Revelation 9:20 - Bible Ni Thothup

²⁰ Ma tin ni magey e girdi’, ni pi’in ndar m’ad ko pi gafgow ney e dar paged fapi n’en ni ur ngongliyed. Ma dar paged e meybil ni yad ma tay ngak e mo’onyan’ ma ku yad ma tay ko liyos nni ngongliy ko gol, nge silber, nge wasey nib row, nge malang, nge ren, ni bogi n’en ndabiyag ni nge guy ban’en, ara rung’ag ban’en, ara yan.

Revelation 9:20 Referans Kwoze

Daniel 5:23

Kam ngongol nib togopluw ngak Somol nu tharmiy, ya kam fek i yib nga tebel rom fapi kap nge fa yochi dabiy nib gol u Tempel rok. Me gur, nge pi tolang ni bay nga tan pa’am, nge pi leengim, nge pi ppin rom e mu unumed e wayin riy mu um pininged e sorok ngak e pi liyos ni got romed nni ngongliy ko gol, nge silber, nge wasey ni bronze, nge yug wasey, nge ren, nge malang, ni bogi got ndarir guyed ban’en ma darir rung’aged ban’en ma dariy ban’en ni yad manang. Ma da mu tay fan fare Got ni ir e bay e pogofan rom u pa’ nge gin ngam sor ngay.

Deuteronomy 31:29

Gu manang ni bay gum’ ma bay i gel e kireb romed ngam n’iged e pin’en ni kug fil ngomed. Ma bayi taw nga bangiyal’ ni bay mmachda’ niged e riya’, ni bochan e ka mu k’arnged e damumuw ngak SOMOL ya ka mu ngongliyed e tin ni yog ndab mu rin’ed.”

Revelation 9:21

Ma ku de kolngan’ e pi girdi’ nem ngar pi’ed keru’rad ko cham ni yad be tay ni yad be thang e pogofan, nge pig ni yad be tay, nge ngongolen e darngal, nge moro’ro’ ni yad be ngongliy.

1 Timothy 4:1

Keyog fare Kan Nthothup nib tamilang ni boch e girdi’ e bay ra n’iged e michan’ rorad ngak Kristus ko tin tomuren e rran; miyad fol ko pi kan ni yad ma lifith l’ugunrad, ni aram e kar folgad ko machib rok e pi mo’onyan’.

Acts 19:26

Kam guyed ma kam rung’aged e n’en ni be rin’ facha’ i Paul. Be weliy ni liyos nike ngongliy e girdi’ karogned e got ngay e gathi bogi got e pin’em, ma ke yo’or e girdi’ nike riyul’ u wan’ e tin ke yog, ni girdi’ nu roy u Efesus nge gonap’an e urngin e girdi’ ni bay u lan e nug nu Asia.

Acts 7:41

Ma aram miyad ngongliy ba liyos ni bod ya’an ba pifak e garbaw, miyad li’ e gamanman ngar pi’ed ni maligach ngay, miyad tay ba mur ni fan ko fare liyos ni yad e kar ngongliyed.

Jeremiah 1:16

Ara’ rogon ni bay gu gechignag e pi’in kar denengad, ni pi’in kar pi’ed keru’rad ngog ma yad be urfiy e incense ni yad be tay fan yugu boch e got, ma yad be meybil ngak e pi liyos ni kar ngongliyed.

2 Korinth 12:21

Gu be rusnag ni yanem ni gu ra yib e ra tamra’nigeg e Got rog ni bochmed, ma bo’or i gimed e bay gu yornag ni bochan e kar denengad ma dawor ra kolgad ngan’rad ngar pi’ed keru’rad ko kireb ni yad be rin’, nge ngongolen e darngal nge tin kireb ni yad be ar’arnag ma yad be ngongliy.

Jeremiah 51:17

Ka ya’an e ren’ey, me minan’nag e girdi’ nge math lanin’rad; pi’in yad ma ngongliy e liyos e gafgow lanin’rad ni bochan e pi got ni yad be ngongliy e de riyul’ ma dariy e yafos rorad.

Acts 17:29

Ere fa’anra gadad pifak, ma dab da tafinay niged ni Got e bod e liyos ni kan ngongliy ko gol ara silber ara malang, ni bod rogon nike leamnag e pi’in yad ba salap i ngongliy ban’en kar ngongliyed.

Matthew 21:32

Ya John ni i tawfe e yib ngomed ngi i dag ngomed e kanawo’ nib mat’aw ni ngam marod riy, machane de mich u wun’med e thin rok; machane pi’in ntamukun tax nge pi’in ni ppin ni yad ma chuway’ ngorad e mich u wun’rad e thin rok, ni mus ko ngiyal’ ni ba’aram ni mu guyed yad nike mich u wun’rad ma ku da mpiliyeged lanin’med nga tomuren nge mich u wun’med e thin rok.”

Jeremiah 44:8

Mangfan ni gimed be k’aring e damumuw ngog ko tayfan ni gimed be tay ko pi liyos nge maligach ngak yug boch e got u roy u lan yu Egypt, ni aram e gin ni kambad mu pired ngay? Ri gimed be rin’ e ran’ey ni bochan e ngam kireb niged gimed, nge gubin e nam nu roy u fayleng mi i moning nagmed me par fithinganmed nike mang ba yaba’?

Jeremiah 25:6

Rogned ngomed ndab kumted fan yug boch e got nge dab kum k’arnged e damumuw ngak SOMOL ya gimed be tay fan bogi liyos ni gimed e mu ngongliyed. Ma fa’ara um tedfan SOMOL, ma aram e dabi gechig nagmed.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Psalms 106:37

Ra pi’ed pifakrad ni pagel nge ppin ni maligach ngak e pi liyos nu Kanaan.

2 Kronicles 34:25

Kar n’aged gag ma ka ra pi’ed e maligach ngak yug boch e got, ere ka ra k’aringed e damumuw ngog nga urngin e tin kar rin’ed. Dabki paslag e damumuw rog nike puw ngak yu Jerusalem.

2 Kings 22:17

Ya kar pi’ed keru’rad ngog yad be pi’ e maligach ngak yugu boch e got, ere kar k’aringed e damumuw ngog ko urngin e tin yad be rin’ nib kireb. Damumuw nike yib ngog nib togopluw ngak yu Jerusalem e bod ba nifiy ni be daramram nib gel ni dabiyag ni ngan thang.

Deuteronomy 32:17

Ma yad be pi’ e maligach ngak pi got ni go’ bogi ban’en, bogi got nda i meybil yu Israel ngorad, ma da i fol piyu Israel rorad.

Revelation 16:8

Me pu’og fa bin aningeg e engel e ba’ rok e plet nga daken e yal’ ni kan tay ni nge urfiy e girdi’ nga gowelngin.

Isaiah 41:7

Pi salap ko dimow naun e be ga’ar ngak e en nma maruwel ko gol, ‘Bfel’ e maruwel ni ka mu ngongliy!’ En ma ayiliy e gol nga downgin e liyos e be pi’ e athamgil nga laniyan’ e en ni be richibiy nga ta’bang. Be ga’ar be’, ‘Bfel’ rogon ni kan puthuy’. Miyad richibiy fare liyos nge par nike muduwgil.

Isaiah 2:8

Lan binaw rorad e ke sugnag e liyos, ni yad ma tayfan ma yad be siro’ nga bogi ban’en ni yad e kar ngongliyed nga pa’rad.

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Levitikus 17:7

Fapi girdi’ nu Israel e thingar yul’yul’gad ngak SOMOL ya nga dab kur li’ed e gamanman u lan e yung i tafelfel’ ni nge mang maligach ko fare kaming ni mo’oniyan’. Girdi’ nu Israel e thingar ra folgad pi gafal ney e chiney i yan ngaram.

Deuteronomy 4:28

Ni aram e yungi n’en ni bay um pigpiggad ko pi got ni girdi’ e ngongliy nga pa’, ni bogi got nni ngongliy ko ren fa malang, ndabiyag ni nge guy fa rung’ag fa kay ban’en ara faray bon ban’en.

Daniel 5:4

Ra unumed e wayin miyad pining e sorok ko pi liyos ni aram e got rorad nni ngongliy ko gol, nge silber, nge bronze, nge yug wasey, nge ren, nge malang.

Mikah 5:13

Bay gu kirebnag e pi liyos nge pi malang ni kam ubung ngalang. Ma aram e dab kum meybil ko pin’en ni gur e mu ngongliy nga pa’am.

Revelation 9:19

Ya gelngin fapi os e bay u lan l’ugunrad, ma ku bay u p’ebuk’rad. Ma p’ebuk’rad e bod e porchoyog, ni bay lolugen ni ir e yad be maruwel ngay ngar amithniged e girdi’ ngay.

Revelation 15:1

Ma aram mu gguy yugu reb e pow u tharmiy ni ba ga’ ni gu gin ngay, ni medlip i engel ni bay medlip i gafgow rorad. Ireray e tin tomur e gafgow, ya yad e tomur ni ngar daged e damumuw rok Got.