Revelation 6:11 - Bible Ni Thothup

¹¹ Ra bagayad min pi’ reb e mad nib wechwech ngak; minog ngorad ni nga yigu ra son gad nge yan i mada’ urngirad ko re matha’eg ni kan finey, ni pi’in ni ka yad be pigpig ngak Got ni ku boch i walagrad ni bay fin nli’rad ngarm’ad ni bod yad e bay ra gamneged e re matha’eg nem.

Revelation 6:11 Referans Kwoze

Revelation 7:9

Ma fa’ani mu’ e biney mu gu sap, mu gguy e girdi’ nike mu’ulung ni pire’ ni pire’ — ndariy be’ nrayag ni nge theegrad! Nra bad u gubin e nam, nge ganong, nge gubin mit e girdi’, ngu gubin e thin, ni kar sak’iygad u p’eowchen tagil’ Got nge fare Fak e Saf, ni karon’ed e mad nib wechwech ni bay yuwan e fal’tir u pa’rad.

Revelation 14:13

Mu gu rung’ag ba lam nike yib u tharmiy ni be ga’ar, “Mu yoloy e bin ba’aray: Ra felfelan’ e pi yam’ ni bay ur m’ad e chiney i yan ngaram nib mich Kristus u wun’rad!” Me fulweg fare Kan Nthothup ni ga’ar, “Ri errogon. Ya yad ra felfelan’ ko matal nra yib ngorad ko maruwel nib gel nra ted; ya bay ra feked wenegan e pigpig ni ur ted ngak Somol nge un ngorad.”

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

Hebrews 11:40

ya bay e tin ni kabfel’ ban’en ni kem’ay i leamnag rok Got ni fan ngodad, ni ngad cheaggad ngorad nge fel’ rogodad riy.

John 16:2

Bay rogned ndab kum uned ko mu’ulung u tafen e mu’ulung rorad. Ma bayi taw nga ba ngiyal’ ni en nra thang e fan romed e bayi finey nra rin’ ni aram rogon ma aram e be pigpig ngak Got.

Daniel 12:13

“Me gur, Daniel, e ngu’um par nib michan’um ma gab yul’yul’ nge mada’ ko tomur. Ma aram e bay mum’, machane bayi taw ko tungun ma ga fos ko yam’ mi ni pi’ puluwom ngom.

Revelation 17:6

Mu gguy fare pin nike chingnag nga racha’en pi girdi’en Got, nge racha’en e pi’in nli’rad ngarm’ad ni bochan e ur pired ni yad ba yul’yul’ ngak Jesus. Ma fa’an gguy e re pin nem me ri gu gin ngak.

Revelation 13:15

Ma fa bin migid e gamanman e ni pag ni nge pag athon l’ugun ni bay e yafos riy nga fithik’ fare liyos ni kan ngongliy ni ya’an fa bin som’on e gamanman, me yog ni nge non fare liyos ma rayag ni nge gagiyeg ngan li’ ngem’ urngin e pi’in ndab ra ted fan ma dab ra meybilgad ngak.

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.

Luke 15:22

Machane me kunuy e chitamngin e pi tapigpig rok nge ga’ar ngorad, ‘Mu gurgad ngam feked i yib e bin th’abi fel’ e mad nga mon’ed nga daken. Mi gimed tay reb e luwew nga bugul i pa’ mi gimed yin’ e sus nga ay.

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

2 Thessalonika 1:7

ma bayi chuweg e gafgow romed e pi’in gimed be gafgow ngam pogofan gad, ma ku errogon ni bayi rin’ ngomed. Ra rin’ e ren’ey ko ngiyal’ nra m’ug Somol Jesus u lanelang nike yib u tharmiy ni yad e pi engel rok nib yargel,

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.

Hebrews 4:10

Ya en nra yan nge un ngak Got ko toffan e ra toffan ko maruwel rok, ni bod rogon Got ni toffan ko maruwel rok.

Hebrews 12:23

Kambad ko fare mu’ulung ni yibe felfelan’ riy, ni mu’ulung rok e tin ni nganni’ u pifak Got, ni kan yoloy fithingrad u tharmiy. Kambad ngak Got, ni ir e tapufthin rok e girdi’ ni urngin, nge pi’in yad bmat’aw ni kan ngong liyrad kar fel’gad ni yad bay u tharmiy.

Revelation 10:6

me micheg bbugithin nga fithingan Got nma par nib fos ndariy n’umngin nap’an, ni ir e sunumiy e tharmiy nge urngin ban’en ni bay riy, nge fayleng nge urngin ban’en ni bay riy, nge day nge urngin ban’en ni bay u fithik’. Me ga’ar fare engel, “Dab kun sowath!