Roma 1:11 - Bible Ni Thothup

¹¹ Ri gub adag ni nggub gguymed nggu pi’ e thin rok Got ngomed nge gelnagmed.

Roma 1:11 Referans Kwoze

2 Peter 1:12

Ireray fan ni gubin ngiyal’ ni bay ug puguran ngomed e pin’ey, ni yugu aram rogon ni kam nanged ma kam pired ni gimed bmuduwgil u fithik’ e tin ni ir e ba riyul’ ni kam nanged.

Roma 16:25

Ngad pininged e sorok ngak Got! Ya ir e rayag rok ni nge taymed ni gimed bmuduwgil u fithik’ e michan’ romed ngak, ni bod rogon ni be yog e fare Thin Ni Bfel’ ni gu be machibnag, ni murung’agen Jesus Kristus, ma bod rogon nike dag e tin nib riyul’ ni i par nib mith nike kakrom i kakrom.

2 Thessalonika 3:3

Machane Somol e ba yul’yul’, ma bayi gel nagmed me ayuwegmed rok Fa’anem nib Kireb ni dabi buch ban’en romed.

Roma 15:29

Ra gub ngomed ma gu manang nra gub nib sug e tow’ath rok Jesus Kristus rog.

1 Peter 5:12

Kug yoloy e re gi babyor ney nib ngoch ngomed ni Silvanus e ke ayuwegneg riy, ni kug tay ni ir reb i walagdad nrib yul’yul’. Gub adag ni nggu pi’ e athamgil nga lanin’med, mu gu weliy ngomed kanawo’en nma ayuwegdad Got. Ere mpired u fithik’ e re ayuw ney ni gimed bmuduwgil.

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

2 Thessalonika 2:17

me ir e nge suguy lanin’med ko athamgil me gel nagmed ngu’um rin’ed ma gimed be yog urngin e tin ni bfel’.

Acts 19:6

Me tay Paul pa’ nga dakenrad, me yib fare Kan Nthothup ngorad; miyad welthin ni thin nu bang ma ku yad weliy e thin rok Got.

Acts 16:5

Ma aram mi i gel i yan e michan’ rok girdi’en e galesiya ma yad be yo’or i yan ni gubin e rran.

2 Kronicles 20:20

Me yan i kakadbul riy me yan fapi girdi’ nga daken e ted u charen yu Tekoa. Nap’an ni aram e kar tababgad ko yan ma ba’aray e pi thin ni yog Jehoshafat ngorad: “Gimed e girdi’ nu Judah ngu Jerusalem! Mu ted e pagan’ romed nga daken SOMOL ni Got romed, ma aram e rayag ni ngam gelgad. Nge mich u wun’med e n’en keyog e pi profet rok, ma aram e gimed ra gel.”

1 Thessalonika 3:13

Fa’anra um pired ni aray rogomed mra pi’ Got gelingmed, ngam machalboggad mi gimed thothup u p’eowchen e Got rodad nge Chitamngidad ko ngiyal’ nra sul e Somol rodad i Jesus riy nike un urngin e girdi’ rok ngak.

1 Thessalonika 3:2

ma gamad l’oeg Timothy ni walagdad ni girdi’en Kristus ni be un ngomad i muruwliy e maruwel rok Got, ni aram e gamad be machibnag fare Thin Ni Bfel’ ni murung’agen Kristus. Gu l’oeged ni nge pi’ e athamgil nga lanin’med me gelnag e michan’ romed ngak Kristus,

Filippi 4:1

Pi walageg ni girdi’en Kristus, ri gimed ba t’uf rog, ma kug tawreng nagmed, ma kam felfelan’ niged gag, ma kari felan’ug ngomed! Pi walageg ni girdi’en Kristus ni gimed ba t’uf rog, ireray rogon ni ngam pired ni gimed bmuduwgil ko ngongol romed u fithik’ Somol.

Filippi 2:26

Be finey ni manga yigi guymed ni gimed gubin, ma kari kireban’ ni bochan e kam rung’aged nib m’ar.

Filippi 1:8

I Got e manang ni gu be yog e tin riyul’ ni fa’anra lungug e ri gimed urngin ni gimed ba t’uf rog ni ta’reb rogon ngarogon ni gimed ba t’uf rok Kristus.

2 Korinth 9:14

Ma aram e bay ra pi’ed e meybil romed ngak Got ni bochan e kari mu t’ufgad rorad ma bochan e ayuw nike pi’ Got ngomed nike pag rogon.

2 Korinth 1:21

Ya Got e ke ngongliymad nge gimed kad muduwgilgad ko wok rodad u fithik’ Kristus; i Got e ir e ke faldad ngabang,

Roma 15:32

Ere fa’anra mm’ag u wan’ Got ma bay gub ngomed ni kar gu felfelan’, mu gu felfelan’ ni kad mada’gad bayay.

Roma 15:23

Machane chiney ni kug mu’ ko maruwel u lan e yungi nug ney, ma ke yo’or e duw ni ugum’ ni bochan ni nggub gguymed

Acts 19:21

Ma tomuren nike m’ug e tiney, me turguy Paul u wan’ ni nge yan u lan yu Macedonia nge yu Greece me yan u rom nga Jerusalem. Me ga’ar, “Ra gu taw ngaram ma ku errogon ni thingar ku gguy yu Roma.”

2 Samuel 13:39

machane nap’an ni m’ay e kireban’ rok ko yam’ nni tay Amnon, ma ke tawrengnag fare mo’on ni fak i Absalom.

Hebrews 13:9

Ere dab mpaged e pi machib nib thil ko biney nge fekmed nga wuru’ e wo’. Ya bfel’ ni gelngin lanin’dad ni nge gel e ngi i yib rok Got ngodad nib tow’ath, ma gathi bochan e gadad be fol u bogi motochiyel ni murung’agen e ggan; ya pi’in ni ur folgad ko pi motochiyel ney e de fel’ rogorad riy.

2 Korinth 11:4

Ya mm’agan’med ngay ni gimed ra k’adan’med rok be’ nike yib ngomed ni nge yib i machibnag ngomed yugu reb e Jesus, ni gathi bin ni gamad be machibnag murung’agen; mi gimed fol rok reb e kan nge yugu reb e machib nrib thil ko fare Kan Nthothup nge Thin Ni Bfel’ ni yib rok Got nike yag ngomed romad!

2 Samuel 23:15

Ma ke tawrengnag David tafen me ga’ar, “Ri gu be athpeg ni mang e yigi fek be’ bu uw i ran ni yima unum i yib ngog ko fare luwed ni bay u charen e garog nu Bethlehem!”

Genesis 31:30

Kug nang ni kam chuw ni bochan e karmum’ ni bochan ni ngam sul nga tafnam, ma mangfan ni kam iring e pi liyos ni thothupen e tabnaw rog?”

Roma 1:12

N’en ni gu be leamnag e ra fel’ rogomed riy, ma errogon gag nra fel’ rogog riy ni ba’aray rogon: ra fel’ rogomed ko michan’ rog mra fel’ rogog ko michan’ romed.

2 Korinth 1:15

Rib mich u wun’ug e re bugithin ney, aram fan ni gu leamnag ko som’on ni ngug guymed ni fan e nge gaman l’agruw yay ni gu ayuwegmed.