Roma 1:4 - Bible Ni Thothup

⁴ ma rogon ni ir Got nib thothup e dag Got gelngin nib gel ni be micheg ni ir Fak Got, ni bochan e faseg ko yam’.

Roma 1:4 Referans Kwoze

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

2 Korinth 13:4

Ya yugu aram rogon feni me’waer nli’ ngem’ u daken e kuruth, machane gelngin Got e ir e be par riy nib fos. Kug ta’ab girdi’gad Kristus, ma ku errogon gamad ni gamad mme’waer; machane gelngin Got e bay i ayuwegmad ngu’ug pired rok Kristus ni fan ngomed.

2 Peter 1:21

Ya dariy bbugithin ni yog e profet ni sum u laniyan’ be’, ya fare Kan Nthothup rok Got e yib i ying ngak e girdi’ ngar weliyed e thin nike yib rok Got ngorad.

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

Roma 1:3

Re thin nem e murung’agen Fak, ni aram e Somol rodad i Jesus Kristus; ma rogon ni ngal’ nib girdi’, e ni gargelnag ko ganong rok David;

Acts 3:15

Ere kam thanged e pogofan rok e cha’ ni ir e tabolngin e yafos. Machane Got e ke faseg ko yam’ — ni gamad e mich ko re bugithin ney.

Acts 2:32

I Got e ke faseg e cha’nem i Jesus ko yam’, nre bugithin ney e gamad gubin ni gamad e mich riy.

Acts 2:24

Machane me faseg Got ko yam’ nge chuweg u fithik’ gelngin e yam’, ya dariy e n’en nra rin’ me yag rok e yam’ ni nge kalbusnag.

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”