Roma 1:22 - Bible Ni Thothup

²² Be lungrad e yad ba gonop, machane ri yad bbalyang;

Roma 1:22 Referans Kwoze

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Proverbs 26:12

Re balyang ni th’abi pinat e kabfel’ boch ngak e pi’in yad ma leamnag ni bay e gonop rorad ma dariy.

Proverbs 25:14

Girdi’ ni micheg bogi ban’en ni bay ra pi’ed me taw ngay ma dab ra pi’ed e yad bod yungi manileng nge nifeng nder pi’ e n’uw.

Jeremiah 10:14

Ra m’ug e ran’ey, ma ra man lanyan’ e girdi’ ni dakrir nanged e n’en ni ngar rin’ed; pi’in nma ngongliy e liyos e ka ra aliliy gad, ni bochan e fapi got ni yad be ngongliy e go’ bogi ban’en ndariy e yafos rorad.

Matthew 6:23

machane fa’anra ba tagan lan owchem, ma aram e dowam ni palo’ e basug ko lumor. Ere fa’anra tamilang u fithik’ i dowam e lumor, me’ere rib ga’ e lumor riy!

Isaiah 47:10

“I pagan’um ngom u fithik’ e kireb rom; um leamnag ni dariy be’ nrayag ni nge guyem. Gonop rom nge fanam llowan’ e ke waliyem nga wuru’ e wo’, mag ga’ar u wun’um, ‘I gag Got — dariy be’ ni bodeg.’

Isaiah 44:20

Bod feni balyang be’ ni be kay e awat. Leam rok ni leam ko balyang e ke fek nga wuru’ e wo’ ndabkiyag ni yira ayuweg. Der pat ngan’ ni re liyos nem nike kol nga pa’ e gathi ba got.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”