Revelation 3:17 - Bible Ni Thothup

¹⁷ Ya ke lungum u lanin’um, “Ke yo’or ban’en rog nike fel’ rogog, ya urngin e tin nge yag ngog e ke yag ngog.” Machane da mu nang gelngin e gafgow ni kam tay nge rogon yaam ni kari mu gafgow! Ya kam gafgow, ma dakuriy e mad u dakenam, ma kam malmit.

Revelation 3:17 Referans Kwoze

Proverbs 13:7

Bay boch e girdi’ ni yad ma dake bpire’ ban’en rorad, machane dariy ban’en rorad. Ma boch e girdi’ e yad ma dake gafgow, machane pire’ ban’en rorad.

Hosea 12:8

Yad be ga’ar, ‘Kefel’ rogodad, bo’or bogi ban’en ni bfel’ nike yag ngodad. Ma dariy be’ nrayag ni nge yog ni kad fla’abgad u fithik’ e sasalap.’

Revelation 2:9

Gu manang e pin’en ni ga be gafgow riy; ma gu manang ni gab gafgow — machane bin riyul’ e rib fel’ rogom! Gu manang fapi n’en nib kireb ni kanog nib togopluw ngom ni be yog fa pi’inem ni be lungurad e yad piyu Israel, machane gathi aram rogon; ya yad ba ulung i girdi’ nib mil farad ngak Satan!

Roma 7:24

Ere kar gu gafgow! I mini’ e ra chuwegeg u pa’ e re dowef ney ni ir e be fekeg i yan ko yam’?

Luke 1:53

Ke pi’ e tin ni bfel’ ban’en ngak e pi’in yad be yim’ ko bilig, ma ke pag e pi’in pire’ ban’en rorad karanod ndariy ban’en u pa’rad.

Matthew 9:12

Me rung’ag Jesus e n’en ni yad be yog me fulweg ni ga’ar, “Pi’in yad ba gol e dariyfan e togta ngorad, ya kemus ni pi’in yad bm’ar e bay fan e togta ngorad.

Revelation 16:15

“Mmotoyil! Bay gub ni bod ba moro’ro’! Ra felfelan’ e en nike par ni be od ni be ayuweg e mad rok, ni bochan e nge dab i yan ndariy e mad u daken ngi i tamra’ u fithik’ e girdi’!”

Roma 12:3

Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.

Genesis 3:7

Ma nap’an ni yug ra mu’gow i kay, me tamilangan’row, miyow nang ni yow bay u tamilang; ma aram miyow yuy’ yuwan e fig ngar m’agew nga lukngurow.

2 Peter 1:9

Machane en ndariy e pin’ey rok e rib ngoch e changar rok ndabiyag ni nge guy ban’en, ma ke pag talin ni kireb ni i ngongliy kakrom e ka ni maluknag rok ke chuw.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Luke 6:24

“Ma kam gafgowgad e pi’in pire’ ban’en romed e chiney; ya kam mu’gad ko fel’ rogon!

Zekariah 11:5

Pi’in fak fapi saf e rli’ed fapi saf ma dan gechig nagrad; miyad pi’ e ufin riy nchuway’ me lungurad, ‘Ke sorok SOMOL! Ya kefel’ rogdad!’ Mus ko pi’in ntagafaliy fapi saf ma darir rungyed yad.” (

Exodus 32:35

Me pi’ SOMOL bmit e liliy nge yib ngak piyu Israel ni bochan e ra gel niged e thin ngak Aron nge ngongliy fare liyos ni bod ya’an ba pifak e garbaw nib gol.

Roma 11:25

Pi walageg, bay e tin riyul’ nib mith ni gub adag ni ngam nanged; ya ir e ra talegmed ndab ku um tafinay niged rogon fanmed llowan’, ni ba’aray ni ga’ar: gel laniyan’ rok e girdi’ nu Israel e dabi par, machane bay i par nge mada’ ko ngiyal’ nra yan i gaman e matha’eg rok e pi’in gathi yad piyu Israel ni ngarbad ngak Got.

Roma 11:20

Er rogon; nt’arrad ni bochan e de mich Jesus u wun’rad, mi gur e mpar u luwam ko re ke gek’iy nem ni bochan e mich Jesus u wun’um. Machane dab mu uf ngay; ya ngam tamdag.

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Isaiah 42:19

Gur bay be’ ngabang ni kab gel e ma’ew rok ngak e tapigpig rog, kab gel e baling rok ngak e en ni gu l’oeg nge yib i yog e thin rog?

Proverbs 30:9

Ya fa’anra yug ra yo’or ngog, mrayag ni gog ni dariy angim ngog. Ma fa’anra gu ba gafgow, ma rayag ni gu moro’ro’ nggu m’aynag fan e Got rog.

Revelation 3:16

Machane bochan e gab mathilin ni gathi ri gab gowel, ma ku da mu garbeb, ma aram e gu be n’en ni nggu thuwegem ngam chuw u lan l’ugunag!