Revelation 5:5 - Bible Ni Thothup

⁵ Me ga’ar bagayad fa pi’in pi’ilal ngog, “Dakumur yor. A mu changar! Fare Layon ni yib ko ganong rok Judah, ni fa’anem ni ba sorok ni ir owchen David e ke gel ngak e kireb nrayag ni nge guchthuy fa medlip i hang nge pithig fare gi babyor ni kan bachiy.”

Revelation 5:5 Referans Kwoze

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Revelation 22:16

“I gag Jesus e kug l’oeg e engel rog ke yib ni nge weliy e pin’ey ngomed e pi’in ni gimed girdi’en e pi galesiya. I gag fa’anem ni owchen e tabinaw rok David; mi gag fare fasuran ni ba ga’ ram’en.”

Hebrews 7:14

Rib tamilangan’uy riy nni gargeleg ni ir reb i girdi’en fare ganong rok Judah; mi Moses e de weliy murung’agen e re ganong ney ko fa ngiyal’ ni weliy murung’agen e pi prist riy.

Roma 15:12

Miki ga’ar Isaiah, “Be’ ni owchen Jesse e bay yib; ma bayi sak’iy nge mang ir e i gagiyegnag e pi’in gathi yad piyu Israel, ma bayi mang ir e l’agan’rad ngak.”

Roma 1:3

Re thin nem e murung’agen Fak, ni aram e Somol rodad i Jesus Kristus; ma rogon ni ngal’ nib girdi’, e ni gargelnag ko ganong rok David;

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Revelation 6:1

Mu gguy fare Fak e Saf nike th’ab fa bin som’on e hang ko fa medlip i hang, mu gu rung’ag bagayad fa aningeg i n’em ni yad ba fos ni non ni bod mam’ungun lingan e dirra’ ni ga’ar, “Moy!”

Revelation 4:4

Ma bay rliw’ nge aningeg i tagil’iy nib liyeg tagil’ fa’anem, nike par rliw’ nge aningeg e pi’in pi’ilal nga daken ni kron’ed e mad nib wechwech, ma kar te’eliyawgad ko te’eliyaw ni gol.

Jeremiah 31:16

Mu talgad ko meyor, ngam n’iged e lu’ u owchemed. Urngin e tin ka mu ngongliyed ni fan ngak pifakmed e dabiyag ni nge yan ndab ni fulweg labgen; bay ra sulod ngar chuwgad ko nam rok e pi to’ogor.

Revelation 7:13

Me fitheg bagayad fa pi’in pi’ilal ni ga’ar, “Mini’ e pi girdi’ nem ni karon’ed e mad nib wechwech, mu uw e karbad riy?”

Revelation 4:10

me paraw fa rliw’ nge aningeg i pi’ilal nga but’ u p’eowchen fa’anem nike par nga tagil’, ngar siro’gad ngak ni ir e bay i par nib fos ndariy n’umngin nap’an. Ma yad be tay e te’eliyaw rorad nga but’ u m’on u tagil’ fa’anem, ma be lungurad:

Revelation 1:1

U lan e re ke babyor ney e kan yoloy fa pin’em ngay ni fini dag Jesus Kristus nga ni guy. Pin’ey e pi’ Got ngak John ni nge dag ngak e pi tapigpig rok Got e n’en nthingari m’ug ndab ki n’uw nap’an. Kristus e l’oeg e engel rok nge yan i dag me weliy e pin’ey ngak John, ni ir e tapigpig rok Kristus.

John 20:13

Miyow fith ngak ni lungurow, “Bpin, mang ni ga be yor?” Me fulweg ngorow ni ga’ar, “Kar feked e Somol rog ngabang nda gu nang e gin ni kranod ra ted ngay!”

Luke 7:13

Ma fa’ani guy Somol e re pin nem, me taganan’ ngak me ga’ar ngak fare pin, “Dakumur yor.”

Numbers 24:9

Yu Israel e bod ba layon nib gel; ra be mol ma dariy be’ nra ga’aran’ ni nge pug. En nra fal’eg wa’athan yu Israel e ra fel’ wa’athan, ma en nra bucheg wa’athan yu Israel e ra buch wa’athan.”

Luke 23:28

Me changar Jesus ngorad nga tomur me ga’ar ngorad, “Ppin nu Jerusalem! Dab mu yor niged gag, ya ngam yor niged gimed nge pifakmed.

Luke 8:52

Ma girdi’ ni yad bay u rom e yad gubin ni yad be yor ma yad be dololoy’nag fachi pin. Me ga’ar Jesus, “Dakumur yorgad; ya cha’nir e dawori aw e fan rok, ya be mol!”

Daniel 7:16

Mu gu wan ngak bagayad fa pi’nem ni yad ba sak’iy u rom mu gu wenig ngak ni nge weliy fan ngog ni gubin. Ma aram me weliy fan ngog.

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Revelation 5:4

Mu gu yor nib gel, ya dariy be’ ni kan pir’eg ni bay rogon ni nge pithig fare gi babyor ni kan bachiy, ara sap ngalan.

2 Kronicles 9:18

Nel’ e tawo’ ni yan ngalang ko fare chiya ko pilung, ma kan tay tagil’ rifrifen ay riy nib peth ngay ni kan ing ko gol. Bay tagil’ i pa’ay u barba’ ngu barba’ fare chiya, ma ra barba’ fare chiya ma bay ba ya’an e gamanman ni layon riy nib sak’iy.

BABYOR NI JOB 41:15

Ma olyen keru’ e rib gel, nib peth ma ba el ni bod feni el e malang.