Roma 1:26 - Bible Ni Thothup

²⁶ Bochan e yad be rin’ e pin’ey, ma aram e pagrad Got yad be rin’ e tin ni yima tamra’ ngay ni ir e yad be yim’ ni bochan. Mus ngak e pi’in ni ppin ni kar chealgad ngorad yad be par ni gathi aram yalen.

Roma 1:26 Referans Kwoze

Jude 1:7

Mu tafinay niged fare binaw nu Sodom nge binaw nu Gomorrah, nge tin ni bay e binaw u to’oben ni girdi’ riy e i ngongol ni bod e n’en ni rin’ fapi engel nra thum’gad nga wuru’ i mat’wunrad, ya girdi’ riy e ur ngongliyed e ngongol ko darngal, ma i darngalnag e pumo’on e pumo’on: kar gafgowgad ko gechig u fithik’ e nifiy ni dabi math bi’id, ni aram e kar manged puguran ngak urngin e girdi’.

1 Timothy 1:10

ma fan ngak e pi’in yad ma darngal, ma fan ngak e pumo’on nma darngalnag e pumo’on, nge pi’in yad ma iring e girdi’, ma fan ko pi’in yad ma lifith l’ugunrad ma yad ma pi’ e thin ni nge mang mich nde riyul’ ara rrin’ed ban’en nib togopluw ko bin nib riyul’ e machib.

Roma 1:24

Aram rogon feni balyang e girdi’, ma aram fan nike pagrad Got yad be rin’ e tin nib golong ni aram e tin ni yad be yim’ ni bochan, mra bagayad ma be ngongliy ngak bagayad e pin’en ni yima tamra’ ngay.

1 Korinth 6:9

Ri gimed manang ni pi’in nib kireb e dabiyag ni ngar manged girdi’en e gin nsuwon Got. Dab mu ban niged gimed: ya girdi’ nma ngongliy e ngongol ko darngal, ara yad ma tayfan ma yad ma meybil ko liyos nma meybil boch e girdi’ ngay, ara yad ma par e pi’in gathi mabgol rorad, ara yad e pumo’on nma darngalnag e pumo’on,

Efesus 4:19

Ma dakurir tamra’gad; ma kar paged yad nga pa’ e kireb, ma yad be ngongliy urngin mit e puwlag ndakir yag ni ngar taleged yad riy.

Genesis 19:5

Miyad tolulnag Lot ni yad be fith, “Bu uw fa gali pumo’on ni karbow ni ngar pirew rom e nep’ ney? Mfekrow i yib ngomad nga wean nggu pired.” Pi pumo’on nu Sodom nem e kar darngal niged e gali milekag nem.

Judges 19:22

Kar pasloggad miy gur gin gad ma ke longbiy bogi pumo’on ni yad ba’adag e pumo’on fare naun miyad tabab i pirdi’iy e mab. Me lungurad ko fare labthir, “Mu fek i yib nga wean fare mo’on nike un ngom nga tafnam! Ya gamad ba’adag ni nggu ngongliyed e tin golong ngak!”

Efesus 5:12

Mus ni ngan weliy murung’agen e pin’en nib mith ni yad be rin’ ma ba gel e tamra’ riy.)

1 Thessalonika 4:5

ma gathi bochan e ar’ar rok, ni bod e pi’in ndar nanged Got.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

Jude 1:10

Machane pi girdi’ ney e yad ma moningnag bogi n’en ndar nanged fan; ma yad bod e gamanman ndariy e leam rok ni tin ni be ar’arnag e dowef rorad e yad be rin’, ni ireram e pin’en ni be kireb nagrad.

Psalms 81:12

Ere ku gu pagrad ngranod u farad gel’an ngu’ur rin’ed e tin yad ba’adag.