Revelation 3:15 - Bible Ni Thothup

¹⁵ Gu manang e n’en kam rin’; gu manang nda mu garbeb ma da mu gowel. Gu be athpeg ni manga yugu mmang reb e gali n’ey!

Revelation 3:15 Referans Kwoze

Roma 12:11

Mmaruwelgad nib gel, ma dab um malmalgad. Mpigpiggad ngak Somol ni gimed ba pasig ngay u lanin’med.

Matthew 6:24

“Dariy be’ nrayag ni nge mang sib rok l’agruw i masta: ya ra fanenikay bagayow me t’uf bagayow rok; ya ra yul’yul’ ngak bagayow me darifannag bagayow. Dabiyag ni ngam manged tapigpig rok Got ma kigimed e tapigpig rok e salpiy.

James 1:8

ya dawori muduwgil laniyan’ ko tin ni be rin’.

1 Kings 18:21

Me yan Elijah ngorad me ga’ar, “Uw n’umngin nap’an ni ngam pired mfin gimed duwgiliy lanin’med! Fa’anra SOMOL e ir Got, mi gimed fol rok; ma fa’anra Baal e ir e Got, mi gimed fol rok!” Me par e girdi’ nda rogned ta’ab bugithin.

Revelation 2:4

Machane ba’aray e n’en ndabug rom: da kug t’uf rom e chiney ni bod fenag t’uf rom ko som’on.

Matthew 24:12

Ma aram gelngin e kireb ni bayi wear ko girdi’ ni aram e rogon nib t’uf be’ rok be’ e bayi me’waer.

Proverbs 23:26

Fakag, mu uthum e lim ngog, ma ga folwok rog.

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

2 Korinth 12:20

Gu be rusnag nra gub e nger mu gu pir’egmed ni gimed ba thil ko n’en ni gu be leamnag ni yugum boded, mi gimed pir’eg ni gub thil ko n’en ni gimed be finey ni yug gu bod. Gu be rusnag nra gub mu gu pir’egmed ni gimed be tugthin ma be awan’med ngomed, ma ba papey e dumumuw ngomed mra be’ ma kemus ni ir e be leamnag ir, ma gimed be yog e thin nib kireb ma gimed be gun’gun’nagmed, ma ba tolangan’med ma de ta’reban’med.

Matthew 10:37

“En ni kab t’uf rok e chitamangin ara chitiningin ngog e dariy rogon ni nge mang be’ rog; en ni kab t’uf rok fak ni pumo’on ara fak ni bpin ngog e dariy rogon ni nge mang be’ rog.

Deuteronomy 5:29

Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.

Revelation 3:1

“Mu yol ngak fa engel ko galesiya nu Sardis ni nge lungum: “Ba’aray e thin nike pi’ fa’anem ni bay fa medlip i kan ku Got rok nge fa medlip i t’uf. Gu manang e n’en ni ga be rin’; gu manang ni be yog e girdi’ ni gab fos, machane ga be par ni gab yam’!

Revelation 2:2

Gu manang e tin ni kam rin’; gu manang gelngin e maruwel ni kam tay nge rogon e gumaen’ ni kam tay. Gu manang ndabiyag ni ngam k’adan’um rok e girdi’ nib kireb, ma kam sikengnag e pi’in ni be lungurad e yad e apostel machane gathi yad, ma kam pir’eg ni yad be lifith l’ugunrad.

2 Thessalonika 1:3

Pi walagmad ni girdi’en Kristus, thingar ug pininged e magaer ngak Got ni gubin ngiyal’ ni bochmed! Rib mat’aw ni nggu rin’ed ni aray rogon, ya ba papey ni be ilal e michan’ romed ngak Kristus, ma rogon nib t’uf bigimed rok bigimed e be ga’ i yan.

Hosea 10:2

Girdi’ nib sug lanin’rad ko sasalap e dabisiy ni ngar gafgowgad e chiney ni bochan e denen rorad. I SOMOL e bayi buthug nga but’ e pi altar rorad, me gathay fa yu raba’ i malang ni yad ma meybil ngay.

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Hosea 7:8

SOMOL e ga’ar, “Girdi’ nu Israel e bod ba flowa nib mrarak. Yad ma pag e taga’ ko pi nam nib liyegrad

Revelation 3:16

Machane bochan e gab mathilin ni gathi ri gab gowel, ma ku da mu garbeb, ma aram e gu be n’en ni nggu thuwegem ngam chuw u lan l’ugunag!