Roma 10:7 - Bible Ni Thothup

⁷ “Ma ku dabi lungum, Mini’ e ra yan nga tafen e yam’ u ar?” (ya ra errogon ma ngan fek Kristus u fithik’ e yam’ ngalang).

Roma 10:7 Referans Kwoze

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;

Roma 4:25

Nni pi’ ni ngem’ ni bochan e denen rodad, mi ni faseg ko yam’ ni fan e nge ta’dad ni kad mat’awgad ngak Got.

Luke 8:31

Me wenig fapi mo’onyan’ ngak Jesus ni dabi pi’rad ngranod ngalan e abyss.