Roma 11:27 - Bible Ni Thothup

²⁷ Bay gu ngongliy e re m’ag ney ngorad ko ngiyal’ ni bay gu chuweg e denen rorad.”

Roma 11:27 Referans Kwoze

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Isaiah 59:21

Mu gu ngongliy bm’ag u thildad: Ku gu pi’ gelngig ngomed nge machib rog ni ngam faned ni manemus, ma chiney i yan ngaram e ngam folgad rog mi gimed fil ngak pifakmed nge pifak pifakmed ni ngar pired ni yad be fol rog ni dariy n’umngin nap’an.”

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Hebrews 10:16

“Be ga’ar Somol: Ireray fare m’ag ni bay gu ngongliy ngorad u tomuren e pi rran nem: Bay gu tay e pi motochiyel rog ngalan gum’ircha’rad, ma bay gu yoloy nga lanin’rad.”

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

Jeremiah 50:20

Re ngiyal i nem, ma dakriy ba denen ni yira pir’eg u lan yu Israel ma dakriy e kireb u lan yu Judah, ni fan e bay gu n’agfan e kireb ko girdi’ ni gu ayweg e pogofan rorad. I Gag SOMOL e kugog e pi thin ney.”

Hosea 14:2

Mu sulod ngak SOMOL, mi gimed meybil ngak ni nge lungumed, “Mu n’ag fan urngin e denen romad, me fel’ u wun’um e meybil romad, ma gamad pining e sorok ngom ni bod ni ku gogned ngom ni gamad ra rin’.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.