Revelation 6:9 - Bible Ni Thothup

⁹ Me th’ab fare Fak e Saf fa bin lal e hang. Mu gguy u tan fare altar e pi’in nli’rad ngarm’ad ni bochan e ur weliyed e thin rok Got ko girdi’ i yan, nri yad ba yul’yul’ ko maruwel ni ur ted ni ur weliyed murung’agen Got ko girdi’.

Revelation 6:9 Referans Kwoze

Revelation 20:4

Ma aram mu gguy tagil’iy nge pi’in ni kar pired nga daken ni ka ni pi’ mat’awrad ni ngar pufthingad. Ma ku gguy e pi’in nli’rad ngarm’ad ni bochan e ur weliyed fapi thin nib riyul’ ni yib i yog Jesus ngan nang nge fare thin rok Got. Ma dar ted fan ma dar meybilgad ngak fare gamanman ara nga ya’an nni ngongliy ni liyos, fa reb e ntay e pow ko fare gamanman nga daken peri’rad ara rifrif u pa’rad. Ra fosgad mu ur pired rok Kristus ni kar manged pilung ma yad be gagiyeg ni reb e biyu’ e duw.

John 16:2

Bay rogned ndab kum uned ko mu’ulung u tafen e mu’ulung rorad. Ma bayi taw nga ba ngiyal’ ni en nra thang e fan romed e bayi finey nra rin’ ni aram rogon ma aram e be pigpig ngak Got.

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.

Revelation 2:13

Gu manang e gin ni ga ma par riy, ga be par ko fa gin ni bay tagil’ Satan riy. Gab yul’yul’ ngog, ma da mu n’ag e michan’ rom ngog ni mus ko fa ngiyal’nem ni Antipas, ni be’ nib yul’yul’ ngog ni i weliy murung’ageg ko girdi’ e nli’ ngem’ u wur ko gin ni be par Satan riy.

2 Timothy 1:8

Ere dab mu tamra’ ni ngu’um weliy murung’agen e Somol rodad; fa reb e mu tamra’ ngog, ni kug kalbus ni bochan. Machane mu’un ko gafgow ni fan ko fare Thin Ni Bfel’, nrogon gelngim ni bay i pi’ Got ngom.

Revelation 16:7

Mu gu rung’ag ba lam ni yib u altar ni be ga’ar, “Somol ni Got, ni Gubin ma Rayag Rok! Rib riyul’ ma rib mat’aw e gechig ni kam pi’!”

Revelation 14:18

Miki yib yugu reb e engel u altar, ni ir e bmil fan fare nifiy ngak. Me non ni ba ga’ laman ngak fare engel ni bay fare gi kama nib m’uth u pa’ ni ga’ar, “Kama rom e ngam t’ar wom’ngin e woldug ngay ni grape nu fayleng, ya wom’ngin ni grape e ke lol!”

Revelation 1:2

Ere John e ke weliy urngin e tin ni guy ban’en. Ba’aray e tin keyog ni murung’agen e re thin ni ba’aram ni pi’ Got ngeb ngak nge n’en nib riyul’ ni dag Jesus Kristus ngak.

Filippi 1:23

Ya kug me’echthal u thilin, ya ri gub adag ni nggu chuw ko biney e tamilang nggu wan ngak Kristus, ni ir e ri kab gel e fel’ riy;

2 Korinth 5:8

Ere rib pagan’dad, ma kabfel’ u wun’dad ni gadad ra pag tafedad ni re dowef rodad ney ngdarod da pired ngak Somol nga naun rodad.

Levitikus 4:7

Ma aram me tay boch fapi racha’ ko pi gagey ni bay ko tabthung ko fare altar ko incense u lan fare Tent. Me pu’og e tin ke aw ko fapi racha’ nga enggin fare altar ni yima urfiy e maligach riy, ni bay nga langan e mab ko fare Tent.

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 8:3

Me yib reb e engel i sak’iy nga altar, ni bay baraba’ i ban’en u pa’ nib gol ni yima tay bogi n’en ni bfel’ bon ngay ngan urfiy. Ni bo’or fa pin’en ni bfel’ bon ni yima urfiy ni kan pi’ ngak ni nge puthuy ko meybil ni i pi’ urngin e girdi’ rok Got me pi’ u daken fare altar ni bay u m’on u tagil’ Got.

2 Timothy 4:6

Me gag e ke taw ko ngiyal’ ni nge thay e pogofan rog riy ni bochan Kristus; ke taw nga nap’an ni nggu chuw ko biney e tamilang.

Revelation 9:13

Me thoy fa bin nel’ e engel e rappa rok. Mu gu rung’ag ba lam nike yib ko fapi tabthung ko fare altar ni gol ni bay u p’eowchen Got.

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

Genesis 4:10

Me ga’ar SOMOL, “Mang ni kam ngongliy e binir e pa’ ni rib gel e kireb riy? Racha’en walagem e be tolul ngog u fithik’ e but’, ni bod ba lam ni be pong ni ngan fulweg taban e kireb ni kan rin’ ngak.

Exodus 29:12

Mag fek boch u racha’en fare garbaw nga bugulipa’am ngam tay ko fa aningeg i gagey ko fare altar. Ma tin ke magay riy mag pu’og nga enggin fare altar.

Hebrews 12:23

Kambad ko fare mu’ulung ni yibe felfelan’ riy, ni mu’ulung rok e tin ni nganni’ u pifak Got, ni kan yoloy fithingrad u tharmiy. Kambad ngak Got, ni ir e tapufthin rok e girdi’ ni urngin, nge pi’in yad bmat’aw ni kan ngong liyrad kar fel’gad ni yad bay u tharmiy.