth 16:15

Gimed manang murung’agen Stefanas nge girdi’en e tabinaw rok; yad e som’on ko girdi’ u Greece nra piggad ngar manged girdi’en Kristus, ma yad be tiyan’rad ngak girdi’en Got yad be ayuwegrad. Gu be wenig ngomed, pi walageg ni girdi’en Kristus,

Roma 12:8

Ma fa’anra salap ni pi’ Got ngodad e ngad pi’ed e athamgil nga laniyan’ e girdi’, me ere thingar da rin’ed ni aram rogon. En nra pi’ boch e tin bay rok ban’en ngak boch e girdi’ e thangri rin’ u fithik’ e gol; en ni ba ga’ lungun u puluwon e girdi’ e thangri maruwel nib gel; ma en nra gol ngak e girdi’ e thangri rin’ u fithik’ e felfelan’.

Psalms 41:1

Nge falan’ e pi’in ma magfan’rad ko pi’in gafgow; ya SOMOL e ra aywegrad ko ngiyal’ nike yib e oloboch ngorad.

2 Kings 4:10

Ngad ngongliyew reb e senggil nib achig nga daken e chigiy ko naun rodow ngad tew bang e chob ngay, nge ba tebel, nge reb e chiya, nge reb e magal, ya ngiyal’ nra ke yib ngodow ma rayag ni nge yan i par ngay.”

Proverbs 31:20

Ma ba gol ngak e pi’in gafgow nge pi’in nib t’uf e ayuw rorad.

Titus 3:14

Mu guy rogon e tirodad e girdi’ ngu’ur ngongliyed e maruwel ni bfel’, ya ngar yag niged e tin ndabisiy ni nge yag ngorad ban’en ma ku ra ayuweged boch e girdi’ ngay; ma dab ra pired ni yad be ngongliy e tin ndariyfan.

3 John 1:5

Fager rog ni gab t’uf rog, ri gab yul’yul’ ko maruwel ni ga be rin’ ni fan ngak e pi’in walagdow ni girdi’en Kristus, ni mus ngak e pi’in nda mu nang owcherad.