Revelation 22:7 - Bible Ni Thothup

⁷ Me ga’ar Jesus, “Mu telim! Dabki n’uw nap’an mu gub! Ma pi’in yad be fol ko pi thin ney, ni bay u lan e re ke babyor ney, ni be yog e tin ni bay ngam’on ni bay fini m’ug e yad ra felan’!”

Revelation 22:7 Referans Kwoze

Revelation 3:11

Dabi n’uw nap’an mu gub. Mu ayuweg e n’en ni bay rom, nge dabi fek be’ puluwom ko gel ni kam tay.

Revelation 1:3

Nge felan’ e en nra be’eg e re ke babyor ney, ma nge felan’ e pi’in yad ra motoyil ko pi thin ney ni yib rok Got ni be weliy e tin ni bayi m’ug miyad fol ko pin’en ni kan yoloy ngalan e re ke babyor ney! Ya ngiyal’ ni bayi m’ug e pin’ey ni urngin e ke chugur.

Revelation 22:20

En ni ir e ke weliy e pin’ey ni urngin e ke ga’ar, “Riyul’! Dabki n’uw nap’an mu gub!” Nge par riy ni bod ni kamog. Moy, Somol Jesus!

Revelation 22:12

Be ga’ar Jesus, “Mu telim! Dabki n’uw nap’an mu gub! Ma bay gu fek puluwon e girdi’ i yib nra be’ ma bay gu pi’ puluwon ni be yan u rogon e n’en ni i rin’.

Revelation 16:15

“Mmotoyil! Bay gub ni bod ba moro’ro’! Ra felfelan’ e en nike par ni be od ni be ayuweg e mad rok, ni bochan e nge dab i yan ndariy e mad u daken ngi i tamra’ u fithik’ e girdi’!”

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Revelation 2:16

Ere mpi’ keru’um ko denen ni ga be rin’! Ya fa’anra danga’ ma dabki n’uw nap’an mu gub ngom mu gu maruwel ko fare saydon ni bay u l’ugunag nggu cham ngak e pi girdi’ nir.

Revelation 3:3

Mu tafinaynag e n’en nni fil ngom nge rogon ni mu rung’ag; ere mu fol riy ma ga pi’ keruum ko denen ni ga be rin’. Ya fa’anra dab mu od ma bay gub ngom ni bod be’ nib moro’ro’, ya dab mu nang e re awa ni gu ra taw riy.

Revelation 22:18

I gag John e gu be ning chiylen ngak urngin e girdi’ ni yad ra rung’ag e pi thin ney u lan e re ke babyor ney ni be yog e tin ni kabay ngam’on ni bayi m’ug: fa’anra puthuy be’ ban’en ko pi thin ney, ma ra puthuy Got ko gechig rok fa’anem e pi gafgow ni kan weliy murung’agen u lan e re ke babyor ney.”

Revelation 22:19

Ma fa’anra chuweg be’ ban’en ko fapi thin ni be weliy e re ke babyor ney ni tin ni bay fini m’ug ban’en, ma ra chuweg Got rok e birok’ e f’oth u wom’ngin fare ke gek’iy ko yafos, nge f’oth rok ko fare Binaw nib Thothup ni fa’ani kan weliy murung’agen u lan e re ke babyor ney.”

Revelation 22:21

Ngi i ayuwegmed Somol Jesus ni gimed gubin.