Revelation 3:19 - Bible Ni Thothup

¹⁹ Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.

Revelation 3:19 Referans Kwoze

1 Korinth 11:32

Machane be gechig nagdad Somol ni fan e nge dabi unegdad ngak e girdi’ nu fayleng nge gechig nagdad.

Revelation 2:5

Mu leamnag n’umngin yang e gin ni kam mul riy! Mpi’ keru’um ko denen ni ga be rin’ ngam rin’ e n’en ni um rin’ ko som’on. Fa’anra dab mpi’ keru’um ko denen ni ga be rin’ ma bay gub ngom nggu chuweg fare ley i tagil’ e magal rom u tagil’.

BABYOR NI JOB 5:17

Ba felan’ e en ni Got e be fonownag! Ra puwan’ ngom ma dab mu dabuy.

2 Korinth 7:11

Mu guyed e n’en ni rin’ Got ko re kireban’ romed nir: a mu guyed rogon e n’en nike rin’ ngomed kam tedan’med, nge rogon nri gimed ba’adag ni ngam daged e mich ri’ nda mu uned ko kireb! Nge rogon e puwan’ ni mu ted ni bochan e de rin’ be’ e tin nib mat’aw, nge rogon ni magafan’med, nge rogon e leam ni mu ted, nge fanmed yul’yul’, nge rogon ni mu fal’eged rogomed ni ngam gechigniged e en nike ngongliy e kireb! Ma kam daged nda mu uned ko re kireb nem.

Jeremiah 31:18

“Ku gu rung’ag laman e girdi’ nu Israel ni be lungurad u fithik’ e kireban’, ‘SOMOL, ug moyed ni gamad bod ba gamanman ni dawor i mangmor, machane ka mu fil rogon ngomad ni nggu folgad. Mu fulwegmad; ku gu fal’egged rogomad ni nggu sulod ngom, I gur SOMOL, ni gur e Got romad.

Jeremiah 10:24

SOMOL, mu t’ar e girdi’ rom, machane dab yugu mu almarin ngomad fa mu gechig nagmad u nap’an ni ga ba damumuw; ya ra math owchamad.

Jeremiah 7:28

Mu weliy ngorad ni girdi’ ko nam rorad e darir folgad rog i gag SOMOL ni Got rorad, ara fel’ u wun’rad ni ngan fonow nagrad. Yul’yul’ e ke yim’. Dakurir weliyed murung’agen e yul’yul’.”

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

Proverbs 22:15

Gubin e bitir ni yad bbalyang, ma yad ba wagagey, machane yira toyrad ni yibe llowan’ nagrad ni bfel’ rogon miyad ra fil riy rogon ni ngi i par pangirad ni bfel’.

Proverbs 15:32

Fa’an ga ra siyeg ni ngam fil ban’en ma gur e ga be gafgow nagem. Ma fa’anra m’ag u wun’um e fanow ni yibe tay ngom mra ga’ e gonop rom.

Psalms 69:9

Rogon feni pasigan’ug ni nggu tiyan’ug ko Tempel rom e be gak’ u lan ngorongoreg ni bod ba nifiy; thin ni kireb ni yibe yog ngom e be kun ngog.

Psalms 39:11

Ga ma gechig nagmad nib gel ni bochan e pi denen romad. Ga ma gathay e n’en nib t’uf romad ni bod e ngal. Rriyul’ ni girdi’ e bod ba wuchuth i nifeng!

Deuteronomy 8:5

Thingar mu nanged u lanin’med ni SOMOL ni Got romed e ma yal’uweg mma gechignag pifak nri bod e pi matam nge matin ni yad ma gechignag pifakrad.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Roma 12:11

Mmaruwelgad nib gel, ma dab um malmalgad. Mpigpiggad ngak Somol ni gimed ba pasig ngay u lanin’med.

Jeremiah 30:11

Bay gub ngomed nggu aywegmed. Bay gu thirif urngin e nam u but’ ko yung i n’en ni gu werweregmed riy, machane gimed e dab gu thang owchamed. Dab gu pagmed ngam thay gad ko gechig; machane gechig ni gu ra tay ngomed, e ba mat’aw rogon ni gu ra rin’. I Gag SOMOL e gu be non.”

Psalms 94:10

Ma puwan’ ko pi nam, ere dabi gechig nagrad? Ma ir e ma fil ban’en ko girdi’, ere dariy e llowan’ rok?

Psalms 6:1

SOMOL, dab mu puwan’ ngog ni ga ba damumuw, ma dab mu gechig nigeg u fithik’ e damumuw.

2 Samuel 7:14

Bay gu par ni gag e chitamngin, me par ni ir fakag. Ra ngongliy e kireb, mu gu gechignag ni bod ba matam ni gechignag be’ nib mo’on ni fak.

2 Korinth 6:9

ma gowa gamad e girdi’ nda nnang murung’agmad, machane gubin e girdi’ ni manangmad; ma gowa kug m’ad, machane gimed be guymad ni ka gamad ba fos. Kan gechig nagmad, machane dawor nthang e fan romad;

John 2:17

Me yib ngan’ pi gachalpen ni bay ko babyor nib thothup nike ga’ar, “Rogon ni gu be tiyan’ug ko naun rom, i gur Got, e be yik’ u fithik’ag ni bod ba nifiy.”

Proverbs 15:10

Fa’an ga ra rin’ e n’en nib kireb, ma yira gechig nagem nib gel; ga ra yim’ ni fa’anra dab mu pag ngan yal’oweggem.

Galatia 4:18

Mmanigil ni ngu’un leamnag e girdi’ nga ban’en ni bay gam’ingin ni bfel’ — re bugithin ney e gubin ngiyal’ nib riyul’, gathi kemus ni ngiyal’ ni gu bay romed.

Zefaniah 3:2

Der ma motoyil ngak SOMOL ara fel’ u wan’ e fnow. Der ma pagan’ ngak SOMOL ara ning e ayuw ngak.

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Matthew 25:7

Me od fa ragag i rugod ngar ngongliyed rogon e magal rorad.