Roma 10:3 - Bible Ni Thothup

³ Ya dar nanged e re kanawo’ ni ir e ma mat’awnag Got e girdi’ riy ngak, ma kar guyed rogon ni ngar ngongliyed e birorad e kanawo’; ma aram e dar pi’ed yad ko birok’ Got e kanawo’ ni ir e ma mat’awnag Got e girdi’ riy ngak.

Roma 10:3 Referans Kwoze

Filippi 3:9

mu gu pirew ni kug ta’ab girdi’gow. Ma gathi ka gag e gu be athamgiliy ni nggu mat’aw, ni fa mit nem e mat’aw nma yag u daken e Motochiyel rok Moses ni yibe fol riy; ya chiney e kug mat’aw ni Got e ke mat’aw nigeg ni bochan e ke mich Kristus u wun’ug, ni mat’aw nike yib rok Got ni yib u daken e michan’ rog ngak Kristus.

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Roma 5:19

Ma rogon ni bo’or e girdi’ ni yan i par ni yad e tadenen ni bochan e ta’reb e girdi’ nde fol, e ku aram rogon ni bo’or e girdi’ ni bayi mat’aw nagrad Got ngak ni bochan ta’abe’ nike fol.

Roma 1:17

Ya Thin Ni Bfel’ ni yib rok Got e be dag rogon nma mat’awnag Got e girdi’ ngak ni ba’aray rogon: ma mat’awnagrad ngak ni kemus ni fa’anra mich Kristus u wun’rad mi i gel e michan’ rorad ngak i yan. Ni bod rogon ni be yog e babyor nib thothup ni be ga’ar, “En nike mat’aw ngak Got ni bochan e ke mich Got u wan’ e ra fos.”

Roma 3:22

Got e ma mat’awnag e girdi’ ngak u daken e michan’ rorad ngak Jesus Kristus. I Got e ma rin’ e ren’ey ngak urngin e girdi’ nike mich Kristus u wun’rad, ni ta’reb rogon piyu Israel nge pi’in gathi yad piyu Israel:

Isaiah 57:12

Gimed be leamnag ni n’en ni gimed be rin’ e bmat’aw, machane bay gu pug e upong u daken e gafarig romed, ma pi got romed e dabiyag nra ayweged gimed.

Isaiah 51:8

ya bay ram’aygad ngabang ni bod e mad nike longuy e ngael! Machane nganpuf kodenen ni kug fek i yib e rapar ndariy n’umngin nap’an; gel ni nggu tay e ra par ni dabimus bi’id.”

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

Isaiah 56:1

I SOMOL e ga’ar ko girdi’ rok, “Mu rin’ed e tin ni bfel’ ma ba mat’aw, ya dab kin’uw nap’an mu gub ni nggu aywegmed; gelngin e ayuw rog e yira guy u ga’ngin yang u fayleng.

Nehemiah 9:33

Mmat’aw e tin mu rin’ ko gechig ni mpi’ ngomad; um par ni gab yul’yul’ ngomad, ni yug aram rogon ni gamad be denen.

Isaiah 64:6

Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.

Psalms 71:19

Got, fenam mat’aw e ke taw nga lanelang. Gur e kam rin’ bogi maang’ang; dariy be’ ni bod gur.

BABYOR NI JOB 33:27

Ra yog u fithik’ e yo’or ni nge ga’ar, “Kug denen. Ngongol rog e de mat’aw, machane de thangeg Got.

Levitikus 26:41

mar k’aringed gag ngug cheal ngug togopluw ngorad nggu pi’rad ngar kalbusgad u lan e nam rok e pi to’ogor rorad. Mra tomur nike sobutan’rad ma kar gafgowgad u wenegan e denen rorad nge togopluw ni urted,

2 Peter 1:1

Re babyor ney e yib rok Simon Peter, ni ir reb e tapigpig me ir reb e apostel rok Jesus Kristus — Ngak e pi’in nu daken e mat’aw rok Got rodad nge Jesus Kristus ni ir e ma thapeg e girdi’ ngak Got e ke yag riy ngorad e michan’ nta’reb rogon feni ga’ fan ko biromad e michan’:

Roma 3:26

machane chiney e ke rin’ ban’en ni fan ko denen nike ngongliy e girdi’ ni nge micheg nma mat’awnag e girdi’ ngak. Ireray kanawo’en nike dag Got ni ir be’ nib mat’aw mra mat’awnag ngak urngin e pi’in nra mich Jesus u wun’rad.

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Isaiah 51:6

Mu changar nga lanelang; ma ga changar ko fayleng! Lanelang e bayi m’ay ngabang ni bod e ath; ma fayleng e bayi wod ni bod e mad nike kaday, ma girdi’ riy e bay i yim’ ni bod e chachangeg. Machane pufrogon nge mat’aw ni nggu fek i yib e bayi par ndariy n’umngin nap’an; aram e gel ni nggu tay ko tomur.

Deuteronomy 6:25

Fa’an gadad ra yul’yul’ ngu’ud folgad u gubin e tin keyog Got ngodad ni ngad rin’ed, ma gadad ra fel’ u wan’.’

Isaiah 51:1

I SOMOL e be ga’ar, “Motoyil ngog, gur e en ga ba’adag ni ngam thap, i gur e en ga be man ayuw ngog. Mu leamnag fare war ni mub riy ni ir e ni thirfem riy ngan ngongliyem.

Roma 10:2

Rayag ni gu mang mich rorad nri yad be tiyan’rad ngak Got, machane tiyan’ ni yad be tay e ke thum’ nga wuru’ e wo’, ya dar nanged e tin riyul’.

Roma 10:20

Mi Isaiah e de tamdag ni fa’ani ga’ar, “Be ga’ar Somol, Ke pir’egeg e pi’in ndarir gayed gag, kug m’ug ngak e pi’in ndarir fithed murung’ageg.”

Roma 11:7

Ere uw rogon? Yu Israel e dar pir’eged e ren’en ni yad be changarnag. Ya kemus ni fachi ulung ni Got e mel’eg e yad e ra pir’eged; ma pi’in ndar uned ko re ulung ney e dar matoyilgad ko pong ni be tay Got.