Revelation 7:16 - Bible Ni Thothup

¹⁶ Gathi bay ki yib e bilig ara belel ngorad bi’id; ma dab kur m’ad nga gowelngin e yal’ ara gowelngin ban’en;

Revelation 7:16 Referans Kwoze

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

Revelation 21:4

Ma bayi n’ag urngin e lu’ u owcherad. Ma aram e dab ku unim’, ma dabki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”

Matthew 5:6

“Nge felan’ e pi’in karm’ad ngan’rad ni tin ba m’agan’ Got ngay nib mat’aw e nge rin’ e girdi’, ya Got e ra chum’er nagrad ko tin urfineyed!

Psalms 121:6

Yal’ e dabi amith nigem ni rran, ma ku er i tay e pul nnep’.

Luke 6:21

“Ngam felan’gad e pi’in gimed be yim’ ko bilig e chiney; ya bay mu fosgad! “Ngam felan’gad e pi’in gimed be yor e chiney, ya bay um minmingad!

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Isaiah 65:13

Ma ere nggog ngomed ni pi’in ma meybil ngog mma fol rog e ra yo’or garad nge n’en ni ngu’ur garbodgad ngay, machane gimed e bay um m’ad ko bilig nge balel. Bay ur felfelan’gad, machane gimed e bayi m’ay famed.

Matthew 13:6

Nap’an ni yib e yal’ ngalang me mororoynag e pi woldug nem ni ka fini tugul, ma de n’uw nap’an me l’ud ya dawori to’ar lik’ngin e pi woldug nem nga fithik’ e but’.

Tang Ko Pitang 1:6

Dab mu lik’ath ngog ni bochan rama’eg, ya yal’ e ke butbut’ nigeg. Pi pumo’on ni walageg e ra damumuwgad ngog ra tedgag ko maruwel u milay’. Ni dakriy e ngiyal’ ni nggu aywegneg.

Psalms 42:2

Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

James 1:11

Ma fa’ani tolang e yal’ me yib gowelngin nib gel me mororey fare ke floras; me mul e floras riy, ma ya’an ni immoy ni bfel’ e ke kireb. Ere ku ireray rogon e cha’ ni pire’ ban’en rok ni bayi yim’ ko ngiyal’ ni ka be muruwliy e tirok’ riy.

Mark 4:17

Machane ri de rich nga fithik’ i lanin’rad, ma aram e de par fapi thin rok Got u lanin’rad nib n’uw nap’an. Ma fa’ani yib e gafgow fa togopluw ni bochan e re thin rok Got nem, mra paged yad ni ka chingiyal’ nem.

Mark 4:6

Ma nap’an ni tolang e yal’ me li’ fapi woldug ni ka fini tugul, ni bochan e de yan lik’ngirad nib to’ar nga fithik’ e but’, ma aram ma de n’uw nap’an me mororoy.

Matthew 13:21

Machane ri de rich nga fithik’ i lanin’rad, ma aram me de par e thin rok Got u lanin’rad nib n’uw nap’an. Ma fa’ani yib e gafgow fa togopluw ni bochan e re thin rok Got nem, mra paged yad ni ka chingiyal’ nem.

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Psalms 143:6

Gu be meybil ngom ni kug tining pa’ag ngalang; lanin’ug e ke balel ni be fineyem ni bod e but’ nike mlik’.

Psalms 63:1

A Got, i gur e Got rog, ku gum’ ni bocham. Polo’ i gag ni be yim’ ni bocham; ni bod rogon e belel nma yib, ni bod bangi binaw nike mlik, nike finey e ran.

Psalms 121:5

I SOMOL e bay i matanagiyem; bay u to’obem ni nge ayuwegnem