Roma 11:29 - Bible Ni Thothup

²⁹ Ya Got e der ma piliyeg laniyan’ rok e en ni mel’eg nge tow’athnag.

Roma 11:29 Referans Kwoze

Hebrews 7:21

Machane Jesus e mang ba prist u daken fare mow ni micheg Got ni bayi rin’ me mow nga fithingan ko fa ngiyal’nem ni ga’ar Got ngak, “I Somol e ke yog bbugithin ma ke micheg nga fithingan, dabki piliyeg laniyan’ riy: ‘Bay mmang ba prist ndariy n’umngin nap’an.’ ”

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Malaki 3:6

“I gag e SOMOL ma ri dab gu thil. Ere gimed e pi’in owchen Jakob e dawor mmalog gad e chiney.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Hosea 13:14

Dab gu ayuweg e pi girdi’ ney u pa’ e fayleng ko yam’ ara gu lagrad u gelngin e yam’. Gur fayleng ko yam’ mfek e riya’ rom i yib! Dabki kireban’ug ko pi girdi’ ney.

Roma 8:30

Ere Got e ke pining e pi’in ir e ke falrad ngabang; gathi kemus nike piningrad, ya ku errogon nike mat’aw nagrad ngak; gathi kemus nike mat’aw nagrad ngak, ya ku errogon ni ngar uned ngak ko fla’ab rok.

Roma 11:30

Ma gimed e pi’in gathi gimed piyu Israel e da um folgad rok Got kakrom; machane chiney e ke runguymed Got, ya dakir fol piyu Israel rok.

1 Korinth 1:26

Pi walageg ni girdi’en Kristus, nge bigimed me leamnag rogon ni immoy ko ngiyal’ ni ba’aram ni piningmed Got riy. Ri in i gimed e immoy nib gonop, ara ma yog e thin, ara ba tolang u rogon e tafinay nma tay e girdi’.

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Efesus 4:1

I gag e cha’ ni kug kalbus ni bochan e gu be pigpig ngak Somol, e ri gu be wenig ngomed ni ngi i par ngongolmed ko fare fol ni kem’ay i tay rok Got ko fa ngiyal’ ni piningmed riy.

Efesus 4:4

Ya ta’reb e dowef ni bay ma ta’reb e Kan Nthothup, ni bod rogon nri ta’reb e pagan’ ni bay ni ir e ke piningmed Got ngay.

Filippi 3:14

Ere gu be mil nib k’iy kanawo’eg i yan ko n’en ni gu be nameg ni bochan e nge yag puluwon ngog, ni aram e pong nike tay Got ngodad u daken Kristus Jesus ni ngdarod ko yafos ni bay u tharmiy.

2 Thessalonika 1:11

Ireray fan ni gubin ngiyal’ ma gamad be pi’ e meybil romed ngak Got. Gamad be wenignag ngak e Got rodad ni nge ngongliymed nge bung rogon ni mpired ko re mit i pangin nike piningmed Got ni ngam pired riy. Nge ayuwegmed gelngin ngam marod mpired ni kam manigilgad nrogon ni gimed be yim’ ni bochan, me ayuwegmed nge libug e maruwel ni gimed be muruwliy u fithik’ e michan’ nge pagan’ romed ngak.

2 Timothy 1:9

Ke thapegdad ngak ma ke piningdad ni ngad manged girdi’en, ni gathi bochan e tin ni bfel’ ban’en ni kad ngongliyed, machane bochan e tin ke leamnag nge runguy rok ngodad. I runguydad u daken Kristus Jesus u m’on ndawori sunumiy e fayleng riy,

Hebrews 3:1

Pi walageg ni gimed girdi’en Kristus, ni ku errogon gimed nike piningmed Got ni ngambad ngak! Mu leam niged Jesus, ni ir e ke l’oeg Got ke yib ni nge mang fare Prist ni Th’abi Ga’ ko michan’ rodad ni ir e gadad be weliy murung’agen.

2 Peter 1:10

Ere pi walageg ni girdi’en Kristus, mu guyed rogon ngam athamgilgad nge yib fan e pong nike tay Got ngomed, nge rogon nike mel’egmed ngu’um pired riy; fa’an gimed ra rin’ ni aray rogon ma ri dabiyag ni ngam thaygad.