Roma 11:1 - Bible Ni Thothup

¹ Ere nggu fith ni nge lungug: I n’ag Got girdi’en fa danga’? Rib muduwgil ndanga’! Er rogon gag ni gu be’ u Israel, ni gag reb i owchen Abraham, ni gag girdi’en e ganong ku Benjamin.

Roma 11:1 Referans Kwoze

2 Korinth 11:22

Bogi Hebrew e pi cha’nir? Ku errogon gag. Piyu Israel e pi cha’nir? Ku errogon gag. Yad bogni’ ni owchen Abraham? Ku errogon gag.

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

Filippi 3:5

Ya gag e ni maad’ad ngog nnap’an e ta’reb e wik yangreg. Ni gargel nigeg ni gu be’ u Israel, ni gu be’ ko fare ganong rok Benjamin, nri gub racha’ nu Hebrew nde ma’athuk reb e racha’ nga racha’eg. Ma fa’anra murung’agen rogon ni yima ayuweg e Motochiyel rok yu Israel, me ere gag e ug moy ni gag reb e Farise,

Acts 26:4

“Urngin piyu Israel ma yad manang rogog ni ug par ko ngiyal’ ni ku gub bitir ke mada’ ko chiney. Yad manang rogon ni ug par u lan e nam rog ngu lan yu Jerusalem ni ku gub bitir kug pi’ilal.

Acts 22:3

“Gu be’ u Israel, nni gargel nigeg u Tarsus u lan yu Cilicia, machane min chuguliyeg u roy u Jerusalem, me gag reb e bitir ni sukul nigeg Gamaliel. Rib gel e sukul ntay ngog u murung’agen fare Motochiyel rok e pi chitamangidad, ma ri ug liyor ngak Got ni bod gimed e pi’in gimed bay u roy e daba’.

Hosea 9:17

Fare Got ni gu ma pigpig ngak e bayi n’ag girdi’en, ya darir motoyilgad ngak. Bay ur malethaygad ko pi nam i yan.

Psalms 94:14

I SOMOL e dabi n’ag e girdi’ rok; ma dabi fek owchen ko pi’in nib milfarad ngak.

Roma 9:3

Fa’an mang e ra gu pi’eg ngan gechig nigeg ma gamow dar Kristus ma aram miyad thap ngak Got ma kug rin’.

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

2 Kings 23:27

Me ga’ar SOMOL, “Bay gu rin’ ngak yu Judah e n’en ni kug rin’ ngak yu Israel, bay gu chuweg e girdi’ nu Judah u p’eowcheg, mu gu n’ag yu Jerusalem, ni fare binaw ni gag e gu duwgiliy ni nge mang binaw rog, nge fare Tempel ni gog ni aram e gin ni ngan meybil riy ngog.”

Psalms 77:7

“Gur, gubin ngiyal’ ni bay i par SOMOL nike pi’ keru’ ngodad? Gur, aram e ri dab ku da fel’gad u laniyan’ bayay?

Luke 20:16

Ra yib nge li’ fa pi’inem ngarm’ad, me pi’ fa gi woldug ngak yugu boch e girdi’.” Ma fa’ani rung’ag fapi girdi’ e re bugithin ney me lungurad, “Yigi siy i yodorom!”

Roma 11:11

Ere nggu fith ni nge lungug: I tun ay piyu Israel ni fan e ngar dol’gad ngar kirebgad? Ri dangay! Kanawo’en ni ngan thap ngak Got e ke yib ngak e pi’in gathi yad piyu Israel ni bochan e ke denen piyu Israel, ya nge awan’ piyu Israel ngak e pi’in gathi yad piyu Israel.